بسم الله نبداء
1- لا يحتاج ان تكون ممتاز في اللغة الانجليزية ومستوى جيد يفي بالغرض (يعني زي مايقولو الكلمات الاعتياديه والمعروفه هي اللي راح تحتاجها (زي لما تبغى تطلب شي او تبغى تقص تذكرة يعني حاجات بسيطه جدا)
2-افضل وسيلة للتنقل هي (المترو) من جميع النواحي اما السيارة فاالموضوع مو موضوع زحمة وانما غلا المواقف بشكل كبير وايضا صعوبة ايجاد موقف اصلاً
3- من 7 الى 10 ايام كافية لمدينة باريس واعتقد 8 حلوه جداً
4- افضل وسيلة من باريس الى جنيف (القطار) من ناحية الراحه وتقريباً الرخص في جنيف لازم تستاجر سيارة
المسافة من باريس الى جنيف بالسيارة 5 ساعات
5- مكتب تاجير سيارة للاسف ماعندي خبر بس الكنج ابو عزيز يمدح (هيرتز)
6- افضل منطقة هي الشانز او حول الشانز اقصى مسافة 100 الى 150 متر لا تبعد اكثر من كذا
7- الشقق برضو ماعندي خبر واتمنى الاخوان يفيدونك
سامحنا على القصور

السلام عليكم
أخوي يكفي إنك من الآن قاعد تبحث وتسأل ،
وهذا شي إيجابي .. والله يوفقك
بجاوب على قد معلوماتي و فهمي :
1- هل ايجادة اللغه الانجليزيه مهم جدا ام ان اقدر امشي حالي؟
الإنجليزيه مو مهمة أخوي ، ولا حتى أي لغة .
يكفي لغة الإشارة ، بشرط إنك تكون مخطط صح ! ،
ويُفضل تعرف كلمات فرنسيه .
2- هل اتنقل في باريس بالسيارة ام بالمترو واذا كان بالسيارة هل الشوارع مزدحمه وهل المواقف متوفرة بكل مكان ؟
بالمترو أفضل ، و أسهل ، وأسرع ، و أرخص .
اما اذا كان بالمترو كيف اشتري بطاقات المترو وكيف التعامل بها ؟
المترو بسيط ، يحتاج تراجع معلومات عنه في المنتدى ،
والبطاقات تشتريها من اي محطة .. والامر سهل صدقني يالغالي .
3- كم من الايام يلزمني لزيارة معظم المناطق السياحيه في باريس ؟
أظن ما بين 5 أيام و أسبوع .
4- هل اسافر من باريس الى جنيف بالسيارة ام بالقطار وكم المسافه وكيف احجز بالقطار ؟
بالقطار .. تقريبا ً أربع ساعات ، و تحجزه من المحطات ،
وتقدر تدش موضوعي ، وبتحصل كلام عنه ومعلومات .
واريد الذهاب ايضا الى النمسا ؟
النمسا حلوه ، والاخوان بيعطونك معلومات حولها .
وانصحك تقرأ التقارير عنها .
6- ما هي افضل منطقه في باريس اسكن فيها وتكون قريبه من المناطق السياحيه وامنه جدا ؟ انا افضل قريبه من الشانز ما رايكم؟
الناس تفضل القريبه من الشانز ، وهذا انا ما افضله
وفيه اكثر من فندق ثلاث نجوم ، وسعرهم كويس و هم نظاف ،
وقريبين من قوس النصر .. اول الشانز ..
وتقدر تراجع موضوعي وبتحصل الفندق .
الله يوفقك أخوي ،

الله يوفق الاخوان كفو ووفو وماقصرو
ولابد كل شخص يدخل يسرد رأيه
لتعم الفائده
==

• هل ايجادة اللغه الانجليزيه مهم جدا ام ان اقدر امشي حالي

مشي حالك بلغة الاشاره,
2- هل اتنقل في باريس بالسيارة ام بالمترو واذا كان بالسيارة هل الشوارع مزدحمه وهل المواقف متوفرة بكل مكان ؟
المترو, المواقف لابد بتسعيره والغالب مزدحمه والبعض غير متوفره
اما اذا كان بالمترو كيف اشتري بطاقات المترو وكيف التعامل بها ؟
ان شاء الله اذا عزمت وجا التخطيط نشرح لك حته حته ولايهمك جدا سهل وحلو
والتعامل معه كالتعامل مع لعبه توصيل

