:: الفارس اليماني ::
حياك الله أخوي في بلاد الخير.. دوحة الخير
اسمح لي نيابة عن أخواني أفيدك باللي أقدر عليه
مواعيد الدوام الرسمي
هي 5 ساعات فقط تختلف من الوزارات التابعة للدولة
والمؤسسات والشركات الحكومية
أما الخاص فغالباً من 9-12 صباحاً، و8-12 ليلاً
ميزانية التغذية
اعمل حسابك بمعدل 15-20 ريال للشخص البالغ لوجبة الفطور أو السحور
طبعاً انت وطبيعة الأكل اللي تبحث عنه ونوعيته وكميته
يعني ممكن بوفيه فطور مفتوح في مكان حلو ب40 ريال للشخص وكذلك السحور
شريحة الجوال
هي شركة وحيدة حالياً عندنا Q-Tel كيوتل وممكن تشتري الشريحة ب200 يال
فيها رصيد 100 ريال
المواصلات
أنصحك انك ما تعتمد على التكاسي عندنا في قطر إذا مرتبط بمواعيد محددة
لأن عددها محدود ومو متوفرة في كل مكان بعدد كاف
خاصة أنها تتبع شركة واحدة فقط هي (كروة)
يعني عادي يوعدونك على الساعة 8 ويجيونك 9 ونص!!
رقمهم 4588888
لذلك خل سكنك قريب من مكان الشغل اللي رايح له
وحاول لين رحت مشوار تروح مكان فيه مواقف خاصة للتكاسي مثل المولات أو منطقة الأسواق
وخل عندك رقم شركة ليموزين في حالة الطوارئ لاقدر الله
أماكن الترفيه في ليالي رمضان
طبعاً الدوحة مب مثل السعودية مثلاً
بالكثير الساعة 12 أو 1 الليل تنتهي برامج العائلات خارج المنزل
ممكن تروح خلالها المجمعات التجارية، الكورنيش، حديقة الرميلة، سوق واقف
والله أعلم
:: بوفهد80 ::

و الله مشكور اخوي ابو فهد و ممتن جدا للمعلومات اللي قدمتها
اتمنى ان شاء الله ان اقضي فعلا ايام حلوة في دوحه الخير.
بس لو سمحت ممكن تعطيني رقم شركه الليموزين للطوارئ فقط