1. السلام عليكم ورحمة الله وبركاته

السلام عليكم ورحمة الله وبركاته

طبعا من العنوان واضح الموضوع وهو شوية استفسارات عن التأشيره وعن الرحله ككل باذن الله تعالى لا أعلم اذا كان ممنوع الاستفسار عن التأشيرات ولا طالما فى القسم المخصص مسموح عادى عموما اتمنى الا يحذف الموضوع لانى فعلا محتاج فزعتكم لانى مرتبك جدا
ملاحظه فقط يجب ان أنوه عليها من بداية الموضوع أنى مصرى مقيم بالمملكه العربيه السعوديه مع اسرتى ولازلت طالب جامعى . ان شاء الله أنوى السفر الى المغرب هذا الصيف لمدة اسبوع او عشر ايام وسأقوم بحجز كافة الحجوزات من تذاكر طيران وفندق وربما أأجر سياره .
الاستفسار الاول بخصوص التأشيره طبعا كما يعلم اغلبكم ان مصر أعفت الغاربه من تأشيرة الدخول الى مصر والى الان لم تعاملنا المغرب بالمثل وتعفيينا كمصريين من تأشيرة الدخول الى المغرب ولا اعتقد انها تنوى ولكن بحكم خبرتكم هل من الممكن ان يتساهلوا معنا كمصريين فى موضوع التأشيره بعد إقدام مصر على تلك الخطوه خصوصا اذا اثبتت جديتى بحجز تذاكر الطيران والفندق وكده !!!!
تاني استفسار الان انا ليس لدى حساب بنكى ولكن سألت احد شركات السياحه فى مصر وقال لى انه لو جيبت ما يثبت انى طالب جامعى ممكن اقدملهم فى السفاره كشف حساب بنكي بإسم والدى وطبعا سهل جدا إنى اجيب ما يثبت انى طالب وانا اصلا عامل حسابى وجايب معايا من مصر إثبات قيد لمن يهمه الامر أنى طالب بكلية التجاره جامعة عين شمس و كشف حساب والدى موجود الحمد لله هل فعلا أستطيع ان أقدم ما يثبت أنى لازلت طالب واجيبلهم كشف حساب بنكي بإسم والدى وهل دى تعتبر حاجه تضعف موقفي وتقلل من فرص حصولى على التأشيره !!!!!
تالت استفسار هل عدد نجوم الفندق تفرق معاهم فى تقييم الاشخاص اذا كانوا يستحقوا التأشيره ولا لا !!! يعني مثلا هل من يحجز فى فندق 5 نجوم له الافضليه فى الحصول على التأشيره اكتر من ابو حجز 4 نجوم وابو 3 نجوم وكده !!!!! ولا المهم ان يكون لى مكان يأويني فى المغرب وخلاص حتى لو كان حجز شقه او رياض شعبى او اى شئ !!!!!
رابع استفسار هناك عدد من الفنادق الرخيصه جدا نجمتين وثلاث نجوم وانا ما عنديش مانع ابداً انى أنزل فيها اذا كان المقابل انى أقدر أطول فيها مدة إقامتى من اسبوع مثلا فى فنادق اربع نجوم لعشر أيام فى الفنادق دى إقامتى في الفندق اصلا هاتكون مقتصره على النوم فقط وأغلب اليوم هايكون خروجات الفنادق دى كلها تقريبا فى نفس ذات المنطقه فى منطقه عند شارع اسمه شارع باريس وحى بن سليمان تقريبا فى محيط القنصليه الفرنسيه أهم حاجه بس محتاج حد يطمنى المنطقه دى أمان ولا إقامتى فيها ممكن تورطنى فى اى مشاكل او تكون خطر عليا لو رجعت او نزلت اتمشي بعد الساعه 12 .
خامس استفسار واسف طولت عليكم بس انا عارف ان العرب المسافرون اهل الفزعه والشهامه والمروئه (( ايوه ايوه بثبتكم عشان تهتموا تردوا عليا )) . هل كل السينمات فى الدار البيضاء الأفلام فيها بتكون مدبلجه فرنسي !!!!! يعني مش هلاقى اى سينما حتى تكون مترجمه بس بالفرنسي لكن صوت الممثلين بالانجليزي او تكون مترجمه بالعربى مثلا . انا عاشق للسينما وطبعا مافيش هنا فى السعوديه سينما ومصر انتوا شايفين الاوضاع فيها عامله ازاى ونفسي لما اكون فى المغرب كل يوم أخش سينما فياريت لو حد يعرف سينمات غير ميغاراما واى ماكس موروكو مول تكون بتترجم الافلام عربى او سايباها انجليزي زى ما هي يدلنى وياريت كمان لو حد يعرف اسعار التذاكر كام تقريبا في ميغاراما والاى ماكس يقولي
شكرا جزيلا على اهتمامكم قراية كل ده وأسف لو طولت عليكم أخر حاجه بس يا ريت تدعوا لمصر ولسوريا الاوضاع فيهم تستقر ولو انى أشك يحصل استقرار فيهم على المدى القصير ولا حتى المتوسط بس ربنا قادر على كل شئ . منتظر ردودكم المتفائله ارجوكم ماحدش يحبطني و أوعدكم بأحلى تقرير باذن الله لو ربنا كتبلى السفريه دى .