خاااااااااااااااالد
25-11-2022 - 06:40 am
السلام عليكم
عندي بعض الأسئلة ياشباب، أرجو من اللي عنده الأجوبه مايبخل علينا
بما أني من زمان ماسافرت وخلقي ضايق وحالتي حاله ، رحت امس و حجزت من الرياض للفلبين(مانيلا) على طيران الاتحاد بتاريخ 20 اغسطس والرجعة ان شاء الله في 4 سبتمر("مدة الرحلة تقريباً أسبوعين") فعندي مجموعة من الأسئلة:
1) أنا للأسف بروح لوحدي لأني مالقيت لي أحد يجي معي من الشباب ، فما أدري هل تنصحوني أكنسل وأدور مكان ثاني ولا أستمر ؟؟ مع العلم أني سبق ورحت لأندونيسيا لوحدي لمدة (اسبوعين)وكانت السفرة من امتع مايكون.
2) وشلون الطقس في الفلبين في هذا الوقت من السنة ؟ أنا سمعت ان فيه اعاصير وأمطار؟ وهل تؤثر على تمشيتي هناك ؟
3) كم تقريباً تكلفة السفرة (أنا عارف أنها على حسب صرفية الشخص بس ابغى سعر تقريبي بحيث أن الواحد مايبخل ولا يبذر).
4) وش الجدول اللي تنصحونني فيه هناك .
5) وش التعليمات أيضاً اللي تنصحونني فيها هناك .
ويعطيكم ألف عافية مقدماً .
