عزيزي ،،، شوف مواضيع هونغ كونغ في البوابة وراح تستفيد ،،،، شوف تقريري المتواضع في التقرير ( ما راح ينفعك كثير ،،، لكنه زوين )
اسكن في كولون في هونغ كونغ ،، وأنصح بالهوليداي إن ،،، جنبه المسجد والمطاعم الحلال ،،،، وبعد اللفة في المواضيع في البوابة ،،، اسأل بتركيز أكبر
بالتوفيق ،، وسامحني

مشكور على ردك ابو اليازية
انا قريت موضوعك ورحلتك لهونغ كونغ...الصراحه روعه..لكن به تفاصيل وردود كثيره ووقتي ضيق....عشان جذي كتبت هالموضوع...
واسف اذا استفساراتي ازعجتك !!
بخصوص هولدي ان: دخلت موقعهم...السعر مع التاكس والخدمه 190 دولار امريكي وهو اكثر من السعر اللي ذكرته بموضوعك !!
نوع الغرفه:
1double Bed Economy Smoking
عموما....مشكور عالرد وبانتظار ردود تفيدني برحلتي السبت القادم باذن الله......

للحين محد رد !!
عموما: ياريت حد يقولي هالفندق جيد او لا ??
وقريب من المركز الاسلامي والمطاعم الحلال ?
سعره 450ريال قطري فقط/الليلة
انتظر ردكم !
THE KOWLOON HOTEL
HONG KONG
On Nathan Road's celebrated "Golden Mile", at the very heart of one of the finest shopping and entertainment districts in Hong Kong. Near all major public transport systems, including the Star Ferry, the MTR underground rail system China HK Pier and the Kowloon-Canton Railway. 45 minutes by car and 30 minutes by rail from the new Hong Kong International Airport at Chek Lap Kok.

عزيزي قطري^سنيور
اذا تبغي نصيحتي وانت بتسافر قبل شهر 10 لاتفكر الا في عرض القطريه
فندق مثل ميرامار بسعر 3205 ريال لمده 3 ليال والليله الاضافيه بسعر 235 ريال
والسعر شامل افطار والمواصلات من والى المطار يعني لو تحسبها لمده ثلاث ليالي
بيطلع الفندق مجاني اذا حسبنا ان التذكره اكثر من 2900 ريال
والقطريه عندهم عده فنادق وانصحك تختار ميرامار (مقابل المسجد)
كيمبيرلي حوالي 5 دقايق مشي للمسجد وناثهان رود
مع العلم ان الفندقين اللي ذكرتهم مستواهم جيد وعيبهم صغر مساحه الغرف
او اذا تبغي تكشخ اسكن في البنينسولا
وهذا موقعهم
http://www.qatarairways.com/107.0.0.1.0.0.htm
واذا ما حصلت مع القطريه انصح دايما بفندق ماركوبولو هونج كونج
قريب من الفيري (اسهل وسيله مواصلات الى الجزيره)
وبالقرب من اكبر مجمع تسوق في هونق كونج والمسجد والاندر قروند حوالي 10 دقايق مشي
والاهم مساحه الغرف الاكبر على مستوى فنادق هونج كونج وهذي الميزه
بتحس فيها لو انك مجرب فنادقهم
اما انك تفكر تروح جوانزو فاشوف انها صعبه لا الوقت ضيق واذا مصر انك تروح
قسم الفتره بينهم واخذ فيزه للصين من السفاره الصينيه في الدفنه
وتطلع للصين بالقطار من محطه القطار في كولون ولا تفكر تروح لجوانزو بالطياره
لانها بتاخذ منك وقت اطول
اما شانقهاي ما تقدر تجمعها في اسبوع مع هونج كونج
تحياتي

مشكورين للي ردوا
الموضوع والردود
الكل يستفيد منهم

اخوي عندي رأي و هو وجهة نظر خاصه
انا اشوف اسبوع واحد ما يكفي لأي شي
اول شي الرحله طويله و ممله و بتاخد من اجازتك يوم على الاقل
لكن اذا حبيت انسى موضوع الصين وخليك على هونج كونج حلوه و تنبسط فيها انشالله
تروح و ترجع بالسلامه

مشكورين عالردود الحلوه......
اخوي Boo3lam......
انا توكلت ع الله وحجزت بفندق كولون وهو4نجوم...اذا ماجاني تاكيد حجز.....بشوف اللي اقترحتهم لي...
انا حاليا باليابان مب في قطر....بقعد 8شهور تقريبا.....
التذكره طلعت ب1290 ريال فقط ع northwest Airlines
شرايك? عندي اسبوع...شلون أقسمها بين hongkong وGonazgou????
اخوي مدري عنك.................
الرحله 3ساعات من مطار Narita بطوكيو
للحين مصر أروح هونج كونج فقط ???

أخوي Boo3lam
انا حجزت بفندق ماركوبولو هونج كونج....مشيت بنصيحتك !
5ريال قطري/ الليله
حلو?

قطري^سنيور
السعر حلو اذا قارنته بالسعر وقت المعارض لاني حجزت فيه شهر 10 بسعر 352 دولار
اذا تقدر تاخذ غرفه مطله على البحر بيكون منظر خيالي خصوصا في الليل
على العموم انا ما ادري اذا سافرت ولا لا
وهذي بعض النصايح واتمنى انها تفيدك
اول ما تطلع من الجمارك في المطار تروح اخر شي يسار تصرف مبلغ بسيط
حوالي 100 دولار واذا انت بروحك الافضل تاخذ باص للفندق واذا معاك شخص ثاني
الاوفر تروح للجهه المقابل وترصد للهنود اللي عندهم باصات صغيره ويوصلونك
بسعر حوالي 200 الى 250 هونج كونج دولار(100 هونج كونج دولار حوالي 50 ريال)
وبعد ما توصل للفندق اذا تبغي تروح لمكان في كولون الاندرقروند واذا بتروح الجزيره
اذا حوالك محطه اندرقروند او اختار ستار فيري ولها مخرج من خلف الفندق واذا وصلت الجهه الثانيه تقدر
تاخذ تاكسي للمكان اللي تبغيه او الاندر قروند اذا كان قريب من المقصد محطه
لا تاخذ تاكسي من الجزيره الى كولون او العكس لان النفق بينهم بعيد
شارع ناثهان فيه عماره اسمها chungking house
فيها مطاعم حلال وتقدر تختار وكاس ورقمه 27214055
والتوصيل مجاني للفندق ومن نفس العماره تصرف فلوس
وانتبه من الافارقه والصرافين اسعارهم تختلف
العماره بالقرب من فندق هولدي ان
لاتشتري اي شي من محلات الالكترونيات في ناثهان
رود لان اغلبهم نصابين او تشتري وتطلب اللي تبغيه قبل ما تشتري
ولا تدفع قيمته قبل ما تستلمه
اماكن التسوق قرب الفندق فيه اوشيان سنتر مجمع كبير ومحلات
صغيره وبتضيع فيه
الاسوق الاخر عندك تمبل ماركت سوق ليلي
اعتقد اقرب محطه له جوردان
وفيه شارع الالكترونيات بالقرب من السوق النسائي (سوق ليلي)
مضلل بالصفر في الخارطه
اقرب محطه للفندق هي Tsim shu Tsui
والمسجد في نفس المحطه من المخرج رقم A1
تايمز سكوير مجمع حلو وراقي فيه الكترونيات وملابس
في الجزيره
ولا تنسى تروح Peak وهي قمه الجبل المطل على هونج كونج
ولا تروح الا الجو صافي علشان تقدر تشوف المناظر
انا ما اعرف مطالبك ولكن اذا احتجت شي انا معك واعذرني اذا تأخرت
ترجع بالسلامه