م.ايـمن
04-10-2022 - 06:14 am
صباح/مساء الخير
كيفكم؟! ان شاء الله بخير ونعمه
اخواني ان شاء الله رحلتي انا وزوجتي بعد شهر واسبوع بالضبط على باريس لمدة 4 ايام
وبعدها طيران على جنيف ومن جنيف على انترلاكن مباشره وقريت اغلب الاخوان يفضلون السفر بالسياره على القطار على اساس تاخذ راحتك وتقدر تزور اماكن كثير حلوه في الخط !!
هل اذا بستاجر سياره احتاج رخصه دوليه غير رخصتي السعوديه؟! واذا احتاج كيف ممكن احصل عليها؟
وبالنسبه للطريق من جنيف لانترلاكن اي خط تفضلون؟ يكون سهل وامان ومناظره حلوه زي غرير مدري هي مدينه او قريه او جبل او بحيره لاني قريت في طريقين لانترلاكن!!
وبالنسبه للقارمن هل استخدامه سهل لاني ماعمري جربته؟ والاحداثيات كيف اعرفها؟ وبصراحه هذي اكثر نقطه مخوفتني من السفر بالسياره !!
وياليت تعطوني افضل فنادق في انترلاكن وجنيف تكون اطلالتهم ساحره وقريبه من كل الاماكن الحلوه!! وياليت تفيدونا بالاماكن السياحيه اللي نزورها في انترلاكن وجنيف!!
بالنسبه لانترلاكن حتكون اقامتنا لمدة 3 ايام كثير والا قليل فيها؟
وجنيف تقريبا يومين اليوم اللي نوصل فيه ويوم ثاني بس واليوم الثالث على جده ان شاء الله ..
وبالنسبه للجو كيف حيكون تقريبا في نهاية ابريل؟!
واعذروني على الاطاله بس تعرفون اول مره حسافر اوروبا واغامر واستأجر سياره؟!
وطبعا من اليوم ليوم السفر حتدور اسئله كثير في راسي واكيد مانستغنى عنكم الله يسعدكم ويحقق مبتغاكم ..
والتنقل بالسيارة احلى وممتع ,, والرخصة اذا كانت البيانات مكتوبة فيها باللغة الانجليزية فهي صالحة واذا قدرت تطلع رخصة دولية فالاحتياط واجب
والطريق من جنيف الى انترلاكن ,, بالفعل يوجد طريقين سريعين وكلهن امان وسهلات واذا كنت تنوي تزور بروك فالافضل لك هو الطريق اللي تمر فيه على لوزان وباتجاه مونترو
وقبل مونترو بمسافة بسيطة وبالتحديد قرب فيفي فتسلك الطريق الى بيرن وbulle ,, وما عليك سوى وضع الاحداثيات للامكان اللي تحددها والقارمن بيوصلك لكل مكان
,, واستخدام القارمن سهل وما فيه تعقيدات
اما الاحداثيات فتجدها في هذا الرابط https://artravelers.com/p/re/785633
اما البرامج فهي كثيرة ومنوعه فما عليك سوى تحديد الاماكن اللي تريد تروحلها
وهذا موضوع عن اهم البرامج والاماكن اللي قريبة من جنيف
https://artravelers.com/p/re/55133
وهذا مواضيع عن اهم البرامج والاماكن القريبة من انترلاكن
https://artravelers.com/p/re/108099
والجو في نهاية ابريل بيكون حلو وبارد شوي
اما الفنادق فلو تحدد لنا التواريخ في كل مدينة يكون افضل عشان نحدد الفنادق الافضل
والانتقال من باريس الى جنيف فالافضل والاسهل من وجهة نظري تكون عن طريق القطار
والوقت بالقطار حوالي 3 ساعات
وبالتوفيق