السلام عليكم
بإذن الله نوينا السفر لتايلند ولأول مرة .. وكنت متابعة معاكم المنتدى من فترة لكن لم أكن أشارك ..
وطلبتكم وان شاء الله ما تردوني مع اني متأكدة أنكم أبد ما تردون احد
عندي بعض الاستفسارات وأتمنى تجاوبوني عليها:
في البداية رحلتنا راح تكون بانكوك – بوكت – شانق ماي
واستفساراتي هي
- احنا ما حجزنا مواصلات من المطار إلى الفنادق ، فشلون عن المواصلات من المطار إلى الفنادق في ( بانكوك ، بوكت وشانق ماي) ؟؟ وشلون أسعارها ؟؟؟ وشلون بعد أفضل المواصلات أثناء الرحلة ؟؟
- بعد ماننزل في المطار الجديد ونبي نروح بوكيت عن طريق اير اشيا راح تكون الرحلة في المطار الجديد او المطار القديم وكم المسافة بينهم ؟؟
- اللي عرفته حجز الرحلات عن طريق المكاتب ، وين تصير هذي المكاتب وشلون أوقات عملها ؟؟ وهل في مكاتب تكون ا إلى من غيرها ؟؟ ولو فرضنا وصلنا بالليل متأخر وبغينا نطلع الصبح رحلة هل في وقت عشان نحجز ؟؟ ( في بوكيت وشانق ماي )
- هل تأثر حالة الجو ( الأمطار) على الرحلات والنشطة البحرية في بوكت ؟؟ والرحلات البرية في شانق ماي ؟؟
- في بانكوك راح نسكن في فندق نوفتيل سيام ، هل يوجد محطة قطار أقدر أروح منها لسوق الباتونام أو لازم عن طريق تاكسي؟؟
وشكرا
وعليكم السلام ورحمة الله وبركاته
رحلة موفقة وسفر سعيده بإذن الله
رحلة موفقه مقدما