الساحل الغربي

• كيف يمكن الوصول إلى السفارة السعودية لتسجل الجواز

من مترو تقسيم تطلع من تقسيم الى محطة ليفت 4 السفارة قريب من المحطة بس اسال اول ما توصل

• افضل مكان لتغيير العمل ( بنك ) اوغيره يكون أمين

انا صرفت من الصرافين موجودين قريب من جامع السلطان احمد والله انها افضل من السعر في جدة

• تركيا الصغرى كيف الوصول لها من تقسيم وهل تعمل طوال الأسبوع ولا فيه أيام تقفل

من تقسيم تقدر تطلع بالتكسي في حدود 10 ليرات ( لاني انا طلعت من ميناء امينونو ب 15 ليره )
وهي قريبه من تقسيم اهم شي كاسر ولا توافق على اي سعر انتبه
طبعا في باصات تطلع من تقسيم لها بس ما عندي فكره عنها ولا حبيت الباصات زحمة كثير وفيها انتظار وتعرفنا احنا ما نحب الانتظار كثير
تركيا الصغرى تفتح طوال الاسبوع بس افضل وقت لزيارتها يوم الاحد يوم الاجازه تحس انك في السعودية زحمة وعوائل واطفال

• أين المطاعم الرومنسية وتكون محافظة أين يوجد مطعم حياتي

ما شفت ولا مطعم فيه خصوصيه زي السعودية ( ويمكن فيه مادري والله )

• برج غلاطة كيف الوصول له من تقسيم وهل يستحق الزيارة

برج غلاطة قريب من تقسيم على مضيق البسفور بس بيني وبينك زيارة تل العرائس او التلفريك تغنيك عنه لانه هو يطلع على اسطنبول وانت في هذه الاماكن راح تشوف اسطنبول من الاعلى افضل من مطلع البرج

• أين يمكن أن احصل على شريحة جوال وافضل شركة وكم الأسعاروما الاجراءات المتبعة للحصول على الشريحة

وانت نازل في مطار اتاترك وبعد ما تاخذ العفش راح تطلع مع البوابة على طول لف يمين راح تحصل قدامك فودافون خذلك شريحة 35 ليره مشحونه اتوقع 5 ليرات وكلم منها وبعدين اشحنها من اي مكان في اسطنبول فروعه كثيره جدا سعر الدقيقة للسعودية ليره او ليرتين بالكثير
ولا تستخدم جوالك السعودية في الاتصال على السعودية غالي جدا انتبه
مع فائق التقدير للجميع
أخوكم الساحل الغربي
بالتوفيق

مشكور أخوي ولد جدة بارك الله فيك