وعليكم السلام اخي تركي , , ,
1- لابد في اي مكان في العالم- غير الدول العربيه - انك تستخدم لغة البلد التي سوف تزورها , او على الاقل اللغة الانجليزية , الفرنسيون لا يجيدون الانجليزية ! حتى لو وُجد من يتكلمها , لايُفهم منه , لان طريقة النطق تختلف لدى الفرنسيين !
المهم لازم من لغة !
2- ما انصحك ابد انك تسأجر سيارة -- خصوصا في باريس -- الشوارع زحمه ! والمواقف بالدفع ! ولا تدري هذا الموقف مسموح به ام لا ! والي ماعنده لغة فرنسيه , بيضيع مع البوليس هناك ! وبيتورط مع سيارته !
اذا ودك تشوف شوارع باريس ولا ترغب بالتنقل بالمترو , عليك بالباصات . . .
3- المعالم كثيره ومتعدده , وعلى حسب ذوقك باختيار نوع هذه المعالم ,
اقل شئ اسبوعان . . .
4-اذا حبيت بالقطار او السيارة , كلها متعه
5- من تجربة شخصيه , استأجرت من شركة SIXT , لابد تكون حاجز مسبقا , اما بالانترنت او بالهاتف
اخذت سيارة BMW 1er حلوه ومريحه و عمليه ,
6- حاول ان تدور على منطقة اسمها septième arrondissement او الحي السابع او الدائرة السابعه
فيها فنادق حلوه ورخيصة وقريبه جدا من الشانز . . .
هذا الي اقدر افيده
وبالتوفيق

شكر ا جزيلا لكم aboretal و محمد أبو شملان و *؛؛شموخ ؛؛* و باريس وبس

1. *؛؛شموخ ؛؛*


2. هاه بشري يا شموخ ممتاز والا لا او فيه ملاحظات


3. هذا بالنسبة للمترو

*؛؛شموخ ؛؛*

طيب يا اختي الغاليه انا عندي استفسارات لو سمحتي المترو ما راح اشوف الدنيا لانه تحت الارض وانا ابي اتنقل بالباص الاحمر اللي يقولون عنه كيف طريقته ومن وين اقص تذاكره وانت عطيني نصايحك على اي شيء لانه انا اول مره اسافر لأوربا واذا تنصحين بالمترو عندي ملف اكسل لقيته في موضوع سهل كثير علي وهذي الصفحة الاولى من الملف
بسم الله الرحمن الرحيم
تم عمل هذا العمل بفضل من الله ثم اعضاء منتدي العرب المسافرون
بوابة السفر الى فرنسا France
http://artravelers.com" target="_blank">منتدى العرب المسافرون
جمع وترتيب
saudicool
تفاصيل المواقع محطات المترو خريطة المترو
الحين
شوفيني انا فاهم والا لا
مثلا ابي اروح حديقة الزهور والنباتات Jardin Des Plantes
المحطه اللي قريبه منها هي Gare d'Austerlitz
وانا ساكن بالقرب من محطة جورج الخامس
ابحث عن المترو رقم 10 او 5 واذا جت محطه Gare d'Austerlitz
انزل من المترو بس السؤال وين يحطون اسم المحطة فيه علشان اشوفها
اما اذا بغيت اروح الرحلة النهريه اذهب الى محطة جورج الخامس واركب المترو رقم 9 وانزل عند المحطة
Alma Marcesu
اما اذا بغيت اروح لدزني لاند اذهب الى محطة جورج الخامس ثم اركب المترو رقم RER A4 وانزل في المحطة Marne-La-Vallee_Chessy
واجد دزني لاند قدامي

هاه بشري يا شموخ ممتاز والا لا او فيه ملاحظات

هذا بالنسبة للمترو

بالنسبه للسفر الى جنيف بالسيارة كم المسافة وهل الطريق امن وما هي افضل السيارات التي تنصحين بها بسعر مناسب في حدود من 400 ريال الى 600 ريال مفتوح الكيلو مترات وهل يوجد سيارات ارخص ومن اين استأجر السيارة في باريس وهل يسمحون لي ان اسلم السيارة في فيينا وهل استأجر السيارة مكلف ماديا من ناحية البنزين
ما رايك بستأجر شقق في الموقع الذي انا وضعته في صدر الموضوع لاني لقيت عندهم شقق فخمه وقريبه من الشانز لمدة شهر بحدود 13000 الف ريال سعودي
اما بالنسبه للمسافرين فعددهم 3 انا وزوجتي وابنتي الصغيره 4 سنوات تاريخ السفر 16 يوليو الميزانيه الثلاثين الف ريال بدون تذاكر الطيران

