اهلا وسهلا فيك اخوي واسمح لي اجاوبك على بعض الاستفسارات ...
1- يعتمد على ميولكم ورغباتكم والاهم اطلع على هذا الرابط :
https://artravelers.com/p/re/384418
بالاضافة الى تقارير الاعضاء ...
2- يعتمد عالمنطقة اللي بتختارها للسكن .. لكن انصحك بعد تحديد المنطقة زيارة هذا الموقع :
https://www.booking.com
3- سألت وجاوبت وانصحك بزيارة الرابط بالجواب الاول ..
4- هذا تعرفه من قارير الاعضاء وتجاربهم افضل
5 - 300 دولار تشمل ؟؟؟
6 - انا طبعا افضل سياره مع سواق بعض النظر عن المنطقة المحدده .. والمعتاد ان يومية السائق 120 وتصل الى 160 ليره باليوم
نصيحتي لك بما ان فترتكم فقط 9 ايام خلها بمكنطقة وحده ولاتضيعون وقتكم بالتنقلات الا اذا اخترتوا اسطنبول فممكن تستثنون يومين او 3 الى بورصه ....
ورحلة موفقه ان شاء الله

اشكرج اختي على تجاوبك معاي وما قصرتي
بالنسبه للاماكن او المناطق كنت انتظر اقتراحات ومثل ما انت تفضلتي اهي تعتمد على الميول بس لو توضحيلي المناطق وشنو الي تتميز فيها وانا لازم اطلع على الرابط وكثر الله خيرك
بخصوص الميزانية اليوميه انا اتكلم عن المصروف غير شامل السكن

اخوي انا مثل ماذكرت لك من قبل بما ان مدتكم قصيره فخلوها مثلا
يومين اسطنبول
4 ايام بورصه ومنها يوم الى يلوا
3 ايام اسطنبول
او اذا انتوا تحبون الطبيعه والجو الحلو والاستجمام فخلوها
اول يوم الوصول اسطنبول
يومين بورصه ومنها اذا تحبون تطلعون الى يلوا وترجعون بنفس اليوم لانها ساعه بالسياره
4 ايام ابانت
يومين اسطنبول
لان ابانت تتميز بجوها وطبيعتها ... اما اسطنبول وبورصه فهي زحمه وحاره شوي
او انكم اول ماتوصلون اسطنبول تكون ترانزيت وتتوجه مباشرة الى الشمال التركي 6 ايام
( ولك حرية الاختيار بين المناطق اما الاقامه في طرابزون والانطلاق يوميا الى مكان والرجوع بنفس اليوم او الاقامه في آيدر او اوزنجول او ريزا )
تبقى لك 3 ايام تقضيها في اسطنبول
وطبعا لكم حرية الاختيار
اما بالنسبة للميزانيه المذكوره اذا كنت بدون سكن تكفي زياده بعد
وبالتوفيق ان شاء الله ,,

بصراحه ما اعرف كيف اشكرج على التقارير واللنكات الي ارسلتيها
وانا ممكن ازيد المده خصوصا بعد ما شوقتيني على الاماكن من خلال التقارير
خط السير الي ابيه ان شاء الله (( كويت - الشمال التركي (4 ليالي) - بورصه يالوا ( 3 ليالي ) - اسطنبول ( 4 ليالي) ))
بالنسبه للشمال التركي ما ني قادر اقرر الوجهه
بس اظن انو طربزون افضل مكان للاستقرار واجر سياره بسواق للتنقل والرحلات شرايج؟
بالنسبه للفنادق بالاماكن الثلاثه شنو الافضل والميزانيه مفتوحه
واكرر شكري لك

لا شكر على واجب ياخوي ... ومانبي الا الدعاء ,,
برنامجك حلو بس اذا تبي نصيحتي ( تعديل بسيط تخلي الشمال 5 ليالي بدل اربعه يعني هالليله الزياده تاخذها اما من بورصه او اسطنبول )
وانا أأيدك بالسكن في طرابزون والتنقل يوميا الى المناطق المجاوره ..
بالنسبة لافضل الفنادق .. طبعا موقع بوكينج اللي اعطيتك من قبل راح يساعدك كثير ..
فنادق بورصه صراحه ماعندي خبره فيها لاني رحت لها ورجعت بنفس اليوم يعني مانمنا فيها
اما اسطنبول فعندك مجموعة فنادق تايتنك ( وانتبه اختار تايتنك سيتي لان هو اللي بتقسيم ) وممكن تعرف فنادق ثانيه من خلال تقارير الاعضاء وتجاربهم مع الصور
بالنسبة لطرابزون عندك فندق النوفوتيل .. سكنته هالسنه .. راقي جدا ونظيف وخدماتهم رائعه ومطل عالبحر وبوفيه الفطور حلو حتى في طريقة عرضهم للاكل
وهذا موقعهم وهو 4 نجوم ولكن انا اقيمه 5 :
http://www.novotel.com/gb/hotel-6710-novotel-trabzon/index.shtml
وهذا موقع لفندق اخر وهو الوحيد 5 نجوم :
http://www.zorlugrand.com
وهذا 4 نجوم :
http://www.ustaparkhotel.com/
وهذا ايضا سكنته العام وجيد نوعا ما 4 نجوم لكن انا اقيمه 3 بصراحه :
http://www.fundahotel.net/
وهنا مجموعة ايضا :
http://www.icemtour.com/trabzon_hotels_daily_tours_flight_tickets_car_rental_turkey.asp
وبالتوفيق ان شاء الله ..

ياعمي خلي أيامك كلها في الشمال التركي استقر في طربزون وتوجه منها إلى أوزنجول وايدير وريزا وغيرها من المناطق الجميلة لأن المدة اللي بتسافر فيها قصيرة ومن الصعب تقسمها واذا كنت تبحث المقاهي والملاهي اوالمطاعم الراقية موجودة في ديارنا ومايحتاج نبحث عنها في أسطنبول أو غيرها من المناطق.