هل حبيبي كيف حالك
سوال لنفرض انك ضعت يعني مثلا كنت في حديقه كبيره وطلعت من مخرج غلط
هل تستطيع تركيب جمله واحده مضمونها : كيف استطيع الذهاب الى المكان الفلاني
مع امكانيه فهم مايقول من ارشادات للوجهه مثلا يمين يسار من بعد ذلك انعطف يسار
اذا تقدر توكل على الله بدون خوف
اذا لا انصحك تتوكل على الله دبل ومن ثم تشتري جارمن او اي جهاز نفيقشين مضبوط في ميزه تخزين اماكن للرجوع لها + تعلم كيف تحاسب فلوسك بالانجليزي يعني لمن تجي تشتري كيف وكم الكميه الي بتطلبها وكم يبغى منك (لشرا التذاكر والاكل والمتاحف والفندق ) وروح ي حبيبي لا تجعل اللغه عائق اصلا صدقني بتتسهل الامور وثانيا حافز لجعلك تتعلم اللغه اذا رجعت انا في مطار جده وانا راجع للشرقيه تعرفت على امريكي مسلم جا ياخذ عمره ومايعرف عربي وطاح له في تكاسي مايعرفون ولا كلمه انجليزي ولكن كل شي يمشي سهالات مثلا تبي تقول مطار تقوله ولو غلط والنطق غلط ولكن بنفس الوقت جالس تاشر بيدك تسوي حركه الطياره ههه صدقني بيفهم وكذا بتضبط الامور ان شا الله بالعكس شي حلو تروح اصلا حلاوه كل رحله الضيعه فيها ههه
بالتوفيق

مرحبا اخوي ..
والله لو ماكنت تعرف ايش اليس او نو .. ماتعيقك من سفر ..
سافر وتوكل على الله واللغه مش عائق
بس اهم شي وهذي نقطه مهمه جدا للي مايعرف انجليزي او حتى اللي يعرف انجليزي انك اتعرف الاماكن سياحيه واماكن اتسوق اتكون عندك فكره عن البلاد اللي بتروح لها
واعتقد تقارير الاعضاء موجوده وةفيها من المعلومات شي الكثير ..

تستطيع شراء جهاز ترجمان إلكتروني وتختار العبارة بالعربية ليعرضها بالإنجليزية وينطقها أيضا. أغلب أجهزة الملاحة بها هذه الميزة.

عبدالعزيز بدر
يعطيك العافية ابو بدر ما قصرت وانا اخوك انا عندي مصطلحات تمشي الحال يعني مو ميح على قولتهم
بس حركة الطيارة الظاهر بسويها ههه

البرستيج كله
الف شكر يا غالي رد يوسع الخاطر

الحمد لله من كلام الاخوان الموضوع ميسر

ان شا الله باذن الله كل الامور سهالات وانا اخوك انا خويي في لندن ورايح ازوه ان شا الله ورحلتي بعد ايام خويي هذا بدوي لا عربي زي الناس ولا انجليزي ههه وراح لندن لحاله والحين له فيها تقريبا سنه يجي بالاجازات رايح يتعلم انجليزي واموره ماشيه زي السلام عليكم في بداياته يارجال اللغه عمرها ماكانت عائق في اي شي بس مثل ماذكر لك اخونا البرستيج كله انك اساسا تكون مسوي جدول وعارف ايش هي المدينه الي انت رايح لها وليش الناس تروح لها وايش قصتها وايش الاماكن الي فيها وبكم ترا المواضيع الي بهالمنتدي ماشا الله وربي جالس اسولف لخويي يقولي كانك مسافر لها من قبل وانا ماعمري رحت اوروبا

يحول الى قسم الاستفسارات
ارجو التقييد بشروط البوابه