السلام عليكم ورحمة الله وبركاته
اخواني واخواتي أهل المنتدى الطيببين ، اتمنى أن تكونوا بأتم صحة وعافية
عندي بعض الاستفسارات عن ماليزيا ان شاء الله القى عندكم الاجابات الشافية
ان شاء الله مخططين للسفر خلال الاجازة مابين الترمين يعني جداً قصيرة 9 أيام
المشكلة أننا ماحجزنا فندق ولا شي ، بس خالي بيكون موجود قبلنا بكم يوم ،،، وهو تكفل يدور السكن
هل هذي الطريقة مضمونه ؟؟ او بتكون الفنادق مليانه في هالاسبوع ؟؟ عطوني رأيكم
================================================== ====
ثانيا وين أفضل المناطق في كوالالمبور نسكن فيها ؟ طبعا احنا مانفضل مكان منزوي وبعيد ، حتى لو كان على حساب الفندق ،،
ممكن نسكن في فندق 4 او 3 نجوم بس يكون في مكان حلو وقريب من كل شي وفيه حياه
فمن وجهة نظركم اي من الفنادق مناسبه عشان اقول لخالي عنها يحجز لنا ؟؟ وياليت الأسعار التقريببة
علماً ان عددنا 5 اشخاص ( 4 + طفل بعمر 7 سنوات ) يعني تكون غرفتين تقريبا وصالة ،، وممكن اذا رخيص 3 غرف
بس مو مشكلة لو كان غالي ومكانه كويس وخدماتهم زينه ، والفطور
================================================== =====
ثالثاً ، المدة قصيرة زي مالقت ،، هل نقدر نروح مكان ثاني ؟؟ ولا يكفي كوالالمبور؟؟
ولو بنروح مكان ثاني ، من هناك نقدر ولا لازم نحجز الحين ؟؟
علماً اننا مو متحمسين لجزيرة الفراشات والطيور ...الخ يعني ماراح نحطها في الجدول
ياليت من الخبراء يعطوني جدول مقترح للرحلة . (( واللي تتضمن الأسواق طبعاً ))
================================================== ======
بخصوص التكاسي ،، سمعنا كثير عن المضايقات والنصب ..الخ
مين سبق وتعامل مع سائق مضمون وأمين ويخاف الله ؟؟
اتمنى القى عندكم ارقام سائقين . ونصائحكم بخصوص التكاسي
================================================== =======
بخصوص الجوالات ،، شرايحنا كلنا stc ، هل الأفضل لما نوصل ناخذ شرايح لنا عشان نتواصل فيما بيننا وتكون أرخص ؟؟
ولا كيف ؟ لاني ماقد سمعت احد تكلم عن الشرائح والجوالات.
================================================== ========
أخيراً كيف الجو بيكون ؟؟
هذا اللي اذكره الحين انتظركم تساعدونا ولكم جزيل الشكر