خوي الوزير
04-08-2022 - 11:12 am
السلام عليكم
أسعد الله مساءكم وصباحكم
يوجد لدي بعض الاستفسارات أتمنى تفيدوني فيها وتكون مفيده للجميع أنشالله
هلمو يارقال
أول شي رايكم بمخطط الرحله..
فيينا يومين سالزبورغ يومين زيلامسي 7 ايام فيينا يوم وبعده الوطن
السفره بتاريخ 13 سبتمبر
1- االورقه اللي نعبيها بالطياره قبل الدخول للنمسا وش المعلومات المطلوب فيها ؟
2- تذكرة القطار من فيينا الى سالزبورغ اذا قصيتها من النت هل اطبعها ويكفي والا فيه اجراء ثاني قبل ركوب القطار؟ وهل الشنط تصير معك والا مكان ثاني في القطار؟
والحجوزات عموما السياره ةالفنادق هل نطبعها ويكفي والا لازم نكلمهم ويرسلون ومن هزا القبيل
3- هل فريسلانق يوجد فيها تكاسي بالشوارع والا لازم طلب.. لاني بسلم السياره بيورب كار اللي بفريسلانق وبروح لم ساالزبورغ ؟؟
4- النيه انشالله اني بروح مطار فيينا وبرجع من نفس المطار لان التذكره تفرق حول الفين ريال اذا كنت برجع من ميونيخ ؟؟ اجراء صحيح والا اغير الخطه
5- معي ولدي عمره سنتين وثلاث شهور ومايطاوعني قلبي اخليه ؟؟ واحس شوفته نص حلاوة الرحله هل اخذه والا بيبلشني؟؟؟
6-اخوكم درج بالانجليزيه بس لاجاء العلم تطلع حقات اولى متوسط ذس از وما ذز از.. بالنسبه لايجار السياره هل وقت التسليم يجب اجراء محادثه مطوله والا ورقة الحجز وتكفي ... تخبرون المسائل الماليه مافيها لخبطه ؟؟؟ والا باقي الاوضاع مايحتاج لغه تدربي راسك وبالاشاره؟؟
7- مافي مطعم بخاري هناك .. لاني بدون كبسه بيغمى علي
بأختصار الروحه مغامره ابلشتني ماي وايف
2- التذكره تطبعها من النت واذا وصلت فيينا تروح محطة القطار تحجز مقاعد او كبينه ويعطونه ورقه فيها ارقام المقاعد والشنط معك بالقطار
الدرجه الاولى لهم مكان خاص داخل العربه اما الدرجه الثانيه تخليها عند باب القطار التابع للعربه اللي بتجلس فيها
في مطاعم عربيه انصحك ببرنامج حلال من الايفون يعطيك كل المطاعم العربيه وعنوانها وطريقة الوصول لها