عبدالاله السهلي
15-12-2022 - 10:07 am
السلام عليكم ..
معكم حبيبكم الجديد الضائع التايه عبدالإله طال عمره
اخواني وحبايب قلبي بهالمنتدى الي يفتح النفس .. ويجيب الصيحة ان كان مامعك قريشات
احب اطرح موضوعي المهم وهو ..
.
.
.
.
.
" عطني دقه حزينة يالكنترول الله يخليك
انا شاب لطيف في مقتبل العمر ..أمتلك من لغة الكفار تقريباً 60%
وسأذهب إلى الكفار في ولايه كاليفورنيا شهر 11 القادم إن شاءالله
وابدخل معهد " لمدة شهرين" بحيث الحق الكرسمس والنيويير وكل شي ان امداني
المهم ي خلف جداني انتم..
أولا: ابي ترشحون لي معهد تجاري قوي موب معهد جامعه
ثانياً: وش الفرق بين الدراسة المكثفة والعادية والافضل فالمدة الزمنية والفائدة للطالب ..
وعطوني تجربتكم الشخصية وتجارب ناس جربت الوضع
.. وبليز فكوني من الردود الدبلوماسية ..
ادري ان الي يبي يستفيد بيستفيد من شغالتهم الفلبينيه
لكذا ارجوكم بلا دبلوماسية فالحوار
ثالثاً: وش افضل قرية هادية حقت دراسة .. و قريبة من لوس انجلس والمدن الضخمة لزوم السياحة وهيك
رابعاً: هل فيه حاجات تعرفونها اسأل او اطلبها من المعهد بخصوص نشاطاتهم او قروباتهم الي ممكن يقدمونها خارج وداخل المعهد ؟
^هذا السؤال جوهري بالنسبة لي أرجوكم ي ريحة جداني ^
خامساً: الي عنده تجربة شخصية عن الديره تراني احبه مالي دخل
شكراً لكم ..
الدراسة في امريكا
