1 ) ولد خالي سنوياً يسافر لتايلاند ويقولي احجز الفندق واحجز تذاكر السفر الداخلية عن طريق الانترنت
وموظف الخطوط قالي تايلاند مايحتاج تحجز فنادق ولا تذكره .. لان تايلند اغلبها فنادق وتقدر تحجز وانت عندهم وتحجز الفندق اللي تبغاه واللي تشوفه عينك ..
مع العلم ان موظف الخطوط قالي اقدر احجز لك فنادق بس صدقني مايحتاج ولا ابي اخسرك فلوس .
اذا انتم شباب اطعلو بدون حجز فنادق و على حسب ضروفكم هناك احجزو الفنادق
لكن حطو في بالكم مجموعة فنادق تكونو مختارينها من هنا قبل لاتروحو و شوفوها على الطبيعه اذا عجبتكم احجزو فيها واذا ماعجبتكم شوفو غيرها
وبعض الفنادق تكون مسويه عرض على الحجز عن طريق الانترنت ارخص بشي بسيط عن الحجز من المكاتب مباشره
وانتم رايحين في وقت مافيه زحمه على الفنادق ابداً يعني ان شاء الله بتحصلو كل الفنادق فاضيه و فيها حجوزات
وبتايا لاتروحو لها الا اذا كنتم شباب
2 ) الخطوط الاماراتية قصينا عليها لانها تعطي 2 بوردينق وليس بوردينق واحد .. بوردينق من الرياض لدبي / بوردينق من دبي لبانكوك
وزي ماانتوا عارفين المشكله بين المملكه وتايلند ومنع السفر .
اللي جرب الخطوط الاماراتية ياليت يفيدنا . وهل صحيح يعطون 2 بوردينق !!! ولا غيروا نظامهم لاني سألت موظف الخطوط قالي يعطونك 2 بوردينق .
كل الخطوط تعطي 2 بوردنق الاتحاد والقطريه انا سافرت عليهم و الثنتين يقصولك 2 بوردنق على تايلند
وثاني شي ماحد بيقول لك أي شي في الروحه او الرجعه المسائله بتكون وقت تجديد جوازك
3 ) اخذ معي فيزا او مايحتاج ، وكيف طريقه الصرف .. هل اصرف اللي معي دولارات وابدلها ب بات .. لاني مدري وش الطريقه صراحه .. وهل اخذ المبلغ معي كاش او اخليه بصرافه ..
خذ معك دولارات ولاتكثرو الكاش معكم ، و خلو جزء من اعتمادكم على الفيزا في الدفع للفنادق والسحب النقدي لانها امن من حمل الكاش معكم
والدولار اصرفوه من اي مكاتب صرف عمله تابعه للبنوك و تلاقوها كثيره عباره عن اكشاك صرف عمله
ولاتصرفو من المطار لانه سعرهم غالي
4 ) رحلتنا بأذن الله في 27/6/2011 م ،،، مااندري وش المناخ عندهم حر برد امطار !!!!
تايلند طول السنه نفس الجو
مافيه برد وامطار بهالوقت تكون شوي مو كثير
احرصو على اللبس القطني الخفيف لانه الرطوبه قويه
5 ) بالنسبه للتأشيره .. من وين افيز دخول / خروج من تايلند .. هل في مطارهم ولا عندنا بالرياض
لو كانت الفتره اللي ناويينها بتايلند اكثر من 15 يوم قدمو على التأشيره من السفاره من هنا وخلال 24 ساعه تاخذوها من السفاره
واذا كان جلوسكم اقل من 15 يوم من المطار يختمو لكم الفيزا (الفيزا مدتها 15 يوم للسعوديين و كل يوم زياده ياخذو 500 بات على الجواز الواحد)
وبالتوفيق،،،،،،،،،،،،،،،

يعطيك الف الف عافيه وماقصرت ..
الفنادق للحين ماحجزنا ولا عرفنا وش الافضل .. بحكم خبرتك .. ودي تعطيني افضل الفنادق من ناحيه خدمه ونظافه وتوفر جميع سبل الراحه مسابح قرب من الاسواق والشواطى .. سواء في فوكت او بتايا . للاحاطه / حنا 5 شباب ويمكن يزود معنا واحد بعد
ومنك نستفيد طال عمرك ( l )

بخصوص صاحب الموضوع والرد الثاني اساميهم مختلفه ههه الظاهر انك نسيت الكلمه السريه وقمت سويت اسم جديد
حياك الله
انا لا اؤيد ابداً في كل الحالات انك تروح وانت ماعندك حجوزات
دائماً وابداً الحجز عن طريق النت او موقع الفندق مباشرةً ارخص ويكفي عامل فرق التوقيت
وضمان جودة اختيارك من النت ماهي صعبه زي قبل الآن اغلب شباب المنتدى زارو اكثر من 50 فندق في كل مدينه وبسهوله ممكن تلقى نصائح على الفنادق المجربه من الأعضاء وبنفس الوقت الفنادق تلقى لها صور وآراء زوارها بالنت في اغلب مواقع الحجز لذلك كونك لن توفق بالأختيار عن طريق النت هذا احتماله مستبعد جداً
اخي الكريم لاتنسون تاخذون صور معكم في المطار عشان الفيزا والفيزا راح تكون في مطار بانكوك.. اصرف دولارات وتقريباً 4000 بات من ديرتك وخذ معك فيزا احتياط..
دقايق اتصفح كم موضوع وارجع لك بأسامي الفنادق اللي ينصح بها في بتايا وبوكيت
بالتوفيق

الوجهه ممكن تتغير ل كوسوماي بدلا من بتايا ... رأيكم مانستغني ؟؟؟

دامكم شباب لازم تكون بتايا في راس قائمة سفرتكم
لانه بتايا فيها كل الفعاليات الشبابيه و الرحلات كذلك و ايضاً الفله والوناسه كلها في بتايا
كوسوماي ممكن تخصصو لها يومين او ثلاثه

لا ترد عنها بتايا

اخي الكريم ، اذا بتروحون بوكيت فإن بوكيت تغني تماما عن كوساموي .
تحياتي