السلام عليكم ورحمة الله وبركاته
بأذن الله السنه هذي بتكون الوجهه الى فرنسا وسويسرا لأول مرة لي في اوروبا
ولدي الكثير من التسالات
اولاً: المسافرون انا وزوجتي
ثانياً: الميزانية 15000 للتنقلات والاكل والتمشيات ليست شامله للتذاكر والفنادق والفيزا
ثالثاً: موعد السفر ان شاءالله 25-10-2012 الى 02-11-2012
7 ليالي / ثماني ايام
الخطة المقترحه حاليا بتكون الوجهه من الدمام الى باريس بالطيارة طبعاً
ومن باريس الى جينيف بالقطار
ومن جينيف الى الدمام اكيد طيران
اول سؤال : حبيت اعرف بالنسبه للفيزا فيها اي مشكله اذا كان حجزي للطيران
الدمام -باريس
جينيف -الدمام
او لازم ارجع من باريس؟
ثاني سؤال: بالنسبه للقطار من باريس الى جينيف كيف طريقته بالتفصيل اذا ممكن لان اول مرة لي باوروبا ومالي خلفيه عن طريقتهم وياليت سعر التذكره
واذا في مجال احجز للقطار من الدمام و وين او يفضل من هناك في باريس؟
والتنقلات بالمترو داخل باريس و سويسرا
ماهي الطريقة الافضل او الاماكن المقترحه الذهاب اليها في باريس و سويسرا؟
وبالنسبه لي افضل الاماكن الترفيهيه والطبيعه مالي كثير بالتاريخ
وكم بتكون التكلفه باليوم لشخصين من تمشيه واكل؟
وبالنسبه لباريس اذا حبيت اروح لديزني لاند كيف الطريقه الافضل والوقت المناسب واليوم اذا تفرق
وهل يجب اسكن بالقرب من ديزني او اروح وارجع نفس اليوم ؟
وسويسرا ماهي الاماكن الموصى بها وطريقة التنقل لها
مثلا اذا بروح من جينيف الى انترلاكن كيف طريقة المواصلات وهل اكتفي بالسكن بجينيف واروح وارجع بنفس اليوم؟
وياليت اذا في فنادق توصون فيها سواءً في باريس او سويسرا؟
ارجو افادتي بجدول مقترح لرحله لاتنسى ابيض فيها الوجهه
لانها مفاجئه لزوجتي وابيها تضبط باذن الله وتكون مدروسه ومجدوله بالترتيب
في البدايه اهم شي ابي اعرف عن التذاكر والفيزا مثل ماسالت في البدايه عشان اخلص من حجز التذاكر
الله يوفق الجميع بمجهودهم الرائع في هذا المنتدى الجميل
تحياتي للجميع