انا ناوي اسافر لاندونيسيا لاول مرة مع واحد من اخوياي ، وراح نجلس هناك لمدة اسبوعين تقريبا قد تزيد ايضا كم يوم ،
السؤال
ابي اعرف كم الميزانية اللي تكفي للمصاريف لي انا وخويي خلال هذي الفترة ؟ مع العلم ان السفر راح يكون بعد شهر ذي الحجة تقريبا راح يكون في محرم ؟ ومع العلم ايضا باني ما اهتم بالسكن في اماكن خمسة نجوم او اربعه يعني من 3 وتحت ؟
ابي اعرف الاوقات اللي يمكن الواحد يزور فيها اندونيسيا ووش هي الاوقات اللي ما تنفع فيها الزيارة ؟
انا ودي اروح لجاكرتا وبونشاك وباندونق وبالي
ابي واحد يقسم لي لايام على هذي الاماكن ، الايام تقريبا زي ماقلنا من 14 يوم الى 17 يوم
وودي اعرف وش هي الاماكن اللي تستحق الزيارة في هذي الاماكن ، طبعا ما ابغى اروح لككل الاماكن ولاني من هواة زيارة الاماكن التراثية بس ان كان فيه اماكن اثرية تستحق الزيارة ممكن ازورها ما عندي مانع ؟
طبعا فيه بعضكم بيقول تابع التقرير الفلاني او التقرير الاخر انا اطلعت على اغلب التقارير وبصراحه ابغى تقرير مختصر ويكفى على حسب المدة لان بعض التقارير كاتبين فيها كل شي وانا اذا ابي ازور كل شي يبي لي اجلس سنه ولا راح اخلص
ارجوا المساعدة ووالشكر