- والسبب انه احنا عائلة شوي كبيرة وعوائق مرت كثير وأنا أحاول أخطط ,,
السلام عليكم ورحمة الله وبركاته صارلي تقريبا شهرين حاولت اخطط للسفر الى اوربا بس عجزت وافكاري متلخبطة
والسبب انه احنا عائلة شوي كبيرة وعوائق مرت كثير وأنا أحاول أخطط ,,
حآبة تساعدوني وتجاوبون على بعض الاستفسارات الله يسعدكم عشان أخطط مزبوط بدون تشتيت
س1 / العائلة مكونة من 6 بالغين و 3 اطفال ,, لو أبي احجز أكواخ ريفية أو شاليهات هل لآزم بالعدد ,, يعني في بوكنج أبي احط العدد بس 6 والاطفال يتدبر امرهم ان شاء الله وعادي ينامون معنا بالاسرة يعني مو لازم اسرة لهم ويصير ادخل الاطفال بعد اجراءات التشيك ان بدون محد يدري .. وما ادري اذا مقبول هالشي ولا لازم بالعدد؟
س2/ هل مبلغ 50 ألف مناسب ل 20 يوم للأنشطة والقمم والاكل يعني كمصروف يومي ,, ( من غير تكاليف الاكواخ والسيارة) ؟ ولا يحتاج أقلل عدد الايام ؟
س3/ هل لازم التغيير فالسكن لان مقرره ان اسكن بوسط سويسرا لمدة 10 ايام بنفس السكن وننتقل يوميا لارجاء سويسرا علماً ان رحلتنا بالصيف يعني النهار بيكون طويل ان شاء الله ؟ ولا لازم اغير بالسكن خمس ايام بمنطقة وخمسة ايام بمنطقة ثانية ؟ والعشر الايام الباقية حتكون كم يوم بالمانيا و الايام الاخيرة بضواحي فرنسا القريبة من جنيف لان المغادرة ح تكون من جنيف.. كذا تمام ولا حيكون متعب علينا ؟
س4/ بالنسبة للسيارة بما ان عددنا كبير فأكيد بنستأجر فان ,, ودنا بجمس بس ما أعتقد ان عندهم جمس مدري ليه
فهل الفان متعب بالتنقل خصوصا بالطرق الضيقة والجبلية ؟
وشكرا لكم مقدماً
الشكر لله
وبالتوفيق ان شاء الله
بس عندي شغلتين ابغاك تتاكدين منهم
المبلغ هل يكفيكم او لا؟؟
وحجوزات الفنادق هل بيمشونها لكم او لا؟؟