حنظله
20-08-2022 - 02:45 am
السلام عليكم ورحمة الله وبركاته
لو سمحتو بغيت أسأل كم سؤال بخصوص قطارات جنيف
أولا نحنا ان شاءالله من ثاني يوم من وصولنا جنيف بنروح بالقطار إلى باريس وبنرجع زيوريخ بنروح 23 باريس وبنرجع زيوريخ 26
أولا كيف أعرف أي قطار بيوديني من جنيف لباريس ؟ومكانه ؟وألا كل القطارات في جنيف تودي باريس وماتفرق أي محطه ؟؟؟
ثاني شي : في موقع لحجز تذاكر القطار بالنت هل تنصحوني احجز منه والا احجز من المحطه نفسها
واذا بحجز منه هل اطبع الورقه والا بس احجز وخلاص؟ياليت اللي عنده رابط موقع لحجز تذاكر قطار يعطيني لاني اخاف الموقع اللي دخلته غلط والا شي هوه اسمه Europe train??
السؤال الاخير:
انا لما كنت اختار الخيارات يعني يوم اكتب جنيف او باريس يكطلعلي خيارين باريس فرنسا والا باريس المطار ونفس الموضوع لجنيف شو يعني؟؟هل في محطه في المطار؟؟
يمكن تشوفون اسألتي تافهه بس والله ماعندي علم وتفاديا للمشاكل بما انها اول مره
شكرا
ببانتظار ردودكم
اخوي الله يسلمك ..بالنسبة للقطارات بسيطة وما فيها تعقيد.
كل قطار له رصيف ..وكل رصيف مرقم.
مثلا رصيف رقم 6 المتجه من محطة مطار جنيف الى محطة لوزان.بالنسبة لمحطات قطارات جنيف ..عندك اللي في وسط المدينة او اللي في المطار.
شوف الاقرب لك واحجز منها.
يعني تحطها مدينة المغادرة.
ومدينة الوصول باريس .
وراح يطلع لك الاوقات وعدد مرات التوقف والوقت حتى الوصول .الحجز عن طريق النت يغنيك عن الوقوف في طوابير الانتظار على شباك التذاكر.
وهذا موقع القطارات السويسرية:
http://www.sbb.ch
or
http://www.tgv-europe.com/ بعد اتمام عملية الحجز ..راح تستلم بريد بالتذاكر وموجود عليها التفاصيل...
والباركود الموجود على التذكرة تظهره لمسؤول التذاكر مع جواز السفر للتأكد من التذاكر...وقصها.
وبالتوفيق أخوي.