ابو لارا2007
طيب أخوي العودة عن طريق مدريد بس الذهاب عن طريق أي مدينة
وبالنسبة للسيارة أنصحك وبشدة باستئجار السيارة
وهذا تقريري عن إسبانيا وكثير من تنقلاتي فيه على السيارة
https://artravelers.com/p/re/242358

zaman99s
الذهاب والله ما بعد تحدد الى الان لان ابجي عن من باريس

برشلونه و ماربيا
لكن المشكله 8 أيام قليله عليهم خاصة العوده من مدريد
خليها 6 أيام برشلونه
يومين مدريد

ابو لارا2007
ممكن تجي لمطار ملقا من باريس وتستأجر سيارة من هناك وتقضي لك ثلاثة أيام في الشواطئ الجنوبية وبعدها تطلع لأشبيلية تمر على مناطق الآثار هناك وتمشي بعدها لغرناطة تنام هناك وتزور قصر الحمراء في الصباح وتكمل مسيرتك إلى قرطبة وتشوف المناطق الأثرية وتنام وفي الصباح تروح لمدريد وتقضي فيها باقي أيامك
وبعدها تسلم السيارة في مطار مدريد وترجع بالسلامة
أدري لخبطتك بس بعيد لك ترتيب الليالي
ثلاث بالجنوب
ليلة بغرناطة
ليلة بقرطبة
ثلاث بمدريد

يعطيكم العافيه وياليت تفيدوني بفنادق رخيصه وزينه في ماربيا وغرناطه ومدريد
.

ابو لارا2007
أخوي بالنسبة للفنادق راح أعطيك موقع يقارن لك بين الأسعار وممكن تختار عن طريقه
بس في ماربيا ممكن تختار فندق قريب من بويرتو بانوس إذا ما كان معك سيارة ولكن إذا معك سيارة فاسكن في مدينة بنا المادينا أو فنخيرولا أرخص
أما قرطبة وغرناطة فما عندك أي مشكلة لأن الدعوى كلها ليلة
وبقينا في مدريد
تبي فندق داخل شارع قران بيا في الزحمة أو تبي فندق يبعد حوالي 10 دقائق بس بيكون أرخص وأحلى
وموقع البحث هو
http://search.hoteloogle.com/

zaman99s
تسلم اخوي الموقع بجد مفيد وغير كذا تقدر تحدد الموقع ويطلع لك اكثر من فندق

ابو لارا2007
الصيف الماضي أنا حاجز عن طريقه بصراحة أعطاني عروض ممتازة

zaman99s
يعني مضمون لاني اول مره احجز عن طريق النت وغير كذا كيف اخذ صوره من الحجز لي وللسفاره اذا طلبته
وياليت اذا احد يعرف موقع يؤجر سيارات هناك اكون شاكر