رحت لتركيا في عام 2005 .. جلسنا في اسطنيول وكم يوم في بورصة
رحنا في شهر أوغست .. كان الجو روعة ..
معانا أطفال أعمارهم 8 و6 و 5و 2
الصغيرة الي عمرها سنتين تعبتنا شوي كانت كثيرة الحركة ..أما من الناحية الصحية ماجاهم إلا العافية
لكن جيبي معاك احتياط ادوية للزكام والنزلات المعوية ..
الفترة الي رحنا فيها كان الجو شوي بارد في الليل لكن تكفي تي شيرت قطن بكم طويل .. بس انتبهي انا قلت في الليل بس هذا بالنسبة لجو اسنطبول.
أما في بورصة كان جوها بارد يعني جاكيت في الليل.
الميزانية : تخصص الوالد الله يحفظه . ماأعرف عنها شي
سكنا في ترابيا في فيلا مفروشة تطل على منظر رائع للبحر.. وكذلك في بورصة
واستأجرنا سائق مع سيارته طوال الرحلة وهذا ريحنا كثير..
بالنسبة لنا مانحب القروبات كنا نخلي السواق يدور في الشوارع ونوقفة في المكان الي نبية .. وأحيانا تختار أماكن من كتيبات الدليل السياحي ..
أما اللغة ..حدث ولا حرج ماحد يعرف انجليزي حتى السواق كنا نتفاهم معاه بالحركات والصور نوريه الصورة وهو يودينا لها.. اما الي في الأسواق والأماكن السياحية يتحدثون الإنجليزية وبعضهم يعرف كم كلمة عربي..
الأوقات كنا نطلع الساعه 10 الصبح ونرجع 10 أو 11 بالليل ..
المشاكل : بما اننا عائلة ماتتخلى عن النقاب في أي مكان .. واجهنا مشاكل من بعض الأوروبيين الي كانوا موجودين في كثرة بسبب مسابقة عالمية مقامة في اسطنبول ماأذكر ايش هي بالضبط..
أما الأتراك اليهود كانوا يسكرون أبواب محلاتهم قبل ندخل ...يحسبونا ميتين على محلاتهم مايدرون اننا مامتنا عليهم..
ماتسمعينه عن سرعة غضب الأتراك هو صحيح نوعا ما ..لكن ماعليك منهم بسرعة يبردون
أهم شي: إذا بغيتي تشترين شي خاصة في الأماكن السياحيه انتبهي يغشونك بالسعر .. اذا عطوك سعر شيلي ثلاث أرباعه (بدون مبالغة) أو اشتري من محلات معروفة الي يكون السعر فيها ثابت
وبصراحة تركيا روعة واتمنى أعيد رحلتي.....
أتمنى أكون أفدتك..
والله يونسكم بالعافيه