1. هاه بشري يا شموخ ممتاز والا لا او فيه ملاحظات


2. ممتاز جدا جدا ماعليه كلام موفق ياخوي

طيب يا اختي الغاليه انا عندي استفسارات لو سمحتي المترو ما راح اشوف الدنيا لانه تحت الارض وانا ابي اتنقل بالباص الاحمر اللي يقولون عنه كيف طريقته ومن وين اقص تذاكره وانت عطيني نصايحك على اي شيء لانه انا اول مره اسافر لأوربا واذا تنصحين بالمترو عندي ملف اكسل لقيته في موضوع سهل كثير علي وهذي الصفحة الاولى من الملف
هلا بك اخوي.. صحيح كلامك ماراح تشوف الدنيا
لكن من يوم توصل تركب الباص الاحمر وفيه ساعات له
اما ساعه وساعتين تشوف باريس ومعالمها يعني بتكون شفت المناطق زين
بعدها استخدم المترو رخيص واسرع على فكره
انا اشوف موضوع كويتي توب عن الفلاش جدا ممتاز ربي يوفقه ونتعامل معه الان
خرائط مترو باريس بالفلاش https://artravelers.com/p/re/362841
اخوي الباص الاحمر بيكون بالشانز
وعند قوس النصر
والتذكره 120 ريال تشوف معالم باريس
نصيحتي لك المترو فقط
لاباص ولاتاكسي ومحطات المترو واضحه وفوق هذا رخيص
الا انك تستاجر سياره وهو الخيار الاخير
مع ان البعض ماأيدك
===========
بيكون مسارك::
محطة جورج الخامس ==>مترو1 الاصفر==>التبديل في محطة Bastille واخذ مترو5 الاورنج ==>الوقوف في محطةGard
واضح المسار بالصور,.
انزل من المترو بس السؤال وين يحطون اسم المحطة فيه علشان اشوفها
من تنزل بتشوف الاسماء واضحه (اسماء المحطات) لاتحاتي .
اما اذا بغيت اروح الرحلة النهريه اذهب الى محطة جورج الخامس واركب المترو رقم 9 وانزل عند المحطة
Alma Marcesu
ممتاز صحيح تبدل من مترو 1 في محطة فرانكلين اللي عند مترو 9
صحيح اخوي الاهم انك تعرف اسماء المحطات بحيث ماتضيع
اما اذا بغيت اروح لدزني لاند اذهب الى محطة جورج الخامس ثم اركب المترو رقم RER A4 وانزل في المحطة Marne-La-Vallee_Chessy
واجد دزني لاند قدامي
صحيح اخوب بس التبديل في محطة شاردل دي جول اتوال جنب جورج الخامس ومن ثم رير الاحمر
ممتاز

هاه بشري يا شموخ ممتاز والا لا او فيه ملاحظات

ممتاز جدا جدا ماعليه كلام موفق ياخوي

بالنسبه للسفر الى جنيف بالسيارة كم المسافة وهل الطريق امن وما هي افضل السيارات التي تنصحين بها بسعر مناسب في حدود من 400 ريال الى 600 ريال مفتوح الكيلو مترات وهل يوجد سيارات ارخص ومن اين استأجر السيارة في باريس وهل يسمحون لي ان اسلم السيارة في فيينا وهل استأجر السيارة مكلف ماديا من ناحية البنزين
باريس== جنيف 4 ساعات بالقطار انا انصحك بالقطار تقولي ليه
انت بتاخذ سياره من باريس وقاصد جنيف تعب 7 ساعات منطقه جديده عليك
اجار السياره مع البنزين بياكل من المبلغ المطروح
لكن لو قارنت القطار سريع ومريح وتقضي وقتك هناك بالمترو وبس
اما السياره لو كنت بتوقف عند مدن مثل آنسي الفرنسيه - بادن بادن الالمانيه - زيلامسي النمساويه-جنيف السويسريه بكذا اقدر اقولك خذ سياره للراحه والتغيير ولاتنسى الميزانيه بتختل
ما رايك بستأجر شقق في الموقع الذي انا وضعته في صدر الموضوع لاني لقيت عندهم شقق فخمه وقريبه من الشانز لمدة شهر بحدود 13000 الف ريال سعودي
الموقع حلو بس ماشفت شقه لانه الصفحه الرئيسيه
حدد شقه وبالتالي نقارنها ومن ثم تتوكل على الله
اما بالنسبه للمسافرين فعددهم 3 انا وزوجتي وابنتي الصغيره 4 سنوات تاريخ السفر 16 يوليو الميزانيه الثلاثين الف ريال بدون تذاكر الطيران
ممتاز جدا العدد والميزانيه ربي يسهل عليكم يارب موفقين في رحلتكم

