هل قرأت تقارير الأعضاء ومواضيعهم؟

لازم الواحد قبل يسافر يجمع معلومات ويطلع اكثر ع المواضيع المثبته لانها الاهم
السكن في لندن والريف يومين الى ثلاث ايام كافيه
https://artravelers.com/p/re/531370
موضوع الميزانيه اصعب سؤال يمر علي لان هالشي المفروض انتم تحددونه وصرفك ماراح يكون زي صرف اي شخص ثاني
https://artravelers.com/p/re/395938

أكيد اني قريت وشفت بعض التقارير
لكن احتاج الى رؤية واضحه واطلاع قبل السفر
ومن ناحية الميزانية فأبغي اعرف كم احتاج لاني حاطه بين 10 و15 ألف
السكن مع المصاريف لمدة 12 يوم ان شاء الله
بس ماعرف كيف اسعار الفنادق
وهل في الريف يوجد فنادق ام فقط شقق ؟ لاني اشوف فالتقارير كله شقق
وانا ما احتاج شقه احتاج غرفة في فندق
عالعموم تسلمون على الرد واتمنى الرد من جديد ^_^

مرحبا ..
لا اختي المزانيه ماتكفي ..
مع السكن
واسهل شي اتعرفين الاسعار الفنادق عندج موقع بوكنج حطي تاريخ السفر وشوفي الاسعار وبتعرفين الاسعار
طبعا انا اتكلم على فنادق الاربع نجوم والمحترمه مش فندق ثلاث نجوم وغيره ..
فالسكن بتروح منه تقريبا 9000 باقي 6000 ماتكفي مصروف لكم في 12 يوم
الجو بارد بس مش ثلج !
اذا كان قصدج ماينزل ثلج صح بس اذا كان قصدج مش بارد من قلب فا اقولج لا بارد ثلج ثلج وخاصه من بعد العصر واذا في هوى قوي
تقدرون اتقللون من القيمة السكن انكم ماطولون السكن في لندن يعني تجلسون في لندن اربع ليالي وباقي الايام تطلعون على مانشستر مانشستر السكن فيها رخيص جدا ومن مانشستر تطلعون على الاماكن سياحيه القريبه منها وطبيعه الخلابه ..
وياستحسن تستاجرون سياره في مانشستر تقلل تكلفة الموصلات تخذون سياره في اليوم بخمسين بوند او ستين بوند وتخذون راحتكم ..افضل من القطارات لان عددكم 4 اشخاص فالسياره افضل واحسن واسهل
واهم شي القارمن ايكون موجود ..
تحياتي

انا اشهد انج البريستيج كله ^_~
اتعرفين انا حابه اني اروح استمتع بالطبيعه الخلابه
فابغي اركز على خارج لندن واتم في لندن 3 ايام مثل ماقلتي
لزيارة الاماكن السياحيه والالعاب
هل بحصل خارج لندن فنادق؟ ولا بس شقق
وبخصوص مانشستر اقدر احجز سياره عن طريق النت من الامارات؟
لان انفكر نستاجر سياره واييبونها المطار ونتجول في لندن وخارجها
بنحصل خارطه في المطار ادلينا الاماكن المعروفه والمناطق في بريطانيا؟
ويزاكم الله خير

مرحبا
هذا الموقع تقدرون تحجزون منه سياره واسعاره ممتازه
http://www.rentalcars.com/
وبخصوص الاماكن في مانشستر هذا الرابط بفيدكم
دليل مانشستر http://daleelmanchester.blogspot.com/
وبخصوص الخرايط وغيرها .. ماتنفعكم بشي اهم شي القارمن بالسياره تخذونه من الامارات فيه الخرايط الاوروبيه ومن ضمنهم بريطانيا
تحياتي
اخوك البرستيج

تسلم اخويه على المواقع
واسمحلي على الخطا ~_~
بس بغيت اسال
انا اخوية في برايتون وابغي اروح عنده لكن من القراءه عن هاي المنطقه مافيها شي حلو
والي دخلت خاطري مانشتستر اكثر وفيها سياحه وهاي فالشمال وبرايتون فالجنوب (على الي قريته)
احس فيها عباله وخصوصا ان عندي طفلين واعمارهم صغيره 1 و2 الله يحفظهم
فكيف ارتب المناطق ؟
كنت حاطه جدول الرحله
مانشستر والبحيرات ولندن
ماشستر لمدة 3 ليالي
والبحيرات 4ليالي
ولندن 4 ليالي مع برايتون ليلة
ابغي اسير الاوت لت الي خارج لندن في قرية بيستر جنب مدينة اكسفورد
شو الاقرب لي اني اطلع من لندن على بيستر او من مانشستر؟

تقريري في توقيعي مكتوب بالاحمر جديد
يصلح لكم
مأجر سياره
ورايح مانشستر
وزرت اماكن واوت ليت والبحيرات
راح يعجبكم كثير
وتقرير بسيط