1. اليوروب بارك يومين


2. جنيف والريف الفرنسي ثلاثة ايام.

10 ايام ..انصحك اختي ..الله يسلمك خليها في سويسرا ومدينة الالعاب اليوروب بارك..
والنمسا زيلاميسي وميونخ لها رحلة خاصة ..عشان لا تنحرمو من متعتها.
فيكون مخططك كالتالي:
جنيف او لوزان يوم واحد
انترلكن أربعة ايام

اليوروب بارك يومين

جنيف والريف الفرنسي ثلاثة ايام.

مخطط ملموم ومتنوع وبسيط والمسافات قريبة ..تزورو قمم ثلجية وشلالات ومطلات ومرتفعات ومتاحف وحدائق وملاهي العاب واودية وكهوف وحديقة حيوان ومصنع شوكولاتة ومصنع جبن وقلاع وطيران شراعي وبحيرات وانهار ....الخ .
=========================
اذا واالله مصممة على المخطط تبع زيلاميسي وميونخ ..كالتالي:
على فكرة ..توجد ضريبة استلام وتسليم السيارة في دول مختلفة ..يعني راح يكون سعرها اغلى من انها كانت في نفس الدولة.
الوصول جنيف والسكن فيها لمددة يوم
انترلكن يومين
زيلاميسي يومين
ميونخ يومين
مدينة الالعاب يومين
جنيف يوم واحد
او ممكن تكون الرجعة من ميونخ اذا توفر معاكم الحجز.
جنيف يوم واحد
مدينة الالعاب يومين
انترلكن يومين
زيلاميسي ثلاثة ايام
ميونخ يومين.
او من فيينا اذا توفر معاكم الحجز.
لكن راح يكون فيه تعديل على الجدول مثل:
جنيف يوم واحد
انترلكن يومين
اليوروب بارك يومين
ميونخ يومين
زيلاميسي يومين
فيينا يوم واحد
====================
شوفي ايش المناسب لكم ..وحددي التواريخ بالضبط ..وراح نبدأ بالتخطيط اليومي مع الانشطة .
مع اني انصحكم بالمخطط الاول ..وزيلاميسي لها طلعة ثانية
=================
هذه روابط مهمة:
http://www.aboaziz.net/blog/?p=235
وهذا الموضوع يفيدك
. http://www.aboaziz.net/blog/?p=612
https://artravelers.com/p/re/324605
===================
وحبيت اسأل بعد عن الفيزا شنقل
من شروطها اني اعطيهم صور حجز الفنادق شلون انا احجز من بوكنج
وهل اعطيهم كل حجز الفنادق ولا بس الي اروح لها اول وحده
والتأمين وين اروح واطلعه في الدمام ولا الخبر هم القراب
وانا باخذ الفيزا من مكتب الفيفا هل يحتاج اني اقدم موعد في السفاره السويسريه ولا هم يسون لي موعد
واذا صار الموعد او المقابله ايش راح يسألوني فيها للي جرب يفيدني
واسفه على الاطاله بس فيه استفسارات كثيره في بالي
نصها لقيت اجوبتها في الموقع والحمد الله بس ابيكم تساعدوني في الباقي خ
بليؤز ساعدوني اكون شاكره لكم ومدة اجازتي 10 ايام بس
كل حجوزات الفنادق تكون معكم خلال التقديم للفيزا.
التأمين من اي شركة تأمين ..بس بشرط تقولي لهم تأمين الشنقن لعدد 10 ايام .
بالنسبة لمكتب الفيفا ما تعاملت معاه ..لكن االافضل اتصلي عليهم واستفسري عن كل شي .
ولا فيها مقابلة ولا هم يحزنون ..الا في الضرورة القصوى ...ولا عمرهم سووها السويسريين.
واذا عندك اي استفسار اخر ...نحن حاضرين
وبالتوفيق

مشكور ما قصرت والله ما قصرت يعطيك الف الف عافيه والله مره احترت لانه قريبتي راحت النمسا نزلت هناك ومدحتها لي بس شورك وهداية الله بس ما اقدر ارجع السياره في نفس المكان الي اخذتها منها وهل تقصد ان قيمة اجار السيار تصير أغلى اذا قلت لهم بسلمها بمكان ثاني او وقت تسليم يخذون وبنسبه لي المخطاطات الي حطيتها بفكر فيها مشكور طال عمرك

