حياك الله اخوي راح اجاوب باللي اقدر عليه
1-انا حجزت عن طريق الاتحاد للطيران البحرين ابو ظبي شيكاغو..وش رايكم بالدرجه السياحيه.؟7250 والفرق عن البزنس كلاس 10000 ريال..هل السياحيه سيئه الى هذا الحد؟
الدرجة السياحية جيدة في ألأتحاد لكن بالتأكيد فيه فرق كبير عن البيزنس ويعدين اخوي انت غلطان بالنسبة لسعر البيزنس, السعر مايقل عن ال 22000 ريال في ألأتحاد اذا مش اكثر
2-انا حجزت في فندق كراون بلازا داون تاون ب129 دولار في اليوم..وش رايكم في الفندق وهل هو قريب من النورثويسترن ينوفيرستي؟
يحتاج انك تدور في خرائط غوغل او خبراء شيكاغو ممكن يفيدونك بالنسبة لقرب الفندق من الجامعة المذكورة عموما الكراون بلازا من الفنادق اللي معروف ان مستواها فوق الجيد والسعر من وجهة نظري مناسب بس ياريتك تبعد عن الداون تاون
3-انا بروح من السعوديه لشيكاقو لسان فرانسسكوا وبعدين السعوديه...خط سيري الآن ابوظبي--شيكاغو--سان فرانسسكوا--شيكاغو--ابو ظبي..هل من الممكن اني احجز دايركت من سانفرانسسكوا لدبي مثلا او ابو ظبي؟ووش الافضل.
نعم ممكن ألأماراتية عندها خط مباشر الى سان فرانسيسكو من دبي.
4-كيف الجو هناك لأني سمعت ان الجو بارد في الصيف مو مثلنا هنا؟
جو شيكاغو حسب معرفتي معتدل صيفا بارد جدا شتاء
5-وش نصائحكم لشخص اول مره يروح امريكا؟
انك تعرف ترطن انجليزي وتبعد عن ألأماكن المشبوهة وتتجنب وسط المدن الكبيرة (الداون تاون) بالليل
6-هل الجوال كجهاز واللابتوب في امريكا غير عن هنا..يعني افضل والا مثل بعضهم..لاني ابي اشتري لابتووب واقول خلها من امريكا افضل؟
نصيحة خذها من هنا على شان الضمان الا في حالة العروض المغرية
7-انا آسف اذا هالاسئله رفعت ضغطكم
لارفعت الضغط ولا شي بس ارجو اني قدرت اجاوب على استفساراتك ولو يشي بسيط وبالسلامة ان شاء الله

1. السلام عليكم


2. الجو مهنا بازين منه هين والا تقارنه بجو الخليج يعني في اغسطس

السلام عليكم

انتم يا حقين ارامكو قبلكم حذرين ماشاء الله الله يسهل امورك يا اخيي دوك الاجوبة
والله يا اخيي ان تسانكم تسال عن طيران الاتحاد الدرجة السياحية فاقول لك طيران الاتحاد بالنسبه لي من افضل الطيران على مستوى العالم يعني على قولت حريمنا يهبل واحسن شي انك اخترته وانا جربته الرياض ابو ظبي سيدني والعكس درجة سياحية ماشاء الله روعة كل شي مريح فانا لو اني محلك اطلع سياحية هذا رايي
مشكلة الفنادق كلن يعطيك راييه يا اخيي يقولون لولا اختلاف الاراء لبارت السلع يعني ممكن بعض الناس ها الشي يبعد كيلو عن محل مميز يقول قريب من المحل المميز وبعضهم لو يبعد 100 متر عن المحل المميز قال واو بعيد فتعتمد على الشخص نفسه بالنسبه لي اشوف ان الفندق راع جدا
تختلف يا اخيي على حسب الخطوط الي تبي تروح عليها اذا الخطوط الي تبي تروح عليها فيه دايركت والا ما فيه دايركت والظاهر ان الاتحاد ما فيه دايركت لازم تمر شيكاغو يعني مالك الا تمر شيكاغو روحة ورجعة الا اذا تقول لا والله ابشوف طيران ثاني هذا شي راجع لك ومثل ما قلت لك تعتمد على شركة الطيران الي تبي تروح عليها

الجو مهنا بازين منه هين والا تقارنه بجو الخليج يعني في اغسطس

مهنا نصايح يا اخيي اقسم بالله ان امريكا اطلق وازين مليون مره من الدول الاوربية الي تسنهن زبالة الله يكرمك غلا وشوفة نفس ومعاملة زفت دولة تفتح النفس واهلها وش حليلهم يخدمونك ولهوب يقصرون وشعب حبيب
بالنسبه للكمبيوترات الشغلة ترجع لك وللمواصفات الي تبيها وعلى حسب العروض الي تحصلها بالذات عقب ما نزلت اسعار الابتوب في السعودية من فترة يعني ممكن مرات الاسعار في السعودية جعلها للسيل والله لا يخلينا منها ارخص وممكن في امريكا ارخص والافضل لك شف لك الجهاز الي تبيه في السعودية مواصفاته ونوعه وحجمه واذا جيت بمشية رب العالمين قارن وشف هل هو افضل والا لا عندك محلات بست باي هي الاشهر مثل اكسترا عندنا في السعودية
لا تم تعود تقول ها لاسئلة عند الفالح تراه يزرى على ها الاسئلة
بالتوفيق يا اخيي والله يسهل امورك يا رب

ابو عبدالعزيز امريكا
بارك الله فيك يابو عبدالعزيز
والفالح بيض الله وجهه عقب هالزيادات الطيبه

nizar9
فيه شئ غريب في المنتدى؟؟؟
رد الزميل نزار اول مره اشوفه
شكرا لك يانزار وياليتك تشرح لي ليش الداون تاون مو بزين؟؟انا اللي اعرفه انه هو مركز المدينه؟

اخوي راعي ارامكو الفكرة وسجلتها ببالي ... ويمكن العيد الثاني اكون جارك بالفندق.... لاهنت عطنا الجديد برحلتك اول باول... وبالسلامه

abo hia
غريبة فعلا لأن ردي كان اول رد على استفساراتك وانا كنت مستغرب انك رديت على ألأخ بوعبدالعزيز واهملت ردي!!!
اخوي بوهيا الداون تاون بالعكس جميلة وتستاهل الواحد يتمشى فيها ساعات بس خلال النهار وليس بالليل لأنها تصبح غير امنة بسبب تكاثر المتسكعين واللصوص والسكارى والمتشردين بعد حلول الظلام والحذر واجب وانا اخوك
مع تمنياتي لك برحلة موفقة وامنة

شيكاقوا خليك ف يالداون تاون والشمال وابتعد عن الجنوب !!
بالتوفيق