- السلام عليكم ورحمة الله وبركاته ..
السلام عليكم ورحمة الله وبركاته ..
اخواني جزاكم الله الف خير .. انا انشااءالله رحلتي على ماليزيا بإذن الله في تاريخ 1 مارس 2012 (طبعا انا سبق وكتبت الموضوع هذا ولقيت المساعده والشكر موصول للكل) لكن بعد الاطلاع اكثر واكثر على تقارير الاخوان وبعد ما حجزت الفنادق وخلصت كل شي صارت عندي استفسارات ياليت احد يساعدني فيها :
1- بخصوص الفنادق الا وهي :- سيلانجور (فندق صنواي بيراميد) يومين
- لنكاوي ( فندق لنكاوي لاجون) ثلاث ايام
- بينانق (فندق هوليدي إن) يومين
- كوالالمبور(فندق دورست ريجنسي) ثلاث ايام
السؤال : هل الفنادق هذي فيها عيب او شي مو اوكيه علشان احطه بالحسبان؟
2- الطيران راح يكون الطيران السيرلانكي وراح يكون في ترانزيت يعني :الدوحه - سيرلانكا (ساعه) - سيرلانكا - كوالالمبور
وفي الرجعه راح يكون:كوالالمبور - سيرلانكا (8 ساعات) - سيرلانكا - الدوحه
السؤال : هل يحق لي اخذ فندق بدل ما انتظر بالمطار 8 ساعات او يعطوني فندق من عندهم ولا لازم انتظر بالمطار في سيرلانكا كل هالمده .. لأني وانا اخوكم بجلس كذا انتظر الطياره كل هالمده صعيبه شوي ؟
نجي للإستفسارات اثناء التواجد في ماليزيا
السؤال : بخصوص مواقع حجوزات الفيري و باص نايس هل احجزهم من الفندق او ادخل موقعهم و احجز منه و وين مواقعهم هل هم غالبا يكونون جمب الفنادق اللي ذكرتها واذا في احد يعرف مكانهم ياليت يقول
بخصوص السحب النقدي في ماليزيا .. انا عن نفسي قلت راح اودع الفلوس في الفيزا و اخلي مبلغ نقدي عندي .. هل تفضلون اذا رحت المحلات اشتري عن طريق الفيزا او اخليها نقدي احسن ؟
والاهم من كذا انا اذا وصلت المطار هل اصرف من المطار في كوالالمبور او اصرف من عندنا بالبد عن طريق البنك علشان التنقلات اذا وصلت.
واخر سؤال (ادري طولت واشغلتكم خ )
انا سمعت عن جزيره اسمها (جزيرة المرأه الحامل) هذي كيف اروح لها وكيف احجز لها ... و وش برأيكم افضل الجزر في ماليزيا خصوصا اني احب الطبيعه الخلابه
وهذا وصلى الله على رسولنا وآله وصحبة وسلم
بالنسبه للفنادق مافيها عيب او شي يجب التنبه لها فنادق إقتصاديه جيده
وبعضها ممتاز مثل البيراميد
بالنسبه للترانزيت في كولومبو الأفضل التأكد من الخطوط السيرلانكيه نفسها
ومطالبتهم بتوفير فندق لمدة الترانزيت الطويله انت كلمهم وقلهم وشوف ردهم
وإذا رفضوا فالله يعينك تسكن بفندق المطار إذا ماتقدر تستحمل تجلس بالمطار
او لو فيه مجال تروحون اماكن قريبه من المطار لمدة اربع ساعات
بالنسبه لحجز الفييري في لنكاوي اول كان الفنادق يحجزون بس حسب ماسمعت
إنهم اوقفوا هذي الخدمه فأنتوا تأكدوا من فندق لنكاوي لاقون اول ماتصلون كلموهم
يحجزون لكم لو رفضوا فأي وقت تروحون لكواه ميدان النسر فمكتب الفييري قريب جدا
في المجمع الصغير لنكاوي فير القريب من ميدان النسر
بالنسبه للباص من بينانق لكوالالمبور الأفضل تحجزون باصات الأيرولاين باص
ومكتبهم في كوينسبي مول لو لكم زيارة لمجمع كوينسبي مول مكتبهم هناك
او باصات نايس من محطة الباصات في بينانق ولكن لو مابتروحوا لمحطة الباصات
او لمجمع كوينسبي مول ففي شارع الباتوفرنجي اللي بتسكنوا في نفس الشارع فندق
الهوليدي إن مكاتب كثير يحجزون لكم وياخذون فرق بسيط زياده
بخصوص الصرف والنقد الأفضل تصرفون من هنا نصف المبلغ رنقت
وتخلون في جيبكم مبلغ كاش سعودي بعد ماينتهي الرنقت اللي عندكم تصرفون من هناك
بس نصيحه حاولوا تصرفون مبالغ تكفيكم في سيلانقور ولنكاوي لأن الصرف في لنكاوي
قليل وطايح مره ممكن تصرفون من بينانق الأسواق اللي قريبه من فندق الهوليدي إن
وخلوا مبلغ إحتياط في بطاقات صراف لو احتجتوه تصرفون اي وقت اما الإعتماد الكلي
علي الفيزا مانصح فيه ابدا لأنه ممكن تخرب او تضيع او اي سبب اخر قسموا المبلغ مثل ماقلت
وفي كوالالمبور افضل صراف هو صراف هندي في شارع العرب قريب مدخل البي بي بلازا
بعد بوابة ماي بنك علي يسار مباشره
في لنكاوي افضل زيارة رحلة المانقروف تحجزونها من المطار وقت وصولكم لنكاوي
احجزوا الرحله مع التوصيل من وإلي الفندق بحدود 300 إلي 350 رنقت قارب خاص للشخصين
والمرأه الحامل قريبه جدا من اماكن المناقروف ممكن تطلبون منه يوريكم او تزورونها
كلها بسعر أعلي شوي ولكن المانقروف تكفي