وعليكم السلام ورحمة الله وبركاته
على حد علمي لايوجد قطار يوصلك لفيرسيلنغ لكن بعد ماتوصل سالسبورغ بالقطار تاخذ تاكسي لهذه القريه المسافه قريبه 7 كيلو
مخططك فيه مشوره بالصراحه تحتاج الى منطقه تستقر فيها اشوي اكثر من ثلاث ايام وذا كنت راغب ترى سالزبورغ الافضل وفيها مزارات وبالقرب منها بحيرات وابحث عن بحيرة الملك روعه وقريبه من سالزبورغ
التصليحات ربما تنتهي قبل الصيف اشدراك لكن تاكد قبل ،، فيينا حلاتها بشارع الكارتنر وشارع ماريا هلفر
بحيرة ولف غانغ مشهوره بعد زيلامسي بالنسبه للسواح وفيها تنوع انشطه وعندك عموما كل البحيرات تصلح لتقضية نهار واحد او ساعات
هذا اللي اعرفه واتمنى ان الخبراء يفيدونك اكثر وتقبل تحياتي

انا سفرتي في مايو
ووبالنسبه لسالزبورغ انا ودي أستقر بهالو شتات لانها ديرة أسترخاء أحسها تناسبني
والقطار انا قريت واحد هنا ياكد انها توصل لفرنسلينغ وماعرفت لموقع القطارات حقتهم

1. اختي الغاليه مرحبا بك

اختي الغاليه مرحبا بك

يوجد قطار من فينا الى فيرسلاينج ولكن ليس مباشر بمعنى انكم ستأخذون القطار من فينا الى سالزبورج في رحله تستغرق ساعتان و تسعه وثلاثون دقيقة (اسرع قطار) ثم تستبدلون القطار ووتتجهون من سالزبورج الى فريسلاينج في رحله تستغرق ست دقائق فقط مع ملاحظة ان الفرق بين القطارين ساعه وخمس دقائق انتظار في محطة سالزبورج
المعلومات من موقع القطار الاوروبي هنا http://www.raileurope.com/us/rail/point_to_point/results.htm?rows=&itemId=-1&fn=fsRequest&cobrand=public&c=USD&from1=&to1=&roundtrip=0&from0=vienna&to0=Freilassing&deptDate0=05%2F12%2F2009&time0=anytime&time1=anytime&nA=1&nY=0&nC=0&nS=0
با النسبة لمخططكم انتو بتستلمون السياره وبتنتقلون الى سالزبورج بتتمشون وبعدها بتروحون هالشتات بس لاحظي انكم ماتقدرون تسوون كل الاشياء هذي في نفس اليوم ,, مثال القطار اللي يوصل فيرسلاينج بيوصل تقريبا الساعه 11 صباحا وبعدها بتاخذون تاكسي الى مكتب شركة يوروب كار عشان تستلمون السياره وبتاخذون لكم نص ساعه الى ساعه عشان اجرائات التسليم وبعدها بتروحون سالزبورج يادوب تتمشون فيها ساعتين جات الساعه 2 الظهر وباعتقادي عشان تروحون البحيرات تحتاجون وقت اطول لانكم صاحين من الصباح و الى الحين مابعد سويتو شيك ان با الفندق
عموما منطقة البحيرات اجمل مافيها سانت وولف قانق ويمكنكم ركوب القطار البخاري اللي يوصلكم لقمة الجبل و التمتع بمنظر بانورامي خيالي و تناول وجبة الغداء وبعدها تقدرون تروحون موندسي (رائعه لحد الثماله) لاتفوتونها ولكم حرية الخيار
اؤيدكم في اختيار هالشتات للسكن فهي فكرة رائعه السكن في الريف حيث الهدؤ والبعد عن صخب المدن وحتى تكلفة الفنادق هناك اقل بس الفخامة طبعا اقل بس ودي تزيدون ليله في هالشتات عشان تقدرون تروحون المناطق القريبة مثل سانت وولف قانق وسانت جيلجين وموندسي وفوشيل ام سي وويرفين (اللي فيها الكهف الجليدي) با الاضافة الاستمتاع بانشطة هالشتات الرائعه
با النسبة للسكن في شارع الكارتنر نفسه انا ما اؤيدة لانه 24 ساعه ازعاج وانا اؤيد في السكن با القرب منه مثل فندق الميرديان و الماريوت و الراديسون ساس و الانتركونتيننتال وزي ماتفضل خبيرنا هيمان اعتقد ان الاصلاحات لن تطول بس عموما اسكنو با القرب منه ولا تسكنون عليه نفسه
سعر القطار من فينا لفيرسلاينج 100 دولار على الدرجة الثانية تقريبا و المسافة ذكرت سابقا
موفقين ان شاءالله

طيب رايك اروح لسالزبورغ وبعدها أخذ تاكسي للمكتب بس انا مابعد حجزت السياره بس اتوقع مكتب غير يوروب كار؟
أنا مقصدني هنا علشان ماأنتظر ساعه ونص
وبعدها أروح مناك أتمشى في سالزبورغ هل التمشي في شورعها يكفي؟
وبعدها أمر على سانت ولف قانق وأتغدى فيها والمرور بموندسي؟
وبعدين هل عندك احداثيات الأماكن؟
وبعدين وشي أنشطة هالو شتات؟
وكم سعر القطار لسالزبورغ؟
على فكرة سفرتي أنا بمايو
ألف ألف شكر على إستجابتك؟

المهرة
نعم الافضل تاخذين قطار من ميونخ الى سالزبورج وبعدها تاخذين تاكسي من امام محطة القطار الى فيرسلاينج الالمانية وتستلمون السياره وبعدها ترجعون تتمشون في سالزبورج وتتغدون في المطعم الهندي (تاج محل) ,,, اعتقد و الله العالم ان فيرسلاينج مافيها مكاتب تاجير سيارات سوى يوروب كار و العلم عند الله
في سالزبورج تقدرون تعبرون النهر وتروحون المدينة القديمة وتطلعون للقصر وتروحون بيت موزارت والحديقة اللي عند الشيراتون
اذا حبيتو تتغدون في سالزبورج او تتغدون في سانت وولف قانق في المطعم اللي با القمة اذا ركبتو القطار الكهربائي وبعد ماتنزلون تتمشون في سنتر سانت وولف قانق ولو حبيتو تركبون مركب يوصلكم من سانت وولف قانق الى سانت جيلجين (تجربة حلوه) وبعدها لو حصلتو وقت تمرون موندسي قبل ماتروحون هالشتات
للاسف اختي احداثيات ماعندي بس لو دورتي بمواضيع الخبراء بتحصلين مثل رجل شرقي و الودعاني وغيرهم

• * انشطة هالشتات

1) متحف هالشتات
2) منجم الملح في هالشتات
وغيرها الكثير من الانشطة على الرابط هنا http://www.hallstatt.net/homepage/
سعر التذكرة من فينا الى سالزبورج على الدرجه الثانية 45 يورو و الدرجه الاولى 78 يورو من موقع القطارات النمساوي هنا http://www.oebb.at/pv/en/Servicebox/Train_schedule/index.jsp?S=vienna&REQ0JourneyDate=12.04.2009×el=depart&start=1&ld=oebb&Z=salzburg&time=15%3A59&image.x=56&image.y=20
موفقين ان شاءالله ورحله سعيده