اخوي اول شئ الف مليون مبروك ........................................:50055:
اما عن خط السير :
فاول شئ انصحك بمكة يومين الى اسبوع والفنادق بجوار الحرم كثيرة
وبعدين اتجهه الى جدة وبعدين الطائف
اما عن فنادق جدة روح فندق البلاد على الكورنيش فندق حلو واسعاره معقولة جدا .
اكيد لازم تروح الكورنيش في جدة :3:
المطاعم كثييرة وحلوة لكن لاتفوتك حديقة المرسال
واذا حاب الطائف اسكن في بهادر الهدا
والحدائق كثيرة منها حديقة الملك فهد والحدبان
ونا حاضر لاي استفسار
:suprise:

والله يالعزيز ( برق الحيا) حسب المنطقة اللي بتيجي منها إن كانك جاي من الجنوب أو الرياض فطبعا تبدأ بالطايف وإن كانك جاي من المدينة أو ينبع أو رابغ حتبدأ من جدة وحسب فلوسك إن كانك مريش عليك وعلى الهلتون أو ووستن وإلا فعليك برادسون ساس في طريق المدينة جنوب شارع فلسطين رخيص وهادي ورايق وإذا بتطول في جدة وتبغى سعر معقول هناك شقق بنظام 24 ساعة وهي الدلمون في تقاطع حراء مع الأمير سلطان أمام سيتي بلازا والا روح شقق ريجنسي بشارع صاري فخمة وحلوة وفيها خدمة ماهي موجودة في أي فندق ولاأي شقق اما مطاعم جدة فالفطور لابد يكون في بوفيه الفندق ولا بد إنك تفطر ولو مرة وحدة في الثمرات بشارع التحلية لأما الغدا والعشا فلا تفوت هذي المطاعم (( شامي )) (( ابو شقرة)) (( عمو حمزة للبحريات)) ((السنابك -بحريات)) (( شيزان -هندي )) لا يفوتك نصيحة واذا تحب الأكل الشعبي روح للصهود واحذر المطاعم الجاوية كلها صراصير
أما النزهة فما أدري إذا متحف عبدالرؤوف باقي موجود فلا يفوتك لأنه انحرق قبل فترة وماأدري ولا تنسى مركز العلوم والتكنولوجيا على الكورنيش وروح مركز فيفا على شارع التحليةوحديقة الأنعام الجميلة على خرجتك من التحلية كنك رايح مكة ومادامك عريس لاتفوت طلعات البحر الصباحية وعلى أبحر واستئجار قارب للنزهة البحرية ولا تنسى مرسى الأحلام على الكورنيش حيث مطعم داخل سفينة وشي عجيب وجدة أكثر من إن الواحد يوصفها لكن ستجد الأدلة السياحية في الفنادق وتكتشف كل شي بنفسك
أما الطائف فطبعا الهدا والشفا وماأنصحك تسكن فيها لأنها غالية لكن اسكن وسط المدينة وروح وارجع كلها عشر دقايق وبصراحة الطايف مافيه شي حلو غير الهدا والشفا واعتدال جوه في الصيف وقربه من مكة وجدة لكن لابد تمر على منتزه الحدبان بطريق الشفا ومنتزه الجبل الأخضر في طريق الهدا والأحلى منها منتزه أرض القمر بالصناعية يعتبر وسط الطايف
أما المطاعم فلا تنسى تروح الرمانة لاسماك في طريق مكة السيل والا نجم البحر اللي وسط الطايف بجوار عبداللطيف جميل وأفضل المطاعم الرمانة في شهار والروشان في طريق الشفا وأهلا وسهلا في شبرا وانصحك لاتطول في الطايف ولا تركب التلفريك ( وتسلم)

موفق أخي برق الحيا في رحلتك إنا إن شاء الله أفكر في نفس المسار ولكن أنا أزود عليك بزيارة المدينة وأنصحك بزيارتها فهناك جو روحاني جميل جداً

الله يبارك لك في زواجك
أتمنى لك التوفيق

شكرا لكم اخواني
لكن ما قلتوا تنصحووني بوستن او المريديان
وهل المريديان مطل على البحر او لا ؟

الووستن لا يعلى عليه ولو تزود فلوسك عليك بالهلتون أما المريديان فليس على البحر

عزيزي فندق المريديان.....يقع على طريق المدينة وبجانب سوق جدة الدولي......وقريب على شارع التحلية....وبعيد عن البحر.....بس الفندق جميل بصراحة

برق الحيا
حياك الله أخوي
والف الف الف الف مبرووك
والله يوفك في حياتك الزوجيه والعمليه
وانا ماعندي اكثر من ماقاله اخوي الصريمي
وصراحه كفا و فا
وبتوفيق ان شاء الله

مشكورين كثير
والله يبارك فيكم ان شاء الله
طيب // بالنسبة للوستن ما ادري الغرف فيه وسيعه او وسط او صغيرة ؟؟؟؟
الشي الثاني ممكن تدلوني على منتزهات او اماكن تنصحوني اروح لها ؟