eng.life
أفضل طيران اختر المناسب لوقت رحلتك ولميزانيتك
الفيزا اللي أسمع عنها في الكويت أنها تطلع في 3 أيام
طريقة التنقل أنا أنصح بالسيارة
المدن يتم تحديدها بعد معرفة رأيكم في السيارة

هلا بالغالي ..
لا والله ما راح اخذ سيارة راح اعتمد على القطارات وغيرها ..
طيب .. تقدر تفيدنا عن الميزانية المتوقعة ؟ وهط الرحلة الانسب ؟

eng.life اول شي اخذ الاوراق من السفارة على ما تعبيهم وبعدين تروح السفارة مرة ثانية علشان تقديم الطلب .. ومثل ما سمعت ما يطول وانا ان شاء الله راح اقدم بس يبيلي أضبط حجز الفنادق .. المهم ان روح السفارة واذا ما تعرف وين اهي بالسرة جنك رايح ممشى السرة اذا تعرفه تعرف وين راعي البرد يقعد على اليمين يمين الممشى راح تلقى لفة يسار لفها ولف بعدها اول لفه يمين كمل سيدة راح تلقى محول كهربا بعدها سيدة السفارة اصفط ودق الجرس ويدخلونك تاخذ الاوراق من الحارس وتقدمها متى ما خلصت المطلوب * مثل ما بلغني واحد من الاخوان ان اخذ معاي صمغ علشان الصورة*.
الطيران .. عندك عن طريق الاماراتية - القطرية - لوفتانزا هالخطوط اللي انا سألت عنهم .. وكلهم يروحون برشلونة ومدريد وتقدر تنوع توصل منطقة مدريد او برشلونة، وتسافر من منطقة برشلونة او مدريد.
بالنسبة للتنقل في اسبانيا عندك بالقطار نوعين الرخيص اللي ياخذ تقريبا من 3 - 4 ساعات على حسب المنطقة وعندك السريع الاغلى والصراحه احسن علشان الوقت وتوصل بساعه او ساعتين على حسب المنطقة
وتقدر تكلم السفارة الكويتية اذا تسألهم عن الفنادق اللي تصلح واذا عندك اي استفسار سفارة دولة الكويت في اسبانيا (مدريد) رمز الاتصال 0034 الهاتف 915792467 فاكس 915796350 E-Mail

• اذا كان معاك حريم لا ياخذون شي غالي *الذهب وما شابه*.بالسلامة ان شاء الله والله يسهل

traveler-q8
هلا بالغالي .. ما تقصر على نصايحك ..
ان شاء الله اذا ضبطت معاي الامور راح ابلغك ..
"يلا يا الربع نبي تفاعلكم"

الخطة المناسبة
مدريد 4 ايام - ملقا 4 ايام - برشلونة 5 ايام
أفضل الشركة طيران التي لها رحلات إلي مدريد و برشلونة مثل القطرية ، لفتهانزا، الفرنسية أو التركية وغيرها

اخوي نصيحه احجز من الان قبل 22 اكتوبر عبر طيران klm
عندهم عرض سعر التذكره من الكويت لبرشلونه ومدريد 142 دينار
والحجز يكون حتى مارس القادم

السلام عليكم
يالغالي وضعك مثل وضعي و راح أضبطك إن شاء الله
الطيران القطري مسوي عرض كويت - مدريد - كويت 179 دينار
و بالنسبة للفيزا إذا مالك خلق حوسه السفاره روح مكتب القبس (مكتب معتمد) و اهم يضبطون لك كل شي
رقمهم 22924444
و دق عليهم عشان تعرف المطلوب بالضبط و ان شاء الله راح تخلص ب 3 ايام عمل
و بالنسبة للتنقلات داخل اسبانيا من مدريد إلى برشلونه مثلاً عندك Spainair و سعر التذكره تقريباً 10 دنانير على حسب الوقت
و انصح تسكن في مدريد في شارع Gran via لأن شارع أساسي في مدريد و كل شي فيه
و في برشلونه اسمع الشباب في المنتدى ينصحون في شارع الرامبلا
و اي خدمه انا حاضر
بالتوفيق

يعطييكم العافية يا الربع .. ونصايحكم بالبال ان شاء الله ..
اليوم حجزت على klm والحمد الله سعرها كان مناسب ..
المهم .. الحين عندي مشكلة بخط السير ..
لازم يكون الوصول في برشلونة والرده من مدريد لان اخر 4 ايام بخليها بأمستردام ..

المشكلة في ( مريبا - غرناطة - قرطبة ) مو عارف اي وحدة افضل ؟
واحسن وحدة اقدر اسكن فيها ؟
وشنو وسيلة النقل ؟

المشكلة في ( مريبا - غرناطة - قرطبة ) مو عارف اي وحدة افضل ؟
واحسن وحدة اقدر اسكن فيها ؟
وشنو وسيلة النقل ؟
أشوف أفضل شئ غرناطة و تخصص يوم لقرطبة للزيارة