سميه ..
07-12-2022 - 02:31 am
بسم الله الرحمن الرحيم
السلام عليكم و رحمة الله و بركاته
صباح و مساء النور اخواني أخواتي
جعلكم الله في خير دوما
رحلتي انا و عائلتي و بعض الأهل و عددنا جميعا ماشاء الله 12 شخص
يوم 19 سبتمبر و العوده 1 أكتوبر
يعني 10 ايام كامله
و احس انه ما يصلح التنقل كثيراً
فقلت توزيعها على جاكرتا و بونشاك فقط ؟!
او اذا رأيتم انه مناسب نزور باندونق
طبعا الوصل يكون صباح السبت
و زي ما قريت انو السبت و الاحد لا تطلع الجبل عشان الزحمه
فقلت نجلس السبت و الاحد بجاكرتا
و الاثنين ننطلق ل الجبل
و نجلس ل الثلاثاء و نرجع جاكرتا ..
هل كذا تمام او ماذا الأفضل كما ترون
و هل لو جلست ألفتره كلها في الجبل ما راح تنتهي الأماكن اللي نزورها
مع العلم ان معانا رجل كبير
الجزء الثاني كيف أحجز سياره هل أخذ ارقام و احجزهم من هنا
او أخذ من المطار و انطلق
و ماشاء الله 12 شخص نحتاج باص او سيارتين كبيره
ف ايش الأفضل
و ابي منكم ترشيح لفندقين حلوه و تصلح للعائلات الكبيره
و يكون نظيف و قريب من المناطق المهمة
يعني عادي أحجز شقتين او 3 بس يكون اقل شي الغرفه تستقبل 4 اشخاص
و كمان فله كبيره في الجبل او فلتين جنب بعض و تكون نظيفه و مريحه و أمان
و ادري طولت و الله
بس اول سفره و ابي اعرف كل شي
عشان لا يخترب السفر
و اعرف أنكم أهل كرم و راح تساعدوني
و شكرًا مقدما
كمان أضافه بسيطه
الفنادق اللي في جاكرتا
واحد يكون لأول يومين وصول
و الثاني لآخر يوم يكون قريب من المطار نسبيا لان رحلتنا صباحا