ماشاء الله عليك اسئله جدا مهمه...
وانا معك بانتظار الجابه...
وفقك الله

السلام عليكم يا killua
أولا ارجو لك التوفيق مقدما
و والله ان بعض استفساراتك ذكرتني بمرحله عشتها قبلك ولا أخفيك أضحكتني وأرجو منك المعذره يا الغالي
عشتها من حوالي 9 سنوات وتحديدا في مطلع عام 1999 وسقا الله ذيك الايام
خلنا بالمفيد الحين / أغلب أسألتك كان من الضروري انك تستفسر عنها لكن خل أوضح شي اذا الله كتب لك تروح راح تكتشف بنفسك ان الدعوى ما تستاهل كل هالقلق وان شا الله راح أحاول أرد على استفساراتك في وقت لاحق تحياتي لك

1. 2- أتوجد مشاكل في احضار معي التالي :


2. مكينة حلاقة - مقص ظفور(اللي بوسطه سكين ومفك ببسي) - معجون اسنان

بسم الله الرحمن الرحيم
ردا على استفساراتك يا عزيزي سوف احاول ان أجيب حسب ما يتوفر لدي من معلومات ونستعين بالله
1 - رحلتي ستكون مباشرة إلى واشنطن للذهاب إلى الملحقية وأنا سمعت بأن الملحقية تتكفل بإستقبالك فما هي الطريقة الكاملة لجعلهم يستقبلوني وهل الاستقبال يشمل المسافرين على حسابهم الشخصي ؟
[لم يتاح لي أن جربت ولكن لي قريب ذهب العام الماضي الى امريكا للدراسه واتصل عليهم حال وصوله وما قصرو معه والأمر يشمل المبتعث المشمول بنظام الابتعاث واللي على حسابه فلا تقلق يا عزيزي
[ ماهو أفضل سكن يكون مجاور للملحقية , وماهي طريقة الحجز ؟
لا أعلم بس حسب تجربتي السابقه ان حجز الفنادق في أمريكا سهل جدا وميسر فالافضل ان تحجز عن طريق الانترنت باستخدام الكريديت كارد أضمن لك
3 - لغتي الأنجليزية ضعيفة جداً , فهل ستكون هناك مشاكل في السفر لوحدي , و ماهي ؟
لا تجعل اللغه عائق أمامك كلنا عندما ذهبنا هناك مشينا بالبركه زد على ذلك ان الشعب الأمريكي وخصوصا موظفي المطارات متعودين على ذلك وأغلب المطارات الأمريكيه تعج بالموظفين العرب وان شا الله ماتحتاجهم فاستعن بالله وتوكل ولا يهمك بس ضروري تا خذ معك برنت لأوراق حجوزاتك كالفنادق والسياره وغيرها وخذ معاك أرقام السفاره احتياطا4 - من لديه الجواز الأمريكي , هل يجب اخبار السفارة الأمريكية بأنه مسافر لهناك ؟ وماهي فوائد الجواز كمبتعث ؟
طبعا لازم أأصلا في جوازك السعودي راح يكون مكتوب مكان الميلاد الولايات المتحده الأمريكيه فعليه لا تحتاج الى استخراج فيزا لدخول الأراضي اللأمريكيه حيث تعتبر مواطن أمريكي وقد حصل لي موقف شخصيا حيث ولد لي طفل هناك واعطوه الجواز اللأمريكي مباشرة وعندما رجعنا الى الوطن ذهبت للسفاره الامريكيه لاستخراج فيزا فضحكو علي وقالو كيف مواطن امريكي يطلب فيزه لدخول امريكا هذا مايصير بس ضروري تحمل معك الجوازين السعودي والامريكي فجوازك السعودي تعرضه للجوازات السعوديه وانت مغادر والامريكي تعرضه لشركه الخطوط الناقله وللجوازات الأمريكيه عند الوصول انشا الله5- أريد من كل شخص يرد هنا , يكتب طريقته في حمل المال إلى هناك .
طرق حمل المال ميسره ومتوفره فالافضل ان تاخذ معك كاش 5 الاف دولار وبطاقة أئتمان يكون رصيدها كافي لشهرين على أقل احتمال واذا وصلت على خير على طول افتح حساب وأرشح لك بنك أوف أمريكا مثل بنك الراجحي عندنا في كل مكان تلقاه6 - ماهي أفضل بطاقة فيزا ؟ (أرجو التفصيل في هذي النقطة كثيراً من ناحية كيفية الاستخدام وغيرها)
