mubdea
29-05-2022 - 05:47 am
السلام عليكم
حنا ان شاء الله رايحين دبي مع بداية عيد الأضحى و عندي بعض الأستفسارات بالإظافة الى خبرتكم في تنسيق الجدول و اختيار البرامج المناسبة .
1. الطيارة تمشي من مطار البحرين , و ابغى اعرف وين ناخذ كرت حق المواقف المجانية .
2. الطيارة راح تنزل في مطار الشارقة و السكن قريب من ممشى المارينا ( كم يكلف التاكسي تقريبا ) و ( كم مدة المشوار )
3. هل في مهرجانات في فترة عيدالأضحى في دبي ( الشي الوحيد اللي اعرفه انه راح ينفتح برج دبي في ذيك الفترة )
هذه كل الاستفسارات اللي عندي
نجي لموضوع البرامج , حنا عائلة عددنا 10 أشخاص أصغر واحد عمره 16 باستثناء رضيع واحد
الأماكن الأساسية اللي نبي نروح لها هي
مول الأمارات + ( سكي دبي )
دبي مول
دبي فيستيفال سيتي
القرية العالمية
السوق الصيني
جولة في السفينة
أطلنطس
المترو
هذه أهم الأشياء
و أبغى المساعدة في ترتيب البرنامج و ايظا نبغا برامج سياحية نروح لها غير المجمعات و الألعاب المائية وتكون مناسبة للجميع
و جزاكم الله خير
السؤال الثالث
اهم شي بيكون مفتوح القريه العالميه ونيسه واول يوم عيد دايما يحطون العاب ناريه وهالسوالف بس نصيحه لاتروحون اول يوم كله هنود وماراح تشوفون شي من الزحمه