فوفووبس
13-08-2022 - 07:55 pm
السلام عليكم ورحمة الله وبركاته
السفرة قربت بعد اسبوع ان شاء الله
وعندي كذا استفسار الفزعة
وخصوصا للي يعرف لقوقل ماب
انا حجزت بفندق kunsthof
مااعرف وين بالضبط
بس قالي قريب من الساحة اتمنى تدولني عليه كيف اروح للساحة وايش اقرب مترو تكفون
والشي الثاني
انا ناوية اشتري بطاقة كارد فينا وناوين نروح من المطار عن طريق باص او مترو كيف الطريقة
لاتقولين تاكسي احب انا اتمشى واشناطي صغيرة
وبعدها بنروح لسالزبورج هل الرحلة دايكرت ولا توقف
وشاكرة لكم تعاونكم
هذي صورة توضح لك موقع فندقك :
.. وهو قريب للملاهي ( البراتر ) تروحون برجولكم .. واقرب محطة للاندرقراوند هي Praterstern Bf ( اللي رمزت لها بالرقم 1 ) وهذة المحطة يوجد بها مسارين وهما U1 الاحمر .. و .. U2 البنفسجي .. فاذا كنتو تبون تروحون لساحة ستيفنز ( شارع المشاة ) تركبون الاحمر U1 ( اللي رمزت لها انا برقم 1 ) .. وتتجهون الى محطة Stephansplatz ( اللي رمزت لها بالرقم 4 ) ومرورا بالمحطتين رقك 2 و 3 الي اسمائهم واضحة عندك بالخريطة .. اذا مو واضحة الفكرة علميني اوضح زيادة ..
بالنسبة للفينا كارد تقدرين تشترينها من المطار .. وبموجبها تحصلين على تخفيض رمزي للقطار اللي اسمه ( CAT ) وهذا القطار متخصص بنقل الركاب من المطار الى اماكن عديدة منها السنتر ( ووضحت لك بالصورة محطة القطار CAT اللي بالسنتر )
بالتوفيق ..