السلام عليكم و رحمة الله و بركاته
في البداية احب أشكر من أعماق قلبي كل القائمين على هذا المنتدى العظيم فالتقارير الرائعة تشعر القاريء انه قد زار
كل ما في هذه البلدان من جمال
و الاجابات الوافية تزيد من ثقة المسافر بنفسه و تجعل من سفره متعة و راحة
بالنسبة لي انا أوليت مكتب سياحي مهمة تنسيق سفرتي
لأني احس ماعندي وقت و خايفة اني اغلط
خصوصا انها اول رحلة لي خارج المملكة
اقناع زوجي كان اصعب جزء في المهمة
اصعب اصعب اصعب جزء
عشان كدة ابغى رحلتي تكون ممتعة و سهلة
ما ابغاه يقول شفتي اوروبا متعبة و مكلفة
الرحلة فيها انا و زوجي و اطفالي 12 --11 --8 سنوات
المخطط حق المكتب ما حبيته كثير من كده ابغى رأيكم
خط سير الرحلة
جدة
باريس 2 يوم
فيينا 2 يوم
زيلامسي 2 يوم
جنيف 2 يوم
انترلاكن 2 يوم
احس ما في وقت نجلس في اي مدينة و نستكشفها
و كل الوقت هيكون انتقال من مكان لمكان
احس عيالي هيتعبوا
وكمان فندق باريس ماحبيته كثير اسمه flaubert
اهم شيء عندي في الفندق انو يكون قريب مشي من برج ايفل
بالنسبة للفندق المذكور هل هو قريب من برج ايفل ولا بعيد و مشوار
هذا و دمتم بود