mansour ta
17-09-2022 - 09:28 pm
السلام عليكم ..
اشكر لكم حرصكم ع مساعدة الجميع .. عندي كذا استفسار ..
هذي اول سفره لي ... انا وزوجتي .. لاكمالنا عشر سنوات ..
اول شي كان بمخططنا نروح بالي لكن الاغلبيه قالو ماتصلح عوايل ومشاكل وكذا صحيح هالكلام !
السؤال المهم .. 1-ابغى منطقة فيها منتجع او مسبح خاص .. وبراشوت ودبابات بحريه وهكذا من الاشياء الترفيهيه يعني شي يشبه بما يوجد في شواطى بالي .. اهم شي منتجع راىع مع الترفيه في الشاطى فين القاه .؟
2- افضل شركة اتصالات .؟
3- افضل مكان للصرافه موقعه فين وهل يوجد فرع للراجحي هناك زي الموجود بماليزيا ؟
4- الفنادق الافضل احجزها من موقع بوكنق ولا عادي احجز هناك .. يعني افككر اول يومين الفندق بجاكرتا احجزه من هنا والباقي هناك زين ولالا .؟
5- منطقة باندونق تنصحوني فيها .؟ وهل فيها منتجعات ؟
6- في اسواق رخيصه زي الموجوده بباندونق في جاكرتا القى ؟
بما انه اول مره اذا ممكن ترتبون لي الرحله وكم اجلس يوم بهالمناطق ..
حاليا التخطيط اللي مو مقتنع فيه كثير لجهلي طبعا عن الجزر اللي اقدر اروح لها كمان
جاكرتا - باندونق- بونشاك
باندونق قريت اني ممكن اروح لها من جاكرتا بالباص او سيارة خاصه صحيح ؟
احط لها 3 ايام ولا كثير .؟
قريت عن جزيرة لومبوك وانها تبعد عن جاكرتا ساعه ونص اقدر اروح لها بسيارة ولا تحتاج طياره ؟
سامحوني ع الاطاله بس محتار جدا واحس من كثر مااقرأ ماعاد اجمع
يعطيكم العافيه جميعا
الرحله من يوم 17 ابريل الى يوم 27 ابريل
افيدوني بما عندكم واقتراحاتكم جزاكم الله خير
اخي الكريم
المدة جدا قصيره
فياليت لو تزودها اقل شئ اربع ايام اذا كان فيها مجال للزيادة
وابشر ان شاء الله مايقصروا معاك الاخوان