- 2-هل هناك فنادق محافظه تناسب العوائل المحافظه (واضح السؤال اكيد )
.
.
.
.
.
.
.
السلام عليكم ورحمة الله وبركاته
اخواني اخواتي اهل قطر ومن يحب قطر وله درايه بها اسعد الله اوقاتكم بكل خير
حبيت اطرح عليكم بعض الاستفسارات الي اكيد تهم الكثير يعرفونها ....
نعم المنتدي فيه معلومات مفيده ومهمه ولكن يمكن هالمعلومات مالقيتها بشكل مباشر وبعضها مش موجود حسب علمي وفوق كل ذي علم عليم
راح اطرحها بصيغة اسئله عشان تسهل علي الي يرد انه يضع رده تحت كل سؤال ... لجعل الموضوع اعم فائده
1- هل هناك منطقه معينه او اكثر من منطقه تكثر بها الشقق المفروشه العائليه؟ اذا نعم ارجو الوصف لمن ياتي بطريق البر من السعوديه بشكل مبسط
2-هل هناك فنادق محافظه تناسب العوائل المحافظه (واضح السؤال اكيد )
3- شلون الوصول لمنطقة الاسواق الشعبيه الي منها علي سبيل المثال سوق الجبر - العسيري- الديره(انا اعرف انهم كلهم قريب من بعض) لكن النهضه العمرانيه ولمن لم يزر قطر تغيرت امور وايد ..... فضلا اسهل طريق للوصول اليها بدون مانضيع ومايردنا الا دخان
4- شلون الوصول لمجمع السيتي سنتر ؟ فيلاجو (عسا كتبت اسمه صح ) هل حوالينه مجمعات شقق مفروشه مثل الي عندنا بالسعوديه
5- هل هناك فنادق .. شقق سمعتها سيئه (علي سبيل المثال سئلت عن فندق الواحه الي اعرفه وقالوا لي انها صار سمعته سيئه .... مدري لين احين موجود ولا غيروا اسمه مثل شيراتون الخليج الي صار اسمه اعتقد ماريوت ؟؟؟
6- مركز خدمات مسيمير ؟ الاخ الرايق جزاه الله خير وصفه لي بس ماعرفت الوصف وين مكانه هل هو في اول الدوحه وانا جاي من السعوديه ... وهل الجماعه مرنين لان ربعنا في السعوديه انواع التعقيد في التعاملات
7- الاخوان الي سافروا عن طريق المركز الحدودي هل صحيح انه في الجانبين صار مايحتاج تنزل من السياره زي طريقة جسر الملك فهد ؟
8-صحيح مافيه تكاسي وكله شركات لميوزين لاني بصراحه في قطر وماركب مع تاكسي اصفر مالها خانه
9- ذكرتوا بعض المطاعم الفخمه مثل بخارا ومدري شنو وين مكانهم وهل اسعارهم نار ياحبيبي نار
10- سوق واقف فيه حوله فنادق ؟ اذا نعم هل تنصحون بها ولا ماتصلح للعوائل ؟
11- متي اوقات الذروه في الطرقات يعني الزحمه تكون علي اشدها لان مانعرف متي وقت دوامكم
12- هل عندكم مكاتب تخليص جوازت ورخص تعطيهم ويخلصون لك كل شي مثل عندنا ولا هالشي خاص بالشركات .. انا شفت مندوبين عرب بس مش عارف خبري قديم شوي
13- الحين لين صرت زهقان وابي اتمشي في قطر وين اروح الكورنيش صار زين ولا بعده زحمه (ماحب الشيشه واماكن التدخين وخلافه)
14-شلون اقدر ارسل رسائل خاصه يعني الواحد مايقدر يطرش ايميله ولا يعرف احد في المنتدي الا من المواضيع فقط ؟!!!!!
