اجابة على سؤالك الاول :
الجنيه الإسترليني (بالإنجليزية: pound sterling) (علامتها: £; رمز الأيزو: GBP) ويطلق عليه اسم الباوند (بالإنجليزية: pound) للتسهيل، هي العملة المتداولة في المملكة المتحدة وتوابعها من جزيرة مان وجزر القنال الإنجليزي وأقاليم ما وراء البحار البريطانية من جورجيا الجنوبية وجزر ساندويتش الجنوبية والمقاطعة البريطانية بأنتاركتيكا وتريستان دا كونا. وتنقسم إلى مئة بنس (بالإنجليزية: pence) (مفردها بني (بالإنجليزية: penny))، وهو يختلف عن عملة (الجنيه القديم) التي كانت مستخدمة جنبا إلى جنب مع الباوند منذ قرون.

أخي الكريم
شف الرابط هذا راح يفيدك بحول الله كثير وراح يعطيك معلومات شاملة
وفيه كل الأشياء اللي تحتاج تتعرف عليها
https://artravelers.com/p/re/392706

هل فيه فرق بين الباوند و الجنية الاسترليني : لأ
وكم يكفيني مصروفي لمدة 6 أسابيع من تاريخ المغادرة : تعتمد على حسب صرفيتك أنت .. تقدر تخليها 50 باوند للأسبوع وتقدر تخليها 500 ! أنت من يتحكم بالمصرفات
وكم أسعار الاكل يعني العصير أو المشروب الغازي : البيبسي أذكر انه متفاوت بين ال 1.10 و 1.90 ماني متأكد بالضبط !
وكذلك الرز والسمك و غيرة لفترة الغداء : مدري عن هذه لأني ما جربت أشتريها .
ووين مكان تسوق حلو من لندن : فيه منطقة قريبة من لندن اوت لت وتكون مخفّضة المنتجات اللي فيها .. لكن نسيت اسمها بصراحة .. أنا أعرف منطقة بيستر .. لكن سمعت كثير ان فيه منطقة قريبة لها .. ابحث عن اسمها :/
بس يقولون لندن كلها غالية : لندن أغلا من المدن الأخرى.
وهل فية اقل من الباوند والجنيه لانوا الجنية ب حدود 6 ريالات : عملة بريطانيا وحده .. يعني مالك إلا الباوند
وهل ببريستول بحر أو نهر للسباحه : ما أعرف هالديره بصراحة ! ممكن تدخل قوقل وتكتب اسم الديره وتطلع لك بالقارمن .. وتشوف هي حول نهر أو بحيره ..
أيهم احسن اصرف من هنا جنيه استرليني والا من هناك : من هنا طبعاً ولا تروح للبنوك لأنهم غالين بسعر الصرف! أنا كانت رحلتي في 3 May .. وبنك الراجحي كان بيصرفها لي ب 6.21 ولقاها خويي بالبطحاء ب 6.15 !
وماهي الاغراض الشخصية اللي مفروض ما انساها يعني اللي انتم اخذتوها وكذا : لازم تحسب حساب ملابس شتوية و صيفية لأن الأجواء هناك متقلبة , جاكيت , نظارة شمسية .. يعني عادي تلبس نظارة شمسية ثم تشيلها وتطق الجاكيت والمظلة ههه الجو متقلب .! ام سجادة صلاة .. الفيزا أو بطاقة الصرف .. الجوالات وتعممها دولي وتجوال .. إذا إذا تبي تطلع شريحة من هناك هذا موضوع آخر .. شنطة ظهر حتى تحط فيها لوازم التنقلات أو الدراسة .. الكاميرا .. شواحن .. قهوة وتمر إذا أنت تحبها ههه .. خذ معك بندول احتياطاً برضه .. تقريباً هذه بعض الأغراض الأساسية بالنسبة لي .! وممكن يساعدونك الشباب ..
لا تنسانا من دعواتك ورحلة سعيدة

يعطيكم العافيه
جميعا
يعني بمحلات الصرف موجود الباوند
وشكرا لكم
وما قصرتوا

اكثر محلات الصرافة يوجد بها الباوند انت روح عند اكثر من محل واحد واسئل عن الأسعار للصرف