ودي أشــكي
25-10-2022 - 06:17 am
السلام عليكم ورحمة الله وبركاته ..
رحلتي بإذن الله في شهر نوفمبر وهي عبارة عن 8 أيام فقط لأندونيسيا وعندي جولة سياحة بعدها لدبي عشان لا يجي أحد مطفي النور ويقول وش تسوي لك 8 أيام بشهر العسل ..
المهم ياأخوان عندي بعض الاستفسارات والله لا يهينكم أبي جواب تفصيلي ممل ..
1/ كيف بتكون الأجواء في شهر نوفمبر في ( جاكرتا - بونشاك الجبل )
2/ وش هي أفضل الأمكان في جاكرتا علماً بأني ماخذ لي يوم في جاكرتا وأبي مولات وكذا يعني ..
3/ الجبل هل تكفي 6 أيام أو بتكون زيادة وهل أقسمها ع الجبل وبودنوق ؟
4/ أفضل الفلل لعرسان وتكون بمسبح خاص لاهنتوا ..
5/كلمت سواق وقال الليلة ب 600.000 هل السعر مناسب أو مبالغ فيه في هالشهر ( نوفمبر ) ..؟
وبس ولو فيه أي استفسارات أدري ماانتم مقصرين ..
تبغى رأيي ..
طالما وضعت إتدونيسيا بخطتك تلغي دبي وتضيف أيامها لرحلتك وتزور جزيرة بالي وممكن نضيف باندونق
إذا كانت أيامك 14 يوم بدون يومي الذهاب والعودة ..
جزيرة بالي مناسبة للعرسان وإذا كنت تريد طبيعة ومولات فخمة وفنادق فخمة تجدها هناك وأرخص
من دبي وهذا رأيي ولك الخيار ..
شهر نوفمبر أجوائه ممطرة بشكل عام خاصة الجبل وباندونق ..
الفلل في بالي أما الجبل كبيرة عليك الفلل والمسبح ما تحتاجه فالجو بارد ولكن في بالي تجد فلل في منتجعات
وبخصوصية .. فكر بالموضوع وأعطينا رأيك !! ..
السواق سعره زاد شوي مع ارتفاع سعر البترول عندهم ولكن أنت تحتاجه في الجبل وتلقى بسعر
0روبية وممكن أقل شوي أما جاكرتا تكفيك التكاسي وبالعداد ..