mays alyahya
22-10-2022 - 10:22 pm
السلام عليكم ورحمة الله وبركاته
الموضوع واضح من عنوانه
بتكون رحلتي ان شاء الله لطرابزون في ثاني يوم رمضان
كيف الاجواء تكون بهالشهر بما اني راح اجلس في اوزنجول 10 ايام؟
ومن خلال 10 ايام ايش الاماكن الي تستحق الزياره وقريبه من اوزنجول؟
وبنستأجر سياره هناك وراح نستخدم برنامج قوقل ماب في تحديد الاماكن الي بنروح له تنصحوني في هالبرنامج او اشتري قارمن؟
او برنامج قوقل ايرث؟
وبنطلع من طرابزون لاسطنبول تاريخ 7/9 الساعه 5 ونص العصر
ونرجع لبلدنا في تاريخ 7/12
ايش اهم الاماكن التي تستحق الزياره في اسطنبول فهذي الايام غير جزيره الاميرات ماراح نروح له كثير سلبيات سمعنا عنه
بنروح جوله البسفور والسلطان احمد وتقسيم
بس ماعرفت كيف ارتب للايام وايش الاماكن اللي تستحق زياده
معلييش عارفه طولت عليكم كثير
اللي يعرف لأي سؤال يجاوبني وبخلص من ترتيب هالرحله
المشكله الوحيده في توقيتكم انه في شهر رمضان !
النهار طويل جداً وغياب الشمس بيكون الساعة 8:15 تقريباً !!
والتمشيه بتكون طبعاً في النهار ! وانتم صايمين
صحيح ما راح تحسوا بالعطش بسبب الجو البارد لكن بلا شك بتجوعون ... والكل يعرف ان من متعة
التمشي والرحلات الاكل !
وطبعاً عدم الصيام والافطار بما انكم مسافرين جائز ( حسب علمي ) لكن اضافة الى انه بيكون القضاء عبأ
ايضاً احراج انكم تاكلون وتشربون والناس صايمه ! خصوصاً انكم غير مضطرين
قبل العام الماضي لحقنا على يوم واحد في رمضان متعب الصيام والله وتفقد متعة التمشي
بالنسبه لقوقل ماب جربته ممتاز ويؤدي الغرض بل انه افضل من القارمن لأنك لا تحتاج الى الاحداثيات فقط
ادخل اسم المكان وهو يبحث ويطلعه
مثال تكتب ayder تلاقيه مطلعها لك وغيرها حتى اوزنجول ووسط طرابزون وغيرها , جربته انا ممتاز
طبعاً الاماكن في الشمال او اسطنبول كلها موجود عنها مواضيع مفصله في المنتدى فقط ابحثي قليلاً وفي
حال احتاجتي لاي استفسارات سيرد عليها الاعضاء كلن بحسب معرفته