والله مره احترت لانه قريبتي راحت النمسا نزلت هناك ومدحتها لي بس شورك وهداية الل
.
الله يعافيك ..والشر ما يجيك.
.
بالنسبة للنمسا ..صحيح ارخص من سويسرا ...لكن ليست الاجمل ..من وجهة نظري.
مثلا ممكن يكون مخططكم للعشرة ايام في النمسا والمانيا ..وسويسرا لها وقت ثاني.
مثلا تنزلون في ميونخ او فيينا ..وتزورو زيلاميسي وسالزبورغ ومدينة الالعاب ..والعودة بمشيئة الله.
بس ما اقدر ارجع السياره في نفس المكان الي اخذتها منها وهل تقصد ان قيمة اجار السيار تصير أغلى اذا قلت لهم بسلمها بمكان ثاني او وقت تسليم يخذون
ممكن ترجعينها في اي مكان ..في المانيا او فيينا او ميونخ ...اذا اخذتوها مثلا من جنيف..لكن الاشكالية هي ان السعر راح يزيد بحكم ان التسليم في دولة غير سويسرا.
هذا موقع سيكست .
http://sa.sixt.com/
وسوي تجرية بسيطة ..لو اخذتوها من جنيف وسلمتوها في المدن التالية:
جنيف
ميونخ
فيينا
وشوفي كيف الاسعار .
على فكرة ..مطار جنيف قسمين .قسم فرنسي ...وقسم سويسري..والاستئجار من القسم الفرنسي ارخص من القسم السويسري.
هذه نقطة انتبهي لها .
وبالنسبة للمخططات ..استشيروا ..وشاورو ..والله يكتب لكم مافيه الخير.
وبالتوفيق

الله يعطيك العافيه كفيت ووفيت وانا والله ميولي سويسرا وبس
وحابه بعد اسألك سؤال واسفه لاني كثرت عليك اسأله
لو اسكن يومين او 3 في كامبورن على ما اعتقد كذا اسمها
شرايك حلو يصير قريب من تزلج والثلج ويمكن بعد تصير المنطقه بارده
وانا احب الثلج

وبسألك عن مدينة الالعاب شلون تقولي يومين يعني اروح لها يومين وين اوكون ساكنه اي منطقه قريبه منها اكثر

وترى ناس كثير مدحولي زيلاميسي كثير وانت شرايك فيها

وحابه بعد اسألك سؤال واسفه لاني كثرت عليك اسأله
لو اسكن يومين او 3 في كامبورن على ما اعتقد كذا اسمها
شرايك حلو يصير قريب من تزلج والثلج ويمكن بعد تصير المنطقه بارده
وانا احب الثلج
هذا موقع يبين حالة الجو في القمم ..وتوقعات هطول الثلوج.
http://www.snow-forecast.com/resorts/Kaprun/webcams/latest
.
ومرة شفت تعليق لأحد الاعضاء ان في صيفية من الصيفيات الثلج ذاب في قمة كابرون.
في الجهة المقابلة ..سويسرا ..توجد قمة تتلس ..وقمة اوروبا الينفيرواخ ..والثلج مضمون 100% طوال العام.
http://www.jungfrau.ch/en/tourism/places-to-visit/
وبالتوفيق

وبسألك عن مدينة الالعاب شلون تقولي يومين يعني اروح لها يومين وين اوكون ساكنه اي منطقه قريبه منها اكثر
.
يعني تسكنو فيها يومين ..مدينة الملاهي كبيرة جدا..ويوجد بداخلها خمسة فنادق..(ركزي بداخلها ..هذه من غير الشقق اللي في قرية رست الملاصقة لها).
مثلها مثل ديزني لاند اللي في باريس وممكن اكبر.
وموقعها جميل ..في الغابات السوداء في جنوب المانيا ...بالقرب من فرايبورغ الالمانية.
ونهر الراين يمر من خلفها.
بصراحة ..لا تطوفكم...تراها قريبة من انترلكن ..يعني تقريبا ساعتين ونص بالسيارة.
وترى ناس كثير مدحولي زيلاميسي كثير وانت شرايك فيها
اذا تبي من الناحية المادية التوفيرية ..النمسا اكيد.
لكن اذا تكلمنا من ناحية الجودة السياحية والامان والتنظيم وتنوع الانشطة ..سويسرا في المرتبة الاولى بلا منازع.
هذه من وجهة نظري البحتة.
ربي يكتب لكم السفرة ان شاء الله وتزوروهم الثنتين ..وراح اسألك نفس السؤال ..والله اعلم ايش راح يكون جوابك
وبالتوفيق

طيب شرايك في ساس في سمعت فيها وهل بيكون فيها ثلج وقت روحتي