السلام عليكم ورحمة الله وبركاته ::
حياك الله اخوي .
بالنسبة للمخطط ..تمام عليك ما شاء الله مرتب.
لكن سالفة انك تستأجر سيارة ..بعدين قطار ..بعدين سيارة ..ثم قطار ...هذه ما ادري وش اقولك ..لو انا مكانك ما اسويها ..وخاصة في شهر عسل .
لكن على العموم ..الامر راجع لك في النهاية .
ممكن لو تستأجر من ميونخ ..وتزور سالزبورغ وزيلاميسي وانترلكن واليوروب بارك ..وتسلم السيارة في فرايبورغ ..ثم بالقطار الى باريس.
اقولك تمام عليك .
بالنسبة لاستفسارك ..نعم توجد رحلات بالقطار من ميونخ الى زيورخ دايركت مدتها اربعة ساعات .
ومن زيورخ الى باريس ايضا دايركت اربعة ساعات ونصف .
وممكن تتأكد من موقع القطارات السويسرية ...وموجود الطريقة كيف على هذا الرابط :
شرح كيفية حجز تذاكر القطار في سويسرا ..عن طريق الانترنت https://artravelers.com
وبالتوفيق

اهلين اخوي مشكور على النصحية لا بالعكس أنا أول مرة أروح وإذا مناسب سيارة مو مشكلة
لكن المشكلة مو عارف المسافة واللي راح يواجهي في الطريق من زيلامسي إلى زيورخ لأني صراحة نفسي أزور زيورخ لو ليلة وبعدين أطلع إنتر لاكن
وإذا السيارة يكون تسليمها في زيورخ أفضل.
تنصحني بالطيارة .. ؟
ومن زيلامسي إلى زيورخ احسها مسافة طويلة 450 تقريبا.
متابع ..

وبالنسبة إلى فرايبورغ بعيدة عن إنتر لاكن قدر المستطاع مابي أقطع مسافات طويلة. أفضل يعني ،،
إنتر لاكن إلى زيورخ 120 كيلو وبعدين قطار
إنتر لاكن فرايبورغ 220 كيلو بعيد شوي في نظري.

اذا كنت راح ألخبطك اخوي ..خليك على مخططك السابق ..
هو حلو ..ومريح بالنسبة لك اذا ما كان ودك تقطع مسافات طويلة بالسيارة .
وبالتوفيق أخوي.

وياك يارب وش دعوى أخوي تبادل أفكار ونشوف الأنسب.
مشكور ..

ليش ما ذكرت عدد ايام الرحلة فمثلا في باريس كم يوم ..وهل لديك برنامج في باريس ....وكذلك البقية سويسرا والنمسا والمانيا

نعم يوجد قطار مباشر بين ميونخ زيورخ لاكن لابد ان تختار ساعة الرحله لان هناك رحلات مباشره وغير مباشره يتوقف فيها القطار وتضطر الي تغيره مره ومرتين الي اربع مرات علي حسب موعد الرحله. سعر التذكره ذهاب 95 فرنك سويسري للاعمار من 26 الي 59 درجه ثانيه ومدة الرحله (4:44)

ahmad.suisse
اخ احمد حبيت اسألك بما انك من سكان المنطقه انا اشوف ان الحجز من موقع القطار الالماني راح يكون اوفر بالسعر حيث التذكره اقل من 50 يورو اتمنى لو تتأكد لي هل اختياري صحيح ولك الشكر http://reiseauskunft.bahn.de/bin/query2.exe/en?ld=96253&seqnr=2&ident=d7.014717253.1370280700&rt=1&rememberSortType=minDeparture&sTID=C1-2.1@4670&oCID=C1-2&showAvail=yes&completeFulfillment=1&

1. Medo 77

Medo 77

بصراحه انا انصحك تاخذ بشور مشرفنا العزيز وخصوصا ان خط سيرك جيد ولكن عيبه كما ذكر خبيرنا تسليم السياره ثم الانتقال بالقطار ثم تسليم السياره يعني راح ترجع من زل امسي اكثر من ساعتين بالسياره الى ميونخ ثم تسلم السياره وتستقل قطار مدته 4:30 ؟؟!!!! ومن زيورخ الى باريس 4 ساعات ناهيك عن تكلفة القطارخصوصا انك ترغب زيارة انترلاكن والتوقف في زيورخ يعني ما عندك مشكله من ناحية الطريق لذلك تشوف لك منطقة وسط بين زل امسي وزيورخ تكون منطقة استراحة طريق ليلة واقترح عليك انسبيرق ساعتين من زل امسي وتبعد عن زيورخ 3 ساعات يمكن السكن قبل زيورخ وتفادي زحامها كما اقترح عليك بعد ما تنتهي من انترلاكن تتوجه الى منطقة روست (اليورب بارك-بادن بادن - ستراسبورق ) ساعتين ونصف من انترلاكن وبصراحة اليورب بارك قمة المتعه للشباب العرسان ربي يوفقكم ويسعدكم بالاضافة الى بادن الرائعه وستراسبورغ الحالمه ثم تقوم بتسليم السياره في kehl منطقة المانيه تقغ في طرف ستراسبورغ وتبعد 10 كم عن محطة القطار حيث تنتقل الى باريس اقل من ساعتين ونصف فبهذا تستفيد 3 اشياء الاول الاستمتاع بالمنطقة ثانيا تسليم السياره بمنطقة المانيه وتوفير ضريبه لن تقل عن 1700 ريال ثالثا سهولة الانتقال الى باريس وبعدين انتم شباب خفيفين الحركه ماشاء الله لا معكم لا اطفال ولا كبار سن طبعا ما انصح بالهجوله ولكن تمت اضافة هذه المحطات لتسهيل البرنامج وفي نفس الوقت اضافة متعه وتنوع اتمنى ان يبارك الله لكما ويجمع بينكما بخير تحياتي