Balsam_FhD
18-02-2022 - 10:45 am
السلام عليكم ورحمه الله وبركاته
شلونكم يا اعضاء المنتدى الكرام ؟ اتمنى تكونون بأتم صحه وعافيه
انا قررت اشترك بهذا المنتدى لاني وايد سمعت عنه وماشالله جدا جدا مفيد لكل مسافر
بدخل بالموضوع على طول
يا محفوظين السلامه اختكم بالله بتسافر على باريس ان شاء الله اذا ربنا كتب من 23 يونيو الى 3 يوليو
وطبعا انا اول مره اروحلها وماعرف ولالالالا شي فيها فياليت اللي يعرف فيها ورايحلها من قبل يفيدني بأشياء علشان نستانس علما بأننا رايحين شخصين فقط انا و زوجي
ابي اماكن رومانسيه حلوه
وابي اماكن الاسواق الرخيصه ( خبركم حق الصوايغ والاطفال ههه )
وابي اماكن الماركات والاوت لت
وابي اعرف شلون اتنقل هناك بالتاكسي ولا المترو احسن ؟ و شلون طريقته شحن البطاقه مثل لندن ولالا ؟
وبالنسبه للاكل والمصرف هناك غالي ولا شلون ؟ طبعا بدون مشتريات ؟
وبس جزاكم الله خير
وربي يسعد اللي يجاوبني ويسخر له القلوب القاسيه والعبيد العاصيه
خوش دعوه جدتي كله تدعيها لنا
وسلامتكم ... دمتم بود
جربي الرابط هذا فيه جدول ان شاء الله بيفيدك كثير
https://artravelers.com/p/re/146592
افضل وسيلة للتنقل هيا المتروو عشان فيه المتعة وارخص من التاكسي
لو تعرفين الأندر جراوند حق لندن ماراح تحصلين مشاكل في المتروو تقريبا نفس الفكرة مع اختلاف اسامي المحطات
بالنسبة للمتروو ممكن تشرين حاجة اسمها باريس فيززت عشان تلفين باريس كلها
بالنسبة للمصاريف اليومية انا دائما اقوول ان باريس 100 يورو باليوم شاملة الأكل والشرب والمواصلات وزيارة اهم المعالم السياحية للشخص الواحد ... طبعا من غير التسوق والسكن ...