المبدع الموهوب
بجاوبك على هالسؤال فقط لاني مجرب
السعر في حدود 40 رنقت
من احلى الرحلات في حياتي ولا يفوتك حاول تطلع على سطح الفيري منظر خيالي
ملاحظة اذا عندك مشكلة مع البحر ويجيك دوار البحر حالو ماتكثر اكل قبل الرحلة

أخوي ... ( المبدع الموهوب ) .
بالنسبة للذهاب من إذا بغيت توفر من دون تعب ... شف عندك الباصات الفخمة Vip سعرها مناسب جداً وأرخص بكثير من التكسي ، ولافيه زحمة ولاهم يحزنون .
ولمزيد من المعلومات بإمكانك مراسلة الأخ العضو ( الحر ) فبإعتقادي أنك ستستفيد منه كثيراً ، وخاصة فيما يتعلق بالمواصلات ...... ولايهونون الإخوان في هذا المنتدى العزيز .
مع تمنياتي لك بالتوفيق أخي الكريم .

اهلين اخوي المبدع الموهوب ( شكلك محمد الشلهوب ) لالا صح ذاك في المانيا كابر راسه على ماليزيا
بداية اشكر الاخ الاشهب على ثقته الغالية :x1: واتمنى ان اكون عند حسن الظن
بداية اخوي المدبع ماشاء الله عليك محكحكها مضبوط ( والظاهر لو حصل لك تاخذ بعض المشاوير كعابي ماعندك مانع )
بالنسبة للصنواي لاقون الى كاميرون فهناك باصات في اي بي سعرها يتراوح بين 20 الى 30 رينجت ولكن لااضمن ان هناك مكتب لهم في الصن واي لاقون واعتقد انه لابد الذهاب الى كوالا ,, عموماً الموضوع مايكلف 10 رينجت بالتاكسي ,, اما السيارة فراح تكلفكم من 180 الى 250 رينجت ,, انت وشطارتك في المكاسر ,, الفرق ماهوب هين ,, ولكن الي يميز السياره الخاصه هنا انك راح تمر بمناظر تستوجب ان تتوقف للتصوير والمشاهده ,, وراعي التكسي على هواك يوقف متى ماقلتله وقف ,, اما الباص ماراح احد يحاكيك ,,
وبالنسبة من كاميرون الى بينانق نفس الفكره تقريباً لان المسافه متقاربة نوعاً ما ,,
واما من بينانق الى لنكاوي بالفيري ,, فهناك فئتان ,, 20 رينجت و 40 رينجت وانا اخذت 40 رينجت والحقيقة انه متعب بعض الشيء وترتيب العفش عندهم بدائي وانصحك بالحجز قبل الرحلة بيوم ولاتاكل قبل الرحله شي
وبالنسبة من لنكاوي الى كوالا فالمشكلة ان اسعار التذاكر الداخلية تختلف من مكتب الى آخر ,, والي اذكره ان التذكره كلفتني حوالي 140 ريال ,, على فكره هالمشوار لازم طياره وخل عنك التوفير شوي
ومشوارك من المطار الى افا موسا ,, كانك اخذت من تكاس المطار بيضربونك شوي في السعر ولكن خذ من التكاسي الي واقفين برا ارخص ,,
وانصحك تتفق مع نفس السواق يرجعك من الافاموسا لان المنتجع مافيه تكاسي ,,, ولاعندك الا سيارت الفندق وياخذون عليك السعر دبل
عموما اتمنى لكم رحلة موفقة واي استفسار احنا حاضرين وفي الخدمه