بخصوص الفيزا، لا أعتقد أن هناك مشكلة في مطار أسبانيا والأفضل الإتصال بالسفارة الأسبانية والتأكد منهم.
الجو في أكتوبر سيكون معتدل مائل للبرودة في المساء.
التنقل بين مدريد برشلونة، الأفضل الطيران وقتاً ومالاً. السعر يبدأ من 40 يورو للخط الواحد ويعتمد على وقت الحجز.
إبراهيم

b.7
الكلام يطول عن نظام الشنجن ولو تبيني أشرح لك النظام ما عندي مانع
أما ما اشتهر عندنا من القول بوجوب الدخول من البلد الذي أصدر التأشيرة فهذه كذبة للأسف كذبناها وصدقناها وهذا النظام موجود في خيالنا فقط
الجو في أكتوبر مائل للبرودة
القطار هو الأفضل في التنقل ( يمكن المرور على شلالات نويبالوس )

اخوي انا من اسبوع قدمت عالتاشيرة الاسبانية وقالت لي
الموظفة ضروري تكون وجهتي الاولى هي اسبانيا والاقامة فيها
تكون اكثر من الدولة الثانية اللي هي فرنسا
والصورة اجباري اظهار الاذن ..ما قبلوا الصور العادية
وبخصوص الجو يكون ميال للبرودة مثل ماقال اخوي

ام عبدالعزيزqat
والله كلام غريب
أنا ماخذ تأشيرة من السفارة الإسبانية ووجهتي الأولى ألمانيا ( أسبانيا هي الوجهة الأخيرة لكن الإقامة فيها أكثر )
وما طلبوا صور مبينة فيها الأذان أبدا

يعني ان شاء الله ماعندي مشكله ادخل اسبانيا بالشنقن البلجيكيه
بالنسبه للتنقل كم سعر القطارات تقريبا والجو كيف وضعه

B.7
مرحبا اخوي
توكل على الله مافيه مشاكل ان شاء الله..
القطار من مدريد لبرشلونة (شركة renfe) سعره 117 يورو..
والطيران الداخلي , مثلا Vueling سعرها بين 60 و 70 يورو , واذا حجزت بدري تحصلها ارخص..
والجو بداية البرد , ملابسك العاديه + جاكيت , وانصحك يكون جلد عشان ماتتبهدل مع الامطار
يوفقك ربي ان شاء الله

والله كلام غريب
أنا ماخذ تأشيرة من السفارة الإسبانية ووجهتي الأولى ألمانيا ( أسبانيا هي الوجهة الأخيرة لكن الإقامة فيها أكثر )
وما طلبوا صور مبينة فيها الأذان أبدا
هذا اللي حصل معاي ياخوي ...انت ماخذ تاشيرتك من السفارة في قطر ,,,؟؟؟
مادري ليش مشددين عندنا ...وحتى بموضوع الصورة قالوا اما تكون الصورة بكشف الاذن او يتم رفض طلب التاشيرة ..!