و عليكم السَلآم و رَحمة الله و بَركآته ,
أفضل لك من وُجهة نَظري قراءة مواضيع البوابة و تقارير من سَبقوك لكي أنت من يُحدد البرنامج المُناسب لَك
و ل عائلتك فما يُناسب غيرك قد لا يُناسبك و العَكس أيضاً ..
و بخصوص الميزانية أيضاً يكون قرارك حيث تستطيع السَكن في فنادق من فئة الخَمس نُجوم و تستطيع السَكن في
فنادق الثلاث نُجوم و يعتمد أيضاً على نوعية تسوقكم و طريقة صَرفكم ..
لكن ك مُجمل المَبلغ قد يكون شامل التذاكر و السَكن و ك مصاريف للرحلة ككل في حَال لم يكن التنقل داخل الوردة
كثيراً ..
دُومت ب وِد ..

وعليكم السلام ورحمة الله وبركاته
عيدك مبارك ان شاءالله بالنسبة لتخطيط الايام والتنقل راح يكون قليل وان شاءالله الجدول يناسبكم
3 ايام مانيلا - 3 ايام بوهول - 4 ايام جزيرة بوراكاي - والرجوع مرة اخرى الى مانيلا وتقضية اخر يومين
السفر من مانيلا الى بوهول بطيارة والذهاب من بوهول الى سيبو بالعباره ومن سيبو الى بوراكاي طيارة
والرحلة الوحده مابين ساعه الى ساعه و20 دقيقه فقط
الجدول هذا مناسب لكم اذا كنتوا شباب ماعندكم احد كبير في السن لان التنقلات الكثيرة متعبه للبعض
الميزانيه تكفيكم 40 الف ان شاءالله شاملة الفنادق والتذاكر والمصاريف
تقدرون تحذفون بوهول وتتمشون حول مانيلا المناطق القريبه مثل لاقونا او تقايتاي او بويرتو قاليرا كلها جميله او حتى باقسان جان في لاقونا ايضا
واي استفسارات اخرى ماراح نقصر معاك ان شاءالله في شئ
تحياتي

فَهد
أفضل لك من وُجهة نَظري قراءة مواضيع البوابة و تقارير من سَبقوك لكي أنت من يُحدد البرنامج المُناسب لَك
و ل عائلتك فما يُناسب غيرك قد لا يُناسبك و العَكس أيضاً ..
و بخصوص الميزانية أيضاً يكون قرارك حيث تستطيع السَكن في فنادق من فئة الخَمس نُجوم و تستطيع السَكن في
فنادق الثلاث نُجوم و يعتمد أيضاً على نوعية تسوقكم و طريقة صَرفكم ..
لكن ك مُجمل المَبلغ قد يكون شامل التذاكر و السَكن و ك مصاريف للرحلة ككل في حَال لم يكن التنقل داخل الوردة
كثيراً ..
دُومت ب وِد ..
انا اخذت لي لفه على المواضيع بس فيه اراءا كثيره
وبالنسبه للميزانيه ادري تختلف من صرفنا بس انا قلت اني ابغى شيء تقريبي والفنادق راح ناخذ شيء متوسط ومن المعقول
جزاك الله خير على ردك

JAKALL
علينا وعليك حبيبي
ايه الاجازه قصيره وما نقدر نجلس اكثر من ككذا
والتخطيط الي انت سويته تقريبا نفس الي انا كنت مفكر فيه بس كان بدال بوهول كنت حاط باقيو بس لغيتها بسبب برودة الجو فيها في شهر يناير
بس توني شفت تقارير عن بوهول وجازت لي
وبالنسبه للتنقل من بوهول الى بوراكاي لازم نعدي على سيبو
ومو كلنا شباب الوالد والوالده كبار في السن
جزاك الله خير على ردك الله يسسعدك :قلب:

باقيو جوها بارد لكن مو متعب او ممرض والطريقة الوحيده عشان تروحوا لباقيو بالباص مدة الرحلة 5 ساعات و 20 دقيقة من مانيلا
اما بوهول عندكم حلين تركبوا طيارة من مطار بوهول وترانزيت مانيلا وبعدين بوراكاي
او
تروحوا من بوهول الى سيبو بالعباره ومن مطار سيبو دايركت ع جزيرة بوراكاي ( الرحلات نادره الافضل الحجز بدري)
والله يعينك ويقويك ع الوالد والوالده ان شاءالله راح تنبسطوا في بوهول لانها خضراء وجميله
واي استفسارات اخرى حاضرين ان شاءالله
تحياتي

JAKALL
ايي قريت انها لازم باص والرحله شويه راح تكون ششويه متعبه بالباص فقررت اني الغيها
تسلم ياعسسل ما قصرت الله يسعدك ويوفقك ي رب =)

jakall
طيب لاهنت اخوي jakall الحين مو احسن ان يكون مسار الرحله من مانيلا الى بوراكاي وبعدين الى بوهول

كلها ممتازه لكن حطيت جزيرة بوراكاي في الاخير لانها جميله وتكون اخر زيارة لكم
وانت تقدر تبدل وتغير في الجدول مثل ماتحب ان شاءالله كلها موفقه
والرحلات من بوراكاي كاتيكلان الى بوهول تاقبيلاران مافي دايركت لازم ترنزيت مانيلا
او تسافرون من بوراكاي كاتيكلان الى سيبو ماكتان دايركت وبعدين بالعباره تروحون بوهول
عارف الاسامي جديده عليك راح تحسها صعبها لكن الافضل تكتبها عندك للاهميه وراح تحتاجها
الله يسهل امورك وامورنا ان شاءالله
تحياتي