بطاقات الائتمان كلها ماشيه هناك مافيه مشكله بس زي ما قلت لك خلها برصيد عالي شوي عند الحاجه والفيزا تحملها معك للمشتريات تجنبا لحمل النقد والكاش وبعد فتره بيجيك عروض من شركات الكريديت هناك وقدم عليها بس شف اللي بدون رسوم اشتراك حتى لو كان رصيدها متدني فبعد فتره سوف يرفعون الليمت او ما يسمى بالكريديت لاين او الرصيد وارشح الدسكوفر والامريكان اكسبرس البلو والماستر اوف شيس بانك فعليها خصومات تستغلها في حجوزات الفنادق والسيارات ودخول بعض الاماكن الترفيهيه في بعض الولايات اللي بتزورها في الاجازات ويا كثر اجازاتهم بعد بس حاول تستغلها وتسافر وتتنقل بين الولايات برا بالسياره تراها متعه متناهيه
7 - هل استطيع أن أسحب كاش من الصرافات في امريكا عن طريق بطاقة سامبا أو الراجحي ؟ وكم فوائدهم التي يأخذونها ؟
نعم تستطيع تسحب من اي صراف ولكن حط في بالك عملية السحبه الوحده كم حد الصرف من واقع تجربه اغلب مكائن الكاش هناك تعطيك في السحبه الوحده 800 $ بخلاف بنك اوف امريكا فيعطيك في السحبه 1000 $ كحد أقصى وهناك دولارين على كل عمليه + مبلغ يخصم من حسابك في السعوديه يسمى رسم اتصال (38 ريال في بنك الراجحي-25 ريال سامبا-18 ريال ساب) بس الراجحي عيبه ما تعرف رصيدك كم في السعوديه تسحب وبس وتحمد ربك ههه (ملاحظه المعلومات من أرشيفي من الفتره 1999-2004 ) 8 - الحجز إلى بلدة الدراسة (سبرنج فيلد) يكون من السعودية أو من واشنطن ؟ (سأقيم ثلاث ليال في واشنطن)
حبيبي رتب حجزك من مكتب احسن ويسوي لك كل شي يعني احجز سكنك في واشنطن3 ليال +حجزك الى سبرنج فيلد فالمكتب مستفيد لان الأمريكان يحبون يحجزون مقدما يعني أدفانس ريزرفيشن أرخص لك واوفر من الحجز اللي قبل الرحله بيوم أو يومين عادة يكون غالي وبالتوفيق9 - مالفرق بين القنصلية و الملحقية و السفارة ؟ (منحرج و أنا أكتب هالسؤال مدري ليه)
اللي أعرفه ان السفاره السعوديه في واشنطن ويتبعها قنصليه في هيوستن ولوس أنجلس يعني القنصل يتبع السفير والقنصليه تتبع السفاره وتقوم بأعمالها والملحقيه جزء من مهام السفاره فهناك ملحق ثقافي تعليمي وملحق عسكري وقس على ذلك
0- كأني سمعت إنه في مطارين في واشنطن دالاس و رونالدريقون فأي المطارين أقرب للملحقية ؟
هذا اللي ما أعرفه عذرا منك11 - هل يحتاج أن أجلب معي الهوية الوطنية ؟
لا الجواز كافي وزياده

2- أتوجد مشاكل في احضار معي التالي :

مكينة حلاقة - مقص ظفور(اللي بوسطه سكين ومفك ببسي) - معجون اسنان

لا تخلي شي جب اللي تبي معك بس وش تبي بمقص الاضافر ومعجون الاسنان تلقى هناك احسن النوعيات يا رجال هونه بس وتهون وابعطيك معلومه أنزع الرهبه والقلق وابعدهم عن تفكيرك وخلك جرئ بس مع عقلا نيه وتبصر واهم شي ابحث عن المسجد في المنطقه اللي بتسكنها ترا المسلمين هناك متكاتفين أكثر من هنا للأسف وربي يوفقك

الله يسلم يدينك على هذا الموضوع الاكثر من رائع و الاجابات الرائعة جدا جدا والله يطول اعماركم وشكرا جزيلا:x1:

الله يعطيك العافيه اخوي
FROM TXوفرت علينا وقت ومشوار طول
الله يجعلها في ميزان حسناتك

يعطيك العافيه اخوي
FROM TX
وفرت علينا وقت كثير