*؛؛شموخ ؛؛*
طيب وانا في محطة جورج الخامس كيف اعرف ان الميترو متجه ناحية محطة فرانكلين او متجه ناحيه محطة شارل ديغول
وشي ثاني انا ابغى اعرف وانا في داخل المترو وش المحطه الجايه او المحطة اللي راحت وكم يوقف المترو في كل محطة وهل لو طوفت وحدة من المحطات كيف ارجع لها من المحطة اللي بعدها
وقبل هذا كله كيف اشتري بطاقة باريس فزيت
بنسبة للشقق وش رايك في هذه
http://www.parisattitude.com/apartment.asp?numProduit=2534
خاصة اني راح اخذها شهر وفي نص الشهر راح اخذ القطار الى جنيف ثم استأجر سيارة من جنيف واقعد فيها يومين ثم اروح الى زيلماسي في النمسا واقعد في زيلامسي 4 ايام ارجع الى جنيف واسلم السيارة وارجع بالقطار الى باريس ثم اقلع من باريس الى الرياض
وش رايك وهل عندك اي نصيحه وعارف اني كثرت عليك بس سامحيني الله يوفقك دائما وابدا
تحياتي

طيب وانا في محطة جورج الخامس كيف اعرف ان الميترو متجه ناحية محطة فرانكلين او متجه ناحيه محطة شارل ديغول
عن طريق معرفة محطه قبل ومحطه بعد
المحطه بتشوفها في لوحه بتنور وتطفي
اذا منوره فان المترو متوجه لها واذا مقفله فان المترو لن يتوجه لها
وشي ثاني انا ابغى اعرف وانا في داخل المترو وش المحطه الجايه او المحطة اللي راحت وكم يوقف المترو في كل محطة وهل لو طوفت وحدة من المحطات كيف ارجع لها من المحطة اللي بعدها
اذا كانت معك الخريطه فا راح تعرف كل محطه بيوقف عندها
وبرضو من تركب القطار ستجد لوحة توضح اسم الخط والمحطات المتجه اليها بالتالي تعرف المحطة اللي طلعت منها والمحطة التالية
واذا حسيت انك أخطأت شوف لك مسار آخر من خلال الخارطة اللي معك والا انزل المحطة التالية وارجع الى المحطة اللي طلعت منها واذهب الى القطار الصحيح.
فقط.
وقبل هذا كله كيف اشتري بطاقة باريس فزيت
من شباك التذاكر
باريس فيزت اذا اسبوع
اما شهر
Carte Orange
اقتصاديه
===================
Paris Apartment 1 Bedroom
Champs Elysees
=================
شخصين
مصعد ، تكييف الهواء ، والمروحة ، الانترنت العالية السرعة ، واي فاي (الشبكة) ، مرحبا فاي كابل التلفزيون ، دي في دي ، بواب ، غسالة ، غرفة المعيشة //
مدخنة ، الاريكه ، نافذة على الشارع ، المطبخ //
الثلاجة ، ميكرويف ، فرن ، غسالة صحون ، غلاية كهربائية ، صانع القهوة ، محمصة ، الغرفه//
سرير حجم 1 : 160 ، سرير حجم 2 : 140 ، مكتب ، خزانة ، لافتة ، نافذة على الشارع ،
الحمام //
حوض الاستحمام ، دش منفصل ، منشفة مجفف ، مجفف شعر ، البيئة //
غسيل الملابس ، وسوبر ماركت ، وسوق في الهواء الطلق ، والمتاجر المحلية ، والصيدلة ، والمطاعم ، مقاهي الإنترنت ، والسينما ، وناد رياضي ومواقف السيارات ، حمام سباحة ، وحديقة ، وكازينو ،
ودائع والامن//600يورو
المساحه// 70 متر
اقرب محطة مترو هي محطة ternes
file:///C:/Users/HP/AppData/Local/Temp/moz-screenshot-6.png