mhm123
24-06-2022 - 08:20 am
السلام عليكم ورحمة الله وبركاته
حبيت استفسر عن اسعار العود والبخور في جاكرتا وفي الجبل بونشاك
هل في فرق بينهم او لا ؟ تنصحون اشتري من جاكرتا او الجبل ..
وعن الاماكن الزينه اللي تبيع العود . يعني شي مضمون .
مع اسم المحل او المكتب والعنوان . ظروري اليوم .
وماهي انواع العود والبخور الزينه اللي موجوده في اندونيسيا ؟؟؟؟
وبالنسبه للاسعار . ياليت تعطوني الاسعار لأني ماني عارف كم اسعارها بالضبط .
عشان اقدر اقارن ..
انا بالانتظار
ورزقك على الله لو انها ببلآش ماتسوى
عموما انا الي اعرفه ان الشي الطيب ينباع عند الصينين وبعض الحضارمه وطبعا سعرهم بالدولار نفس السعر الي عندنا وازود يعني اشتري من هنا اصرف لك
اما البااقي والي يبيع لك بالروبيه وخصوصا بالجبل انحش منه !!
عموما انا اخذت عود قبلك وتوهقت فيه طلع خشب ههه فيه نصب ومشوار اعلمك سالفته
بس اخذنا لنا دهن عود طيب من مطعم الجزيره وكنا فالمقهى وجاءني حضرمي وماقصر عرضه علينا وجربناه وما اخذنا منه الا اليوم الثاني (( عشان نجربه )) وبالفعل كان شي على مستوى
وهو نفسه الي قال لي لاتشتري من الاندونيسين لنهم مش حالك وعلمني عن الصينين وقال اشتر من السعوديه ابرك لك وغير الجمرك وانت طالع يمكن يبلشونك عليه خصوصا اذا ماخذ كثير