فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف
2Best Western Mostyn hotelقريب من الاكسفورد

الفندق من تجربه ممتارز من ناحية الخدمه والطاقم جدا ودود ومتعاون واخلاق وكل ابوش
كنت حاجزه في الكمبرلاند بس كان الفرق بينهم بسيط والمونتكالم فيه واي فاي وبالنسبه لي تعتبر ميزه
المطاعم بالنسبه لي في الاجواررود مطعم سرايا اول الشارع من عند اكسفورد مافيه خرابيط المطاعم العربيه ولا شيشه وميزه لي بعد
المحلات مثل ماتفضلت بس ترى بريمارك سيء وبضاعته عاديه جدا
فيه في الاكسفورد هاوس نسيت الباقي مثل السليفردج
وفيه الماركات الفرنسيه بعد
ولاتنسى شارع الريجنت فيه بعض الماركات مثل مايكل كورس وتومي كوست وغيره

يعطيكم العافيه
واختي عشقي السفر شاكر لك التوضيح بس لو تكرمي وتقولي لي الموقع مو بعيد صح عن محطة ماربل ارتش؟ وشلون المنطقه امنه في الليل ولا لا؟؟
وننتظر الباقين ومشاركتهم

موقع ايش بالضبط
ومنطقه الاكسفورد وشارع العرب امنه كنت اطلع الصبح او في الليل بالحالي
بس حرص على اغراضك يعني لاتخلي الجوال على طاوله مثلا في كوفي او البوك
بس محد يحتك فيك
والمطاعم فيه عند قاب على الاكسفور ادخل يسار فيه مطعم بيتزا اكسبريس ومطعم تركي نسيت اسمه
وفيه في الاكسفورد على اليمين فتحه فيها مطعم ستيك 2 جمب بعض
والمطاعم اللي مقابله للهارودز
ومقهى وانت طالع من المونتكالم متجه للكسفورد على اليسار وفيه بعد الكمبرلاند مقهي

بالنسبه للمطاعم فيه خلف الالمونتكالم والكمبرلاند مطعم هندي
بالنسبه لي اقل من عادي في جودة الاكل والخمده زفت
كنت داخله انا ومعنا بنات كويتيات انا منقبه وهم محجبات لاحظت انهم مطنشينا وطلباتنا تاخرت مره
مع ان فيه اجنبي بجمبنا وطلب نفس الطلب ونزل طلبه قبلنا ب10 دقايق
ولما طلبنا الفاتوره كنت طالبه سمبوسه هنديه وكان سعرها بحدود ال7 او 8 باوند
ومسجلين في الفاتوره طلب ثاني بسعر 18 باوند
وكان اللي ماخذ طلباتنا عربي
انا هينا طلعت شياطيني الا اشتكي غير اني سافهينا
بيلعب علي بعد

السلام عليكم ورحمة الله وبركاته
هلا وغلا الغالي
حاليا ساكن في فندق مونت كولم وقبلها كنت ساكن في الكمبرلاند
ماراح أزيد على كلام خبرتنا عشقي سفر
الفرق بينهم كبير
المنطقه امنه فليل وكل شي حولك ولا اتحاتي
وأي خدمه إحنا تحت أمرك الغالي
وفعلا خدمة الواير لس حلوه لدرجة شابك الايباد والأيفون نفس الوقت لان بعض الفنادق يعطيك يوزر واحد وتضطر تشبك الايفون او الايباد

مشكوره عشقي سفر
وياهلا وسهلا بالقطري مره وحده نورت موضوعي
اول شيء الله يوفقك لما تقدمه لاخوانك واخواتك المسافرين
وعندي استفسارين صغنونين
انا قريت لك موضوع تمدح مطعم سلوى هندي وتقول انه اوكي وتقول انه في شارع العرب وينه بالظبط؟ وهل في مطاعم هنديه تنصح فيها بعد
والشيء الثاني ابي محلات رخيصة مالت هدايا قريبه من هالمنطقه شارع العرب واكسفورد شنو تنصحني غير البيرماك اقصد رامز على قولتك ههه
والشكر موصول مقدما

ووشلون الجو الحين في لندن بحكم انك فيها ؟؟؟ انا انشالله جاي على نهايه هالاسبوع هل اللبس تنصح يكون شتوي؟ ولا كيف