مرحبا
يشرفني اكون معاكم
وناويه اسافر لندن باذن الله على تاريخ 1-4-2009
وقاعده احاول اخذ معلومات عنها تفيدني ف السفر كوني بكون مع الوالده بروحنا واول مره نروحها
اتمنى القى عندكم كل الاجوبه لاستفساراتي
1-هل بيكون ف شهر ابريل الجو بارد حيل او حار؟؟؟يعني وضع الجو؟؟؟
2-رفيجتي توها راجعه وامدحت لي فندق ابكس وزرت الصفحه الخاصه فيه حسيته حيل عادي اشرايكم فيه مع العلم ان ابي غرفه دبل وتهمني جودة المكان ونظافته والخدمه؟؟
3-عجبني فندق اللاند مارك بس هل فيه عرب حيل وشلون الخدمه فيه وموقعه هل قريب من شارع اكفورد وشارع العرب؟؟؟
4-شفت كثار مدحوا لي فندق الكمبرلاند ب رفيجتي مامدحته وقالت عادي وكئيب اشرليكم شالاحسن؟؟؟
5-شفت اسم هالفندق The Colonnde هل عندكم فكره عنه وعن موقع اهم شي الموقع يكون ممتاز يعني قريب من المحلات التجاريه والمولات وشارع العرب وسهل التنقل فيه واهم شي يكون ف الفندق عرب
6-اخذت مواصفات هالفندق بس مو كلها من سفريات ريجنسي بالدوحه London Marriott Hotel Maida Vale
ابي اعرف مواصفات من ناحية موقعه وجودته ورايكم فيه لان قالولي في اكثر من ماريوت هوتيل بس محد حدد لي الاسم بالتمام؟؟
7-بالنسبه للتسوق جم تقريبا راح يكفين لمشترياتي الخاصه طبعا بالعمله القطريه ؟؟؟
8-هل في داعي أاجر تاكسي خاص ينقلنا من المطار او بحصل بسهوله وممكن يدل الفندق اللي ابيه على طول؟؟؟
9-هل الاسعار تقل او تزيد عندهم خلال الشهر اللي بسافر فيه؟
10-اخيرا اسمحولي طولت عليكم وللعلم تصفحت المواضيع الموجوده وحسيت نفسي ابي اسأل بعد لاني احترت ف الفنادق حيل واتمنى من الخبراء اللي يسافرون حيل للندن يفيدوني بكل اختصار وبالمطلوب وتقبلوا تحياتي