بيني وبينك تقدر تجي تغير جو في قطر راح اعطيك برنامج ليوم واحد جدا ممتع بس انت حدد ميزانيت وقولنه تحب الاماكن المفتوحه ولا المجمعات ولا تحب المتاحف انت حدد وامورك تصير طيبه ان شالله

الوضع عندي فري طال عمرك وميزانيتي طيبه راح تكفيني ان شاءالله
تسلم يا الغلا ما قصرت

ان شاء الله ذا روك مب مقصر معاك وبيفسحك اذا وصلت
لاتشيل هم الوحده
قطر فيها اماكن وايد حلوه وكل مكان احلى من الثاني ومايكفي لها يوم واحد
وترى مجمع فيلاجيو اللي عندنا صج انه حلو لكن وايد زحمه في الويكند بس بتستانس وفيه كل اللي يخطر على بالك
وهذا المجمع جايبينه نسخة طبق الاصل من مجمع مشهور في أمريكا - ولاية لاس فيغاس
ولاتنسى تركب الجندول

ما تقصر يا النوري
يعطيك ألف عافية
ما هي غريبة عليكم يا اهل قطر أهل الطيب والوفا
وفيلاجيو شفت له صور من جد روعه

شوف اذا يوم واحد انا راح اقولك الاوقات المناسبه حق الاماكن والسكن ف راح ارشحلك W hotel
طبعا اخترت لك هل فندق لكونه هو في وسط الناطحات السحاب وجمبه اضخم مول في قطر الي اسمه سيتي سنتر وجمبه جزيرة الؤلؤه
من 10 صباحا الى 12 الضهر تقدر تروح المتحف الاسلامي وايد حلو
من 12 الى 4 ونص روح فيلاجيو مول تتغذى اهناك وتتمشى في مدينة ملاهي وايد حلوه للكبار فيها سيارات الكارتينج الي هي الفورملا وفي سينما خماسية الابعاد وفيها لعبة تتشغلب وفيها قطار الموت وطبعا تقدر تروح السينما وفي سينما فيلاجيو مول عندهم سينما الاي مكس طبعا سامع عنها
عقب ماتتجول روح الفندق ارتاح نص ساعه واول ماتصر الساعه 5 اطلع
من 5 الى 8 روح جزيرة الؤلؤه لانه هي افخم بقعه في قطر هي عباره عن جزيرة صناعيه تروح لها عن طريق السياره والجسر طوله 30 متر وهي عباره عن ممشى ومطاعم ومقاهي تقدر واسواق تقدر تتعشى اهناك عقب تتمشى
واذا فليل تمللت في الفندق تره جمبك الكورنيش الي حاصل على جائزة افضل كورنيش في الخليج المنظر وايد حلو
طبعا هاي الجدول الوحيد الي حق اليوم واحد فقط واي شي تبي انا حاظر والشباب مايقصرون

احرجتني يا الغالي بيطيبتك وجهدك
ربي يطول عمرك ويخليك لعين ترجيك
وإن شاءالله بكره بإذن الله وأنا عندكم
لأني تحمست بقوة

من فيلاجيو اصلا لين الفندق بتاخذ لك نص ساعه
والجدول يبين انه حلو وسهل العمل به لكن في الحقيقه بيكون متعب جداً عليك
الواحد مايقدر يسوي هالشي في يوم واحد
على الاقل سافر الاربعا علشان تقعد يومين

the ro0ok أخوي الغالي ممكن تعطيني أماكن سياحية لمدة يومين وتكفى حط لي خيارات كثيرة حتى استمتع في يومين ( طبعاً معي العيال والمدام مع إقتراحك للفندق في الدوحة سعر مناسب
شاكراً لك ومقدرا جهودك اخوي الغالي

انشالله اخوي بس خل يومين عندي النت بطيئ انشالله بمره او الي عقبه راح اقولك بس اذا كنت مستعجل تبي الخبر اليوم ولا يهمك راح اروح كافيه واستخدم النت عشانك يالغالي