اخي الفاضل بنسبة انك تروح من بوكت لشنق مي مباشرتا غير ممكن لا بد عن طرق بانكوك ثانيا / بنسبى للفنادق القريبه من السوق الليلي 1 - Suriwongse Hotel 2 - Star Hotel
3 - Tamarind Village
4- Holiday Inn Chiangmai وهذا الفندق انصحك فية اما بخصوص الرحلات والآماكن التي تزورها فلا تشغل بالك في السوق الليلي يوجد مكتب سياحي ممكن في المساء تزوره وتآخذ منه عرض لرحله سياحية حسب العروض عندة وهي في كل المكاتب نفس الشئ مع اختلاف الآسعار اخوك ابو بدر

تجلس 4 أيام كفايه عليها شنغماي
الفنادق:
شنغماي بلازا...
D2 hotel
رويال برنسيس
سنترال داون تاون
موقعهم في النايت بازار
وعندهم مراكز تجارية للتسوق ممتازة
وعندك وليد خان بيرتبلك رحلات اتصال واحد فيه اتشوفه في دقيقة عند باب فندقك واقف ينتظرك بس اذا يسمحلنا المشرف انحط رقمه هني!!!

mzen2100
لوسمحت انا بسافر في 2-8-2007 بانكوك بوكيت شانق ماي 1-(( ابي اعرف من بانكوك الى بوكيت كيف طريقة الحجز وايش وضع الطايرة اوكيه اة لا))
2- وفي امكانية طرق بر...
3-ومن بوكيت الى شانق ماي ليش مااقدر وايش الحل الافضل..
4-بوكيت ابي اعرف فيها فلل للايجار او شقق لان العدد تقريبي 5 او 6 اشخاص وايش افضل مناطق السياحة فيها ...
5-واذا بروح بانكوك ومعها واحد من الاثنين وش اتفضلون (بوكيت او شانق ماي)وشاكر لكم....

للعلم
في الوقت الحالي يوجد طيران داخلي مباشرة من شنغماي الى بوكيت والعكس
يعني ما راح اتروح لبانكوك

mzen2100
أم شيخه
زماني على كيفي
.. بارك الله فيكم .. والله يعطيكم العافية ..
وان شاء الله اللحين باخذلي فرة بالقسم وبشوف المواضيع اللي تتكلم عن شنقماي ..

1. مرحبا أخوي في البداية تمنياتي لك بسفرة موفقه

مرحبا أخوي في البداية تمنياتي لك بسفرة موفقه

بخصوص شنغماي مثل ما افدوك الاخوة والاخوات هناك الكثير من الرحلات ومراكز التسوق الي تقدر تزورها بس ما انصحك تتسوق من شنغماي إلا السلع والمنتجات إلي تحس أنها غير موجودة ببانكوك اذا اانت نازل بانكوك بس إذا حاب تتسوق انصحك تسكن قريب أو في وسط النايت بازار وعندك الشيرتون الي تغير أسمه إلى الكراون بلازا وعندك فندق ال D2 فندق حديث وراقي وفي وسط النايت بازار وعندك أمبريال مي بنغ فندق ممتاز وقريب جداً من النايت بازار خطوتين وانت بالنايت بازار بس الفندق شوي قديم بس نظيف وممتاز وانا سكنت فيه وانا توني من يومين راجع من تايلند.
بخصوص الرحلات أول يوم توصل فيه شنغماي قول لأي تاكسي أو توك تك يأخذك لجولة بالنهر المي بنغ الصراحة جولة حلوة ما راح تنسها (وهذي طبعاً رحتها بتوصية من أخوي العزيز ريشة المسك)
وبخصوص الرحلات عندك في مكتب أسمه المهاجرون بتحصله في وسط النايت بازار في شخص تايلندي مسلم أسمه عبدالكريم (بوأحمد) اتا تعاملت معاه في جميع رحلاتي والحمدالله وفقت في كل الرحلات والفضل يرجع بعد الله إلى اخوي الغالي ريشة المسك إلى نصحني بالتعامل معاه وهو يتكلم العربية الفصحى بطلاقة راح ترتاح بالتعامل معاه وريح يدليك على كل الامور الي تبغيها في شنغماي مطاعم حلال واماكن سياحية متميزة وبالاضافة الى الاسواق وانا انصحك برحلة اعلى قمة في تايلند وبرحلة الايليفنت فيلج (قرية الفيلة) راح تستمتع كثير في هذي الرحلة واضف الى ذلك أسأل عن رحلة المنطاد إلي للأسف نسيتها وراحت عن بالي وما تذكرتها إلا لما رجعت الديرة وبخصوص الأسواق عند ذا ستيرال هذا اكبر مجمع في شنغماي واسعاره حلوة بس اغلى من بانكوك بس تحصل محلات اسعارها حلوة وفي آخر دور بتحصل سينما إذا تحب السينما وانا دخلت فيلم ابيك موفي وعندك النايت بازار بعد سوق حلو وتحصل شغلات حلوة عندهم بس الي عليك لازم تفاصل في الاسعار ولا يغلبونك يعني إلي 500 بات قوله ب 200 بات وإذا ما رضى يا تمشي عنه وهو بيناديك يا تزيده 50 بات وتقوله هذا سعري وتمشي ويمكن يناديك إذا اعجبه السعر ويمكن يبيعك السلعة ب300 انت قد ما تقدر فاصل في السعر بس حط في بالك شغلة أن لا تمشي وهم معطينك السعر الي بغيته بيعصبون عليك وحاسب من الصنيين أكثر شي ولا يفوتك خياط اسمه دانيل جنسيته نيبالي(كنت اعتقد انه هندي لأنهم يشابهون الهنود) يفصل بدلات رسمية على كيف كيفك وباسعار بمتناول الجميع والبدلة تجهز في 24 ساعة وسعر البدلة 250 ريال بالقميص يعني أي ما يعادل 2500 بات وانا فصلت بدلتين طلعوا علي 5000 بات وشغل عدل مدل الصراحة إذا انت من إلي يلبسون بدلات بيعجبك شغله واسعاره ولا تنسى اتفصله في السعر تراه طيب واايد وراح يعطيك سعر حلو
وبخصوص الاكل في مطعم اكله حلال ومضبوط اكله وصاحبه باكستاني واسم المطعم فريدا وبتحصل عنده الي يعجبك من الاكلات وبعجبك الكباب الي عنده وإذا انت من اصحاب المزاج بتحصل عنده شيشة بعد وإذا تبي تغير مطاعم اسلامية وعربية ثانية عندك عبدالكريم إلي بمكتب المهاجرون سأله واكيد راح يساعدك

زماني على كيفي
ممكن تكتب اسم الطيران لآن في تايلند عموما في اربع خطوط طيران سألت في مطار بوكت ما حصلت دون المرور ببانكوك

عندك الخطوط الجوية التايلندية (التاي اير ويز) مباشرة للوجهة إلى انت تبغيها وانا سافرت عليها من شنغماي إلى بوكيت مباشرة ومن غير توقف وهي الخطوط الرسمية للمملكة تايلند

mr.11
الله يعطيك العافيه يالطيب .. وماقصرت