chiba
03-05-2022 - 09:22 am
اخواني واخواتي اريد مساعدتكم في بعض النقاط اتمنى التكرم ومن عنده علم فلا يبخل علينا وله دعوه صادقة مني
انا مسافر شهر عسل في اندونيسيا واخترت 3 مدن فقط لكي لاتكون رحلتي كلها طرد وملاحق ...
اخترت اولا بانشوك(3 ايام) ثم باندونق(3 ايام ) ثم جاكرتا (4 أيام ) ولا رغبة لي في بالي لضيق الوقت ودخول رمضان
س1 : اول ما أنزل من المطار هل التكاسي الخارجية توصلني لبونشاك ؟ ام الافضل اكلم لي سائق من هنا يستقبلني في المطار ؟
س 2 : في بانشوك اخترت novous punchak resort ولا اعلم هل مستواه ممتاز مثل ما هو ظاهر في موقعهم ؟ ام هناك افضل ؟ بصراحه محتار واريد اختيار الافضل قبل الدفع وسعرهم كان 550 ريال في الليله
بصراحه انا افضل الفلل في المنتجعات ولكن لا اعرف في بونشاك ولم اجد في النت
س3 : ما هي النشاطات الي معروف عنها بونشاك غير الذهاب الى تامان سفاري ؟ هل هناك شي معين لا يبنغي تفويته ؟
س4 : في باندونق وضعت خطة مبدئيه لزيارة الشلالات ومزارع الفواكه وسوق الجينز ومطعم جاسمين ومطعم Kampung Dau والكهف فهل هناك شي اخر لا ينبغي تفويته في باندونق
س5 : اخترت فندق هيلتون في باندونق ... فهل موقعه مناسب ؟ وهل هناك منتجع بنظام الفلل يكون مناسب ؟
س6 : اين اجد الالعاب اللي فيها مغامره ..؟ مثلا اريد تجربة البرشوت من الجبل مثلا...؟ وايظا اريد تجربة البرشوت اللي يقوم بسحبه قارب سريع في البحر ...؟ وايظا الدبابات البحرية ؟ مثل هالالعاب اللي شفناها في ماليزيا أين نجدها في اندونيسيا ؟
ادري اسئلتي كثيره لانها زيارتي الاولى لاندونيسيا وانا اخترتها لكي تكون رحلة العمر واتمنى تجد منكم صدور رحبة للاجابة وشكرا ...
مرحبا
س1 : اول ما أنزل من المطار هل التكاسي الخارجية توصلني لبونشاك ؟ ام الافضل اكلم لي سائق من هنا يستقبلني في المطار ؟
اشوف مهم ترتاح في جاكرتا يوم .. من سفر 9 ساعات و انتظار المطارات ...
و ثاني يوم تروح الجبل ...
س 2 : في بانشوك اخترت novous punchak resort ولا اعلم هل مستواه ممتاز مثل ما هو ظاهر في موقعهم ؟ ام هناك افضل ؟ بصراحه محتار واريد اختيار الافضل قبل الدفع وسعرهم كان 550 ريال في الليله
بصراحه انا افضل الفلل في المنتجعات ولكن لا اعرف في بونشاك ولم اجد في النت
ممكن تسكن في سيروني .. او استون بوقور في بوقور ..
و اتوقع استون بوقور افضل لأنه احدث .. و ان شاء الله يرد عليك احد جرب السكن في نوفوس ..
س3 : ما هي النشاطات الي معروف عنها بونشاك غير الذهاب الى تامان سفاري ؟ هل هناك شي معين لا يبنغي تفويته ؟
سألت عن الباراشوت , وهو موجود بالجبل ..
حديقة الزهور .. الشلالات السبعه .. بحيرة الليدو ..
غير المطلات و مواقف الشاي و المطاعم ..
س4 : في باندونق وضعت خطة مبدئيه لزيارة الشلالات ومزارع الفواكه وسوق الجينز ومطعم جاسمين ومطعم Kampung Dau والكهف فهل هناك شي اخر لا ينبغي تفويته في باندونق
شلال ماربايا .. البركان .. محلات الاوت لت ..
س5 : اخترت فندق هيلتون في باندونق ... فهل موقعه مناسب ؟ وهل هناك منتجع بنظام الفلل يكون مناسب ؟
اتوقع فندق سينسا افضل موقع .. و ميزته فندق جديد يمكن له سنه وشوي .
و منتجع ساري اتر .. و منتجع جراسيا سبا .. فيها نظام فلل
لكن اشوف انها كبيره على شخصين .. و هادئه جداً
عموماً ممكن تسكن في ساري اتر لكن في الفندق ..
و ميزة ساري اتر فيه الكثير من الالعاب و الفعاليات اللي تنفع للكبار اكثر من الصغار ...
يعني في النهايه ممكن تاخذ ليلتين في سينسا , و ليله في فندق ساري اتر ,
و بعدها جاكرتا .
س6 : اين اجد الالعاب اللي فيها مغامره ..؟ مثلا اريد تجربة البرشوت من الجبل مثلا...؟ وايظا اريد تجربة البرشوت اللي يقوم بسحبه قارب سريع في البحر ...؟ وايظا الدبابات البحرية ؟ مثل هالالعاب اللي شفناها في ماليزيا أين نجدها في اندونيسيا ؟في جاكرتا شاطيء انشول فيه كثير فعاليات و ممتعه جداً للكبار و الصغار ..
ادري اسئلتي كثيره لانها زيارتي الاولى لاندونيسيا وانا اخترتها لكي تكون رحلة العمر واتمنى تجد منكم صدور رحبة للاجابة وشكرا ..
الله يحييك بأي استفسار .. و يسعدنا نرد عيها مهما كثرت ..
و ان شاء الله توصلك اقتراحات اكثر من المشرفين و الاعضاء ..
و رحله سعيده ..
دعواتكم ..
..