وعليكم السلام ورحمة الله وبركاته
السعر راح يكون زايد لانك بتستلم السيارة في النمسا وترجعها في سويسرا فيحسبون عليك سعر نقل السيارة
جرب الفولكس او الفورد ارخص من البي ام

القطار من فينا الى زل امسي يتم تبديله في سالز بيرق وهي تقع على حدود المانيا واقرب بلده المانيه لها هي Freilassing فهي تبعد اقل من 10 كم لذلك خل رحلتك من فينا الى هذه القريه ويوجد رحلات مباشره لها من فينا بدون تبديل القطار والرحلة تستغرق ساعتين وخمسون دقيقه
وعند التسليم سلمها في كونستانس الالمانيهKonstanz ومن محطتها يوجد قطار مباشر بدون تبديل الى مطار زيورخ يستغرق ساعه
جرب الاستلام والتسليم من هذه الماكن وشوف كم بيطيح بالسعر اذا هو يستاهل طبق الخطه واهم شيء التامين الشامل
حسب بحثي حصلت لك سياره اودي AUDI A1 قير عايدي بسعر 1680 ريال لمدة اسبوع والتامين الشامل بحيث تتحمل زيرو في حال الحوادث لاسمح الله يكلفك 500 ريال بشرط عمر السائق فوق 26 سنه او مالك الا تامين محدود يعني تتحمل جزء من الملبغ في حال الحادث او السرقه لا سمح الله
وفيه منها اتوماتيك AUDI A3 تكلفك 2350 ريال ونفس تكلفة التامين
احجز من موقع شركه رسميه وموثوقه بحيث توفر لك السياره الانظف
http://www.europcar.com/

daayem1
يعطيكم العافية على السرعه في التجاوب معي او مع اي من الأعضاء الآخرين
اخوي (daayem1) واخوي (tab_el) أخذت بنصايحكم وحجزت من مدينة ألمانية الي هي :Freilassing ومنها بطلع لانترلاكن
ومن انترلاكن إلى زيورخ وبعدها راح نطلع لمدينة الألعاب في رست الألمانية وهناك بيكون تسليم السيارة
وبعدها بنرجع لزيورخ بالقطار عشان الطيارة بتكون من زيورخ السويسرية...
طبعا الحجز من نفس الموقع (سيكست)
ونفس السيارة البي ام
بعد تغير مكان الاستلام والتسليم وبعض مواصفات السيارة
طلع المبلغ الإجمالي ب1500 قير اتوماتيك والتأمين العادي بسبب العمرز
طبعا الدفع راح يكون عند استلام السيارة من هناك
,,,

طبعا 1500 ريال للمعومية فقط

زين ما سويت والله يعطيك خيرها ويكفيك شرها ولكن بالنسبه للتسليم انصحك سلمها في بلدة Freiburg نصف ساعه من اليورب بارك لان رحلاتها بالقطار مباشره الى زيورخ ساعتين بدون تبديل او وجع راس وفرع سكست قريب من محطة القطار دقيقتين مشي واسم المحطه علشان حجز القطار http://fahrplan.sbb.ch/bin/stboard.exe/en?seqnr=4&ident=dj.010994190.1372714349&input=8014350&boardType=dep&time=09:01 واسم الفرع وعنوانه Komturstrasse 38, 79106 Freiburg, Germany وعادي تقدر تعدل حجزك لكن انتبه عند الحجز ابحث عن رحلات مباشره فيه الساعه 9 تقريبا والساعه 1 وفيه رحله الساعه 2 وعشر دقائق و2:55