Najla1420
04-10-2022 - 10:12 am
السلام عليكم ورحمة الله
أعضاء المنتدى الرائع تكفون ابي فزعتكم
أمي حابه تهدي أخوي رحلة لتركيا وتبيها مفاجئة له وطلبت مني أتكفل بالموضوع واخطط الرحلة من إلى ما تبيه يتعب بشي حتى ما قالت روحي معه
ما علينا اهم شيء انا سرت بوجه المدفع
جمعت معلومات كثيره وحجز بتاريخ 28 مايو الي 10 يوليو
سعر التذكرة 1219 ريال
هل وقته هذا مناسب للسفر
كيف الاجواء بالوقت هذا
فيه ثلوج بتاريخه في بورصة ويلوه
الرحلة استجمام وين تنصحونه يروح
المدن الي جمعت معلومات عنها
اسطنبول - بورصة - يلوه- طرابزون- انطاليا- أزمير- منطقه يالا
ابي برنامج مناسب ل 10 ايام
بليز
الله يخليها لكم
انا أمي ما عمرها أهدتني شيء - أمزح -
يكفيني وجودها بحياتي تسعدني وتبسطني وأفرح بشوفتها كل يوم
الله يطول بأعمارهم ويخليهم لنا ويختم لنا ولهم على خير
ويغفر لمن توفى منهم ويسكنه فسيح جناته
نعود طال عمرك
التوقيت مثالي للغاية
والأسعار ممتازة
يحتاج رحلة داخلية مباشرة بعد وصوله إلى مطار إسطنبول ب 3-4 ساعات أقل شيء تحسبا لأي تأخير إلى طرابزن طبعا ( شمال شرق تركيا )
يجلس فيها 6 أيام
والختام 4 إسطنبول للتمشيات والتسوق
يحتاج سيارة في الشمال
https://artravelers.com/p/re/896786
والسكن سهالات
أهم شيء خبريني عن العدد
وهل معاه اطفال ولا لا
راجع لك يا نجلاء بعد أن أسمع رأيك
طبعا فيه خيار ثاني يروح يلوا وبورصة ورفاقها أول الوقت
ويختم بإسطنبول
بس صدقا
مايو
بداية الربيع
وذوبان الثلوج في مرتفعات الشمال
وتدفق الأنهار عالي جدا
راح ينبسط بإذن الله
توقيتي المفضل في كل سنة
وأنا طالع قريب من توقيته بإذن الله
يعني لما يوصل طرابزون راح يحصلني أنتظره
بالتوفيق