15- حفظ الله الشيخ حمد وشعبه ووفقهم لكل خير (دعوه مانبي منها شي بس قولوا امين) وادعو لاخوكم بالتوفيق وتسهيل الامور
ادري وايد الاسئله امتحان ثانويه مب اسئله واكيد بيجي احد يقول لي افتر شوي في المنتدي ولكن حتي لو ماتعرفون نبي دعواتكم الطيبه
والسموحه منكم جميعا علي الاطاله
@بوسيف@
2-هل هناك فنادق محافظه تناسب العوائل المحافظه (واضح السؤال اكيد )
هذا الرابط فيه عن شقق السراج ممكن يفيدكم
https://artravelers.com/p/re/153828
شقق دوحة غراند
54433007
دوار السنتر
من جسر الجيده باتجاه دوار السنتر وتقاطع رمادا
3 غرف 3 حامامات صالة ومطبخ مع التظيف
الانترنت مجانا السعر لليلة 1200 ريال قطري
2 غرف و2 حمام وحمام وصالة والتظيف والانترنت 1000 ريال قطري
سويت سرير كبير مع صالة وحمام والتنظيف اليومي والانترنت مجانا600 ريال
سويت بسريرين وصالة ومطبخ والتنظيف يومي وحمام 550 ريال
3- شلون الوصول لمنطقة الاسواق الشعبيه الي منها علي سبيل المثال سوق الجبر - العسيري- الديره(انا اعرف انهم كلهم قريب من بعض) لكن النهضه العمرانيه ولمن لم يزر قطر تغيرت امور وايد ..... فضلا اسهل طريق للوصول اليها بدون مانضيع ومايردنا الا دخاناسهل شيء عن طريق الكورنيش ومنها لسوق واقف اللي مقابل المتحف الاسلامي
ومن سوق واقف الى شارع حمد الكبير لفة مركز الفردان وفيه تجمع الاسواق
https://artravelers.com/p/re/255948
4- شلون الوصول لمجمع السيتي سنتر ؟ فيلاجو (عسا كتبت اسمه صح ) هل حوالينه مجمعات شقق مفروشه مثل الي عندنا بالسعوديه
الستي سنتر اخر الكورنيش قريب جدا من فندق الشيراتون والفورسيزن
ورتاج الريان وفندق الموفمبيك والدبليو يعني عند منطقة ابراج الكورنيش
وبخصوص فيلاجيو في منطقة الوعب عند اسباير المدينة الرياضية وبتلقونه واضح
من شعلة اسياد الدوحة ...وجمب فيلاجيو حديقة اسباير (هايد بارك الدوحة ) ماشاء الله رائعة
ومنها الى مجمع حياة بلازا كبير ومتنوع بعد
5- هل هناك فنادق .. شقق سمعتها سيئه (علي سبيل المثال سئلت عن فندق الواحه الي اعرفه وقالوا لي انها صار سمعته سيئه .... مدري لين احين موجود ولا غيروا اسمه مثل شيراتون الخليج الي صار اسمه اعتقد ماريوت ؟؟؟الواحة ازيل نهائي ويتم تعمير المنطقة التي كان عليها
6- مركز خدمات مسيمير ؟ الاخ الرايق جزاه الله خير وصفه لي بس ماعرفت الوصف وين مكانه هل هو في اول الدوحه وانا جاي من السعوديه ... وهل الجماعه مرنين لان ربعنا في السعوديه انواع التعقيد في التعاملات
للاسف ماعندي فكرة
7- الاخوان الي سافروا عن طريق المركز الحدودي هل صحيح انه في الجانبين صار مايحتاج تنزل من السياره زي طريقة جسر الملك فهد ؟
اية نعم وانتم في السيارة تتم الاجراءات
ممكن هذا الرابط يفيدك
https://artravelers.com/p/re/268115
8-صحيح مافيه تكاسي وكله شركات لميوزين لاني بصراحه في قطر وماركب مع تاكسي اصفر مالها خانه
الان في قطر التكاسي اسمهم (كروة ) ولونهم ازرق
تتصل عليهم ويجونك المكان اللي ودك فيه ...بس للزحمة يعني تطلبهم قبل الموعد بساعتين على الاقل
9- ذكرتوا بعض المطاعم الفخمه مثل بخارا ومدري شنو وين مكانهم وهل اسعارهم نار ياحبيبي نار
الاسعار تتفاوت وعادية ...وهذي الروابط بتفيدك
https://artravelers.com/p/re/245016
10- سوق واقف فيه حوله فنادق ؟ اذا نعم هل تنصحون بها ولا ماتصلح للعوائل ؟
نعم ...فيه سكن قريب منه عند المتحف وفي فندق سوق واقف
هذا الرابط بفيدك
https://artravelers.com/p/re/247914
11- متي اوقات الذروه في الطرقات يعني الزحمه تكون علي اشدها لان مانعرف متي وقت دوامكم
12- هل عندكم مكاتب تخليص جوازت ورخص تعطيهم ويخلصون لك كل شي مثل عندنا ولا هالشي خاص بالشركات .. انا شفت مندوبين عرب بس مش عارف خبري قديم شوي
للاسف ماعرف
13- الحين لين صرت زهقان وابي اتمشي في قطر وين اروح الكورنيش صار زين ولا بعده زحمه (ماحب الشيشه واماكن التدخين وخلافه)
الكورنيش عجيب وممكن تتمشى فيه وتاخذ قوارب تلف فيكم الكورنيش
14-شلون اقدر ارسل رسائل خاصه يعني الواحد مايقدر يطرش ايميله ولا يعرف احد في المنتدي الا من المواضيع فقط ؟!!!!!
15- حفظ الله الشيخ حمد وشعبه ووفقهم لكل خير (دعوه مانبي منها شي بس قولوا امين) وادعو لاخوكم بالتوفيق وتسهيل الامور
امين يارب العالمين
ادري وايد الاسئله امتحان ثانويه مب اسئله واكيد بيجي احد يقول لي افتر شوي في المنتدي ولكن حتي لو ماتعرفون نبي دعواتكم الطيبه
والسموحه منكم جميعا علي الاطاله
انصحك بزيارة لؤلؤة قطر
https://artravelers.com/p/re/247501
ومتحف الفن الاسلامي
https://artravelers.com/